Noo Mian 11 - Noo Mian 1748

CAB. XI.

¹ As haink eh gy kione, tra va Yeesey erreish saraghyn y choyrt da e ghaa ostyl jeig, dy jagh e veih shen dy ynsaghey as dy phreacheil ayns ny kialteenyn oc.

² Nish tra va Ean er chlashtyn ayns y phryssoon jeh obbraghyn Chreest, hug e jees jeusyn v’er ny ve sheer marish er chaghteraght huggey,

³ Dy ghra rish, Nee uss e, va dy heet, ny vel shin dy yeaghyn son fer elley?

⁴ Dreggyr Yeesey as doort e roo, Immee‐jee as soilshee‐jee da Ean ny reddyn ta shiu dy chlashtyn as dy akin:

⁵ Ta ny doall geddyn nyn soilshey, as ny croobee gimmeeaght, ny louranee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boughtyn.

⁶ As bannit ta eshyn nagh gow oyr dy huittym ayns peccah, my my chiones.

⁷ ¶ As myr va’d goll rowe, ren Yeesey toshiaght dy ghra rish y pobble my‐chione Ean, Cre hie shiu magh gys yn aasagh dy akin? cuirtlagh criht rish y gheay?

⁸ Agh cre hie shiu magh dy akin? Dooinney coamrit ayns sheedey? Cur‐my‐ner, tar adsyn ta caeu sheedey ayns thiyn reeaghyn.

⁹ Agh cre hie shiu magh dy akin? Phadeyr? Dy jarroo, ta mee gra riu, as fer syrjey ny phadeyr.

¹⁰ Son shoh e, jeh te scruit, Cur‐my‐ner ta mee cur my haghter magh royd, dy yanoo aarloo jeh’n raad er dty hon.

¹¹ Dy firrinagh ta mee gra riu, nyn mastey ocsyn t’er nyn mreh jeh mraane, cha vel fer syrjey ny Ean Bashtey er nirree seose: ny yei ta’n fer sloo t’ayns reeriaght niau ny syrjey ny eshyn.

¹² As er dy laghyn Ean Bashtey derrey nish, ta sleih chionney stiagh gys reeriaght niau, as tar adsyn ta cheet lesh jeeanit cosney stiagh ayn.

¹³ Son ren ooilley ny phaderyn as y leigh phaderys derrey Ean.

¹⁴ As my ta shiu booiaght y chlashtyn eh, shoh Elias va ry hoi cheet.

¹⁵ Eshyn ta cleashyn echey dy chlashtyn, lig e clashtyn.

¹⁶ ¶ Agh cre gys neem yn cheeloghe shoh y holaghey? Ta’d goll rish cloan ta nyn soie ayns ny margaghyn, as gemagh da ny sheshaghyn oc,

¹⁷ As gra, Ta shin er nianoo bingys diu, as cha vel shiu er ghonsin; ta shin er nianoo kiaull hrimshagh diu, as cha vel shiu er cheaney.

¹⁸ Son cha daink Ean gee ny giv, as ta’d gra, Ta drogh spyrryd ayn.

¹⁹ Haink yn mac dooinney gee as giv, as ta’d gra, Cur‐my‐ner dooinney jollyssagh, as ivder‐feeney, carrey dy phublicanee as dy pheccee: Agh ta creenaght er ny seyrey liorish e cloan hene.

²⁰ ¶ Eishtagh ren e toshiaght dy gheddyn foill da ny ard‐valjyn, ayndoo va’n chooid smoo jeh e obbraghyn yyndyssagh er nyn nianoo, er‐yn‐oyr nagh ghow ad arrys.

²¹ Smerg dhyts, Chorazin, smerg dhyts, Vethsaida: son dy beagh ny obbraghyn yyndyssagh er ny ve jeant ayns Tyre as Sidon, t’er ve jeant ayndivish, veagh ad er ghoall arrys foddey er dy henney, ayns aanrit sack as leoai.

²² Agh ta mee gra riu, dy bee kerraghey s’eddrymmee er ny choyrt er Tyre as Sidon ec laa ny briwnys, ny vees er ny choyrt erriuish.

²³ As uss Capernaum, ta dt’ooashley roshtin gys niau, bee oo er dty hilgey sheese gys nivrin; son dy beagh ny obbraghyn yyndyssagh er ve jeant ayns Sodom, t’er ve jeant aynyds, veagh eh er ve er‐mayrn gys y laa t’ayn jiu.

²⁴ Agh ta mee gra riu, dy bee kerraghey s’eddrymmee er ny choyrt er talloo Sodom ec laa ny briwnys, ny vees orts.

²⁵ ¶ Ec y tra shen, dreggyr Yeesey as doort e, Ta mee cur booise dhyt, O Ayr, Hiarn niau as talloo, er‐yn‐oyr dy vel oo er chieltyn ny reddyn shoh vowsyn ta creeney as tushtagh, as dy vel oo er hoilshaghey ad da ooikanyn.

²⁶ Shen dy jarroo myr te, Ayr, son shen myr ve mie ayns dty hilleys.

²⁷ Ta dy chooilley nee er ny livrey doos liorish my Ayr: as cha nione da dooinney erbee yn mac, agh yn Ayr: cha-moo shione da dooinney erbee yn Ayr, agh y mac, as eshyn da nee yn mac e y hoilshaghey.

²⁸ ¶ Tar‐jee hyms ooilley shiuish ta laboragh as ta laadit dy trome, as neems shiu y ooraghey.

²⁹ Gow‐jee my whing erriu, as ynsee‐jee voyms, son ta mee meen as imlee ayns spyrryd: as yiow shiu fea da nyn anmeenyn.

³⁰ Son ta my whing aashagh, as my errey eddrym.