Noo Mian 1 - Noo Mian 1748

CAB. I.

¹ Lioar Sheeloghe Yeesey Creest, Mac Ghavid, Mac Abraham.

² Hooar Abraham Isaac, as hooar Isaac Jacob, as hooar Jacob Judas as e vraaraghyn.

³ As hooar Judas Phares as Zarah rish Thamar, as hooar Phares Esrom, as hooar Esrom Aram.

⁴ As hooar Aram Aminadab, as hooar Aminadab Naasson, as hooar Naasson Salmon.

⁵ As hooar Salmon Booz rish Rachab, as hooar Booz Obed rish Ruth, as hooar Obed Jesse.

⁶ As hooar Jesse David yn Ree, as hooar David yn Ree Solomon ree‐ish v’er ny ve Ben Urias.

⁷ As hooar Solomon Roboam, as hooar Roboam Abia, as hooar Abia Asa.

⁸ As hooar Asa Josaphat, as hooar Josaphat Joram, as hooar Joram Ozias.

⁹ As hooar Ozias Joatham, as hooar Joatham Achaz, as hooar Achaz Ezekias.

¹⁰ As hooar Ezekias Manasses, as hooar Manasses Amon, as hooar Amon Josias.

¹¹ As hooar Josias Jechonias as e vraaraghyn, my‐geart y tra va’d goit ersooyl nyn gappeeyn gys Babylon.

¹² As ayns earish yn chappeeys ayns Babylon, hooar Jechonias Salathiel, as hooar Salathiel Zorobabel.

¹³ As hooar Zorobabel Abiud, as hooar Abiud Eliakim, as hooar Eliakim Azor.

¹⁴ As hooar Azor Sadoc, as hooar Sadoc Achim, as hooar Achim Eliud.

¹⁵ As hooar Eliud Eleazar, as hooar Eleazar Matthan, as hooar Matthan Jacob.

¹⁶ As hooar Jacob Joseph dooinney‐poost Moirrey, jee ruggyr Yeesey, ta enmyssit Creest.

¹⁷ Myr shen ta ooilley ny Sheeloghyn veih Abraham gys David, kiare Sheeloghyn jeig; as veih David derrey’n chappeeys ayns Babylon, kiare Sheeloghyn jeig; as veih’n chappeeys ayns Babylon derrey Creest, kiare Sheeloghyn jeig.

¹⁸ ¶ Nish va cheet er y teihl Yeesey Creest er yn aght shoh: Erreish da e Voir Moirrey ve poost rish Joseph, roish my daink ad dy vaghey cooidjagh, va liannoo er ny gheddyn dy ve aynjee, jeh’n Spyrryd Noo.

¹⁹ As va Joseph e Sheshey ny ghooinney Cairagh, as liorish dy row e niau‐vooiaght yn narey eck y insh magh, ghow e ayns laue Screwnyn‐scarree chur jee gy follit.

²⁰ Agh choud as va ny reddyn shoh ayns e smooinaghtyn, cur‐my‐ner haink Ainle y Chiarn huggey ayns ashlish, gra, Yoseph Vac Ghavid, ny gow aggle Moirrey yn Ven ayd y ghoal, son shen t’er ny ye'ntyn aynjee, te jeh’n Spyrryd Noo.

²¹ As ver ee Mac son y teihl, as enmys‐ee oo yn ennym echey Yeesey; son Sauee e e phobble veih nyn beccaghyn.

²² (Nish va ooilley shoh jeant, dy voddagh shen ve cooilleenit va’n Chiarn er loart liorish y Phadeyr, gra,

²³ Cur‐my‐ner bee Liannoo ec Moidyn, as ver ee Mac son y teihl, as nee ad e y enmys Emmanuel, ta shen dy ghra, Jee marin)

²⁴ Tra va Joseph eisht er nirree veih cadley, ren e myr va Ainle y Chiarn er noardagh da, as ghow e thie e Ven.

²⁵ As cha row veg echey dy yianoo ree, derrey hug ee e chied Mac son y teihl, as denmys e yn Ennym echey Yeesey.