तीतुस 2 - नाहाली

चाल-चलन केरताल खेरी शिक्षा

¹ पुण तुमु दाडीन या बोलीह रीवू जें खेरा लिखील अनुकूल रेय.

² डावालु एदम्या सिदा एने खेरा संयमी रेन जुवी, एने तान विश्वास एने प्रेम एने धीर पाक्को रेणे जुवी.

³ केरीन डावालु बायकू पुण हिकडा कि ते पवित्र जाहा योग्य; एने हाजो व्यवहार केरणारा एने जुवी निंदा केरणारान बनावील, तोहोलोच खूब होवटो अंगूररस पीणेन सवय ताह काय नाहा, ता हाजो हाजो वातू शिकविणारा व्हाव्यात.

⁴ तान केरता जुवान्या आप आपणा सोराह एने एदम्याह प्रेम केरणेन हिकाडील;

⁵ ज्यासे ते सयंमी, पवित्र, आपणा-मारकेर्ता कुवा देखरेख करणारी, दयाळू, आपणो एदम्याह आज्ञा मारणार ज्यासे बोगवानान वचनान निंदान एनु.

⁶ ज्यानहोस जुवान्याहा हिकडा कि, ते संयमी बोनाडाणे.

⁷ तुम्हू स्वतःला प्रत्येक वातून आदर्श बोणावीन. तारा उपदेश माय साफाई, कठीणपणा,

⁸ ओहलो सद्वाणीचा वापर केरू ज्यान खराब केरील, जाणे तान केरता तारो विरोधी लाज आली एने जुवी कारण तान आहने तारो विरोधामाय वाईट बोलणेन काहीच नाहं.

⁹ दासाह हिकडा कि ते प्रत्येक वातून आपणो मालक्यान आज्ञा पोहणे केरणू, ताह आनंद केरतेन रिजी उलटावीन बोलहू नाहा;

¹⁰ चोरी चाला कि मा केरू, पुण आखा प्रकार से आखा विश्वासी निक्लू, का त्यू आख्यू वातीमाय आमारा उद्धारकर्ता बोगवानान संदेशान प्रत्येक प्रकारान होबा आवी.

¹¹ कारण बोगवानान ती कृपा प्रगट हि, जो आखा माणहान उद्धारन कारण हि,

¹² यान आमूह हिकाडी जोदेत कि आमु बोगवानान ऐहिक वासनांना नाहाकिईल एने संसारिक इच्छांना निषेध केरतेन इही जीवन जीवूहू जो संहार हाजो बोरील एने धार्मिकता एने जुवी आजीन सोवसाराम;

¹³ एने ती धन्य आशान म्हणजे महान बोगवान एने उद्धारकर्ता यीशु मसीहान महिमा प्रकट एणेन वाट जोवतेह.

¹⁴ तान स्वतःला आमरे केरता आपील, तान केरता कि तो आखा प्रकारची अधर्म पासून आमूह वासाडूहु शकेल, एने आपणो निवाडल्या माणहान रुपान आपणे केरता शुद्ध केरणू, आमूह जे हाजो काम केरणेन केरता धुन माय हि.

¹⁵ ज्याह वातूह पुरो अधिकार किजी, एने समजून लेतेन जा. कूण तुवाह तुच्छ नेय सोमेजणे जुवी.