रोमीयो 4 - नाहाली

अब्राहामान उदाहरण

¹ ज्ञान केरता आमु काय केहू आमारो शारीरिक आबोक अब्राहाम काय प्राप्त एय गीयो?

² कारण कि केध्दीह अब्राहाम कामांन खेरो ठेरिनील गीयो येतो तर ताह खत केरणेन केरता जागो एती, पुण बोगवानान सुमोर नाहं.

³ पवित्र शास्त्र काय किथीह? ज्याच कि “अब्राहामाने बोगवानापुर विश्वास किरील एने ज्याच तान केरता धार्मिकता माय मोजाय गीयो.”

⁴ कामकेरनारा मोजरी आपणे दान नाहं पुण हक्क सोमजील जाथू.

⁵ पुण जो काम केरतीन नाहं भक्तीहीनच्या धर्मी ठरिनीनारापुर विश्वास करने, तान विश्वास तान धार्मिकता माय मोजील जाथू.

⁶ ज्याह बोगवान बिना कामान धर्मी ठरर्विलो, ताह दाविद पुण धन्य केणे:

⁷ “धन्य हि ते ज्यान अधर्म क्षमा एय गीयो हेते, एने ज्यान पापा पोर बागेरीन किरील हि.

⁸ धन्य हि ते माणुह ज्याह बोगवान पापी ठेरावीन नाहं.”

⁹ तेवी ज्यो धन्य वचन, काय खतना एनारान केरता हि? खतना रीथीह हि तान केरता पुण? “आमु हे किथी हि अब्राहामान तान विश्वास धार्मिकता माय मोजाय गीयो.”

¹⁰ तर ते केवी मोजील गीया? खतना च्या दशेमाय ला, बिना खतना च्या दशेमाय खतना च्या दशेमाय? नाहं पुण बिना खतना च्या दशेमाय.

¹¹ तान सुंतेचे चिन्ह जुडील कि ता विश्वासान धार्मिकतान शिक्का एय जाइज तान बिना खतनान दशेमाय विश्वास केरणू काहाकाय कि ते पुण धर्मी ठेरती;

¹² एने ता खतना केरणारा आबोक ओहलो, जे नाहं केवळ खतना किरील हि, पुण आमरा आबोक अब्राहामान ता विश्वासान अनुसरून पुण चालणु जो ताह बिना सुंतेच्या दशमाय किरील एतो.

विश्वासान द्वारे प्रतिज्ञान जुडणो

¹³ काहाकाय हे प्रतिज्ञा आपील कि तो ज्यान जगान वारिस एय, नाहं अब्राहामाह ता वंश ला पुण व्यवस्था द्वारे आपील गिली एती, पुण विश्वासान धार्मिकता हेर्यो जुडी.

¹⁴ काहाकाय कि व्यवस्था वारिस हि तर विश्वास वाया एने अभिवचन प्रतिज्ञा ठेरणू.

¹⁵ व्यवस्था तर क्रोधाला कारणीभूत ठरतलो, एने न्या व्यवस्था नाहं तिथ तान उघाड्ल्यु पुण नाहं.

¹⁶ ज्योच कारणाने प्रतिज्ञा विश्वास केरणू आधारित हि कि कृपान रीतीपूर हि, कि ता तान आखा वाडवडील व्यवस्था होवो, नाहं तर ते केवळ तान केरताच अब्राहामान हारका विश्वासणारे हि; तोच तर आपणो आखान आबोक हि,

¹⁷ जोहलो लेखील हि, “मी तुवाह दिहरी जातीपूर आबोक ठेरावील हि, ता बोगवानान सुमोर ज्यापूर तान विश्वास किरील, एने ज्याह मुरील मायरीन जीवतालू किरील, एने ज्या वातू हीच नाहं तान नाव इही लेणे कि मानीन ली तोज हि,

¹⁸ तान निराशा माय पुण आशा मेलीन विश्वास किरील जानकेरता कि तान वचनामाय किरील तारो वंश इही एय, तो जादा दिहरी जातीन आबोक हि.”

¹⁹ तो तर शंभर वर्षाचा एतो आपणा मुरील शरीर एने सारा मुरील दशा होमजाडीन पुण विश्वास निर्बल किरील नाहं.

²⁰ एने नाहं अविश्वासी एय बोगवानान प्रतिज्ञा पुर शंका केरील नाहं पुण विश्वासामाय दृढ एय बोगवानान महिमा किरील,

²¹ एने निश्चित सोमजील कि ता वातील तान प्रतिज्ञा हि ते ताह पुरो केरणेन केरता पुण समर्थी हि.

²² ज्या कारणाने तो तान केरता धार्मिकता माय मोजाय गीयो.

²³ एने हे वचन, विश्वास तान केरता खेरापण मोजील गीयो, नाहं केवळ तान केरताच लेखील गीया.

²⁴ नापून आमरे केरता पुण जानकेरता विश्वास, खोरापणमोजील जातीमाय, म्हणजे आमरे केरता जो तापोर विश्वास करने तान केरता आमरा प्रभु यीशुह मोरील मायरीन जीवतालू किरील.

²⁵ ते आमरा अपराध केरता देरीन देयील गीयो, एने आमु धर्मी ठरिनिलाकेरता जीवतालू पुण किरील गीयो.