रोमीयो 11 - नाहाली

इस्राएल पोर बोगवानान दया

¹ ज्यानकेरता मी केथु, काय बोगवान आपणा माणहाह सोड दियील हि? केधीच नाह; मी भी ते इस्राएली हि; अब्राहामान कुलामायने एने बिन्यामीन वंशामाय वालो हि.

² बोगवान आपणो ता माणहाह टाकील नाहं, ज्याह तास पेलूच समजीलुजे हुवे, काय तुमूह मालूम नाहं का पवित्र शास्त्र एलियान विषयातमाय काय केतेह, का ते इस्राएलचने विरोधामाय बोगवानान पुर रीन विनंती केरणू?

³ “हे प्रभु, तास तारो भविष्यवक्तायाना जीवे मारील, एने तारो वेदीह पाडीन टाकाए; ने मीच एखालो वोचील हि, एने ते मारो पुण जीव लेणेन केरता दिखिह हि.”

⁴ पुण बोगवानानापूररीन ताह काय उत्तर जुडील, “मी आपणे केरता सात हजार माणहे मिलील हि तान केरता बाल्मुर्तीला मांडा टेकलू नाहं.”

⁵ हाजो आवो रीतीमाय आवो टाइम पुण कृपा माय निवडीप्रमाणे काही माणहे बाकी हि.

⁶ जर हे कृपान हि, तर कर्मांनी नाहं; नापून कृपा पोशा कृपा रेणी नाहं.

⁷ तान केरता परिणाम काय एय गीयो? हे का इस्राएल ज्यान होदमाय लेणे, तो ताह जुडना नाहं; पुण निवाडीलाह जुडना, एने बाकीन कठोर एय गीयो.

⁸ जीही लेखील हि, “बोगवान ताह आज दिह ताहवोर हाजो निंदिमाय आत्मा टाकीन आपील हि, एने इही डोला आपील जे देखील नाहं एने इही कान जे होंबलेह नाहं.”

⁹ एने दाविद का ते, तान मेज एने ताह फांस एने सापळा अडखळण एने प्रतिफोल इही होवो.

¹⁰ तान डोलापूर आंधारो आवु म्हणजे ते देखणार नाहं, एने तू दाडीन तान वाढीला डोगालीन मेलूह.

¹¹ ते मी केथु काय, इस्राएल ज्यान केरीन पाप केरील, का ता पोड जाती? केधीच नाह, पुण तान पोडनेन कारण ईर्ष्या निर्माण ला केरता तान चूकीन वजसे अन्यजात्यूह उद्धार म्हणजे सुटकारू जुडनू, का ताह जलन एय

¹² ऐवी तान अपराध ज्यो जगान धन एय गीयोह एने तान कोमी ला ज्यो जर अन्य जात्यून धन बोण गीयोह, ते तान बोरनो ताहरीन तान भरपुरी कोलिक तेभी एय.

अन्य जातीन उद्धार: कलम केरणेन उदाहरण

¹³ मी तुमूह अन्य जात्यून माणहाह जीवात केथु. जीही का मी अन्य जात्यून केरीन प्रेरित हि, ते मी आपणी सेवान बोडाई केरथू,

¹⁴ म्हणजे कायताहा रीतीमाय मी आपणो जातीन माणहामाय ईर्ष्या उत्पन्न केरीन उद्धार केतेके तारावे.

¹⁵ अन ताहेरया तान त्याग एनो तेवी जगान मेल एनो काय ताह स्वीकार केरणेन केरीन मुरील मायरीन जीवतालू उठिल बरोबर नाहं एय?

¹⁶ ताहेरया भेट चा पेल्लो भाग पवित्र ठरल्या तर पुरो मळलेला पुण पवित्र हि; एने ताहेरया मूला जर पवित्र ठेरणू, तर डालखा पुण पवित्र ठेरणार.

¹⁷ पुण जर काही डालखा तोडीन टाकाएने तू रानटी जैतून येतो तामायरीन तान जागे कलम रूपे लागाडया गीयो एने जैतुनान मुलाचा भागीदार एनो.

¹⁸ तर फादोफो बढाई केरूह मां एने जर तुमूह बढाई मारणार तर होमजू का सोराह नाहं तर मूल तुवाह होमातालु.

¹⁹ पोशा तू केनार, डालखा तान केरता तोडीन टाकाका मारा कलम लागिल.

²⁰ हाजो हि ते तर अविश्वासान कारणाने तोडणे गीयी पुण तू विश्वासानी रेणे तान केरता घमंडी एय मां पुण बिणेन बाळग.

²¹ काहाकाय जर बोगवानान मुळीच डालखा राखिल् नाहं तर तुवाह पुण सोडीणार नाहं.

²² तान केरता बोगवानान कृपा एने द्या देखू जे पोडीन गीया तामाय रिही का, नाहं तर तू पुण काटील जाहू.

²³ ते पुण जर अविश्वासी माय नाहं रेणा तर कलम रूप लागाड़ने आवती कारण बोगवानान ताह पोशा कलम ताह आवती.

²⁴ केरू जर तू जैतुननी, जे मुलामरेन रानटी झाड हि काटील गीयो तर हे जे तान मुळच्याच डालखा हेते आपणाच जैतुनमाय काय नाहं कलम लागाड़ने आवती.

आखा इस्राएलान ने उद्धार

²⁵ बाहाक मिलिन काही इही होवो का तुमूह आपणो स्वताह शहाणे होमजू नाहा तान केरता मारी ईच्छा नाहं का तुमूह आवो कुणीनकेरता एजानल्यो रिजी का जेवीवोर अने दिहरी जातीन माणहे पुरो रीतीमाय प्रवेश जाण केरीन लेहु, ताहउर इस्राएल चा एक भाग ओहलाच केठीन रेहू.

²⁶ एने आवो रीतीमाय पुरो इस्राएल उद्धार पावनारू, इही लेखील हि, मुक्ती आपणार सियोनातून आविलकाय पापी ला याकूबापुररीन सेटो केरुहू.

²⁷ तान हेरी मारो जोस वाचा एय का ताहेरया का तान पापोहो सेटो केरीन आपण्यू.

²⁸ सुवार्तान नात्र्यो ता तुमरीकेरता ता बोगवानान, जे वैरी हेते पुण निवडितआवीगियो नात्र्यो वेगुडायो प्रिय हि.

²⁹ कारण बोगवानान कृपा दान, हादाडणो से पासाण नाह एत.

³⁰ काहा जोहलो तुमूह पेल्ला बोगवानान आज्ञा मानना नाहं पुण ऐवी तान आज्ञा मानणारान तुमरे पोर दया एनी.

³¹ तेह्लेच तास पुण ऐवी आज्ञा का जाईल नाहं का तुमरे पोर जी दया एता हि तान तां पोर द्या होवो.

³² काहा बोगवानआखाहुच आज्ञा भांगाच्या स्वाधीन केरीन मिलील हे ता आखापूर दया केरावी.

बोगवानान स्तुती

³³ अरेरे! बोगवानान संपती एने वृद्धी एने ज्ञान हि कोलाक अगाध हेते! तान विचार कोलाक गहन, एने तान सिडिक कोलाक अगम्य हेते!

³⁴ “प्रभुन बुद्धीह मोन कोणीही मालूम हि? एने तान मंत्री कूण एतो?

³⁵ काहा कूण ताह पेल्ला ताह काही आपील हि ज्यान ताह फेड केरीन आपील जाहू?”

³⁶ काहा ताफायरीन एने ताणुच द्वारे, एने तान केरता आखा काही हि तान महिमा पिडीन पिडी एवो: आमेन.