रोमीयो 1 - नाहाली

अभिवादन

¹ पौलुसा फायरीन जो यीशु मसीहान दास हि, एने प्रेरित एने केरता हादाडील हि एने बोगवानान ती सुवार्तान केरता आंगे केरील हि.

² ज्यान तास पेलरीन भविष्यवक्ता द्वारे पवित्र शास्त्रामाय,

³ आपणो सोरो आमरे प्रभु यीशु मसीहान विषय माय प्रतिज्ञा केरील एती; जो डीलान संबंधासे तो दाविदान वंशामाय रीन पायदा इयील.

⁴ एने पवित्र आत्मान दृष्टीने मुरील मायरीन जीवतालू किरील कारणाने सामर्थ्या हेरी बोगवानान सोरो ठेरेल हि.

⁵ तान द्वारे आमूह कृपा एने प्रेरित पद जुडील हि कि तान नावान कारणाने दिहरी जातीन माणहे विश्वास केरीन ताह मानती,

⁶ जामाय तुमूह भी यीशु मसीहान ला केरता हादाडील हेते.

⁷ ता आखान नाव जा रोम माय हेते बोगवानान प्रिय एने पवित्र ला केरता हादाडील हेते, आमरो पिता बोगवान एने प्रभु यीशु मसीहा फायरीन तुमूह कृपा एने शान्ति जुडते रेंय.

धन्यवादान प्रार्थना

⁸ पेल मी तुमरे आखान केरीन यीशु मसीहान द्वारे आपणा बोगवानान आभार मानथू, काहाकाय तुमरा विश्वासान चर्चा आखा जगाम एणेबाजरेनीह.

⁹ बोगवान ज्यान सेवामाय आपणो आत्मा माय तान सोरान सुवार्तान विषयाम किथी हि, तोच मारो गवाही हि का मी तुमूह कायताहा प्रकारे इआवीह केरतीन रेणे.

¹⁰ एने नित्य आपणो प्रार्थनामाय विनंती केरथू कि कायताहा रीतीमाय ऐवी तुमरीफाय आवील सिडिक बोगवानान ईच्छा मोकलो होवो.

¹¹ काहाकाय मी तुमूह मिलने केरता उत्कंठा केरणे का मी तुमूह कालो आत्मिक वरदान आपुह ज्यासे तुमूह स्थिर एय जाह;

¹² म्हणजे हे ताहेरया मी तुमरे माय रेंय, तर तुमूह ता विश्वासान द्वारे जो मारामाय एने तुमरे माय, एक दिहीरा फायरीन सांत्वना जुडील.

¹³ हे बायहो, नाहं जुवी कि तुमूह ताहे-यो एजानल्यो रेणे कि मी पोशा-पोशा तुमरीफाय आवहू इच्छितो कि जोहलो माहु दिहीरा दिहरी जातीमाय फोल जुडील, तोहोलोच तुमरे माय पुण जुळी पुण ऐवी ताहवोर ऊबोराखिल गीया.

¹⁴ मी यूनान लेणी एने दिहारा जातीन, एने ज्ञानी एने अज्ञानीन कर्जदार हेते.

¹⁵ केरीन मी तुमूह भी जां रोम माय रेतेह, सुवार्ता होमलाडनेन केरीन तियार हि.

सुसमाचारान सामर्थ

¹⁶ काहाकाय कि मी सुवार्ता से लाजवाईल नाहं, जानकेरता कि तो प्रत्येक विश्वास केनारान केरता, पेल्ला तर यहूद्यांसाठी ओवतो यूनानीन केरता, उद्धाराच्या निमित्ताने बोगवानान सामर्थ्य हि.

¹⁷ काहाकाय तामाय बोगवानान धार्मिकता विश्वासापुररीन प्रगट ऐतेह, “जोहलो लेखील हि, विश्वासान धार्मिक जन जीवतालू रेती.”

माणहान जातीन पाप

¹⁸ बोगवानान राग तर ता माणहान आखा अभक्ती, एने अधर्मापूर स्वर्गामाय रीन प्रगट ऐतेह जो सत्याह अधर्मापासून दाबीन मेली.

¹⁹ जानकेरता कि बोगवानान विषयान ज्ञान तान मोना माय प्रगट हि, काहाकाय कि बोगवानान तां पोर प्रगट किरील हि.

²⁰ तामाय लिकाईल गुण, अनंत अर्थात तान सोरा सामर्थ्य एने बोगवानूच, जगान निर्मितीपासून तान कामान द्वारे देखणेन आवा, हेते न्याओर कि ते डावकोस हि.

²¹ ज्योच कारणाने कि बोगवानान ओलखिल पुण तास बोगवानान योग्य महिमा एने आभार मानणनये नाहं, पुण वाया विचार केरणे लागिल न्या ताहवोर कि तान निर्बुधी मोन आंधारो एय गीयो.

²² ते आपणो पाप शहाणे मानीन मूर्ख बोणावीन गीया,

²³ एने अविनाशी बोगवानान महिमाह खेतेमएणार माणुह, एने चिडा चतुष्पाद, एने गीहलाणारे किडा प्रतिमेच्या रुपशी अदला बदल केरील.

²⁴ ज्योच कारणाने बोगवानान तास तान मोनान अभिलाषेन अनुसार अशुद्धतेसाठी सोडीन आपील कि ते आपसामाय आपणो शरीरान अनादर केरती.

²⁵ काहाकाय तास बोगवानान खेरोपण बोदलीन ठेगणे बोनाडीन टाकील हि, एने निमिर्तीची उपासना एने सेवा, एने ता निर्माण केरणार जो कायम धन्य हि! आमेन.

²⁶ जानकेरता बोगवानान ताह दुर्वासनेच्या वंशामाय सोडीन आप्यो; ताहा कि तान बायुकू पुण स्वाभाविक उपभोगाला तान जे स्वभाव विरुद्ध हि, बोदलीन टाकील.

²⁷ तोहोलोच माणहे पुण बायकूह हेरी नैसर्गिक उपभोग सोडीन परस्पर कामान केरीन एय एदम्यान एदमी हेरी, अनुचित कर्म केरीन आपणो स्वभाव योग्य जुडील.

²⁸ ताहेरया तास बोगवानान ओलखु ईच्छाने, नाहं तर बोगवानान पुण तास तान निक्कामे मोनापुर सोडीन आपील कि ते अनुचित काम केरती.

²⁹ जानकेरता ता आखा प्रकारान अधर्म, एने दुष्ट पणा, लोभ, एने वाईट पणा, भूरील हेते; एने हेवो, हत्या, लेडानु, वेखडणु एने कुयराये माय बोराय जायील हेते. एने चुगली केरणारे.

³⁰ निंदा केरणारा, बोगवानान घृणा केरणारा, दिहरान अपमान केरणारा, डिंगमार, खराब वातू केरणारा, आईक आबाकान आज्ञा नाह पालनारे,

³¹ निर्बुधी, विश्वावासघाति, भंग, दया हीन, एने निर्दय एय गीया.

³² ताह तर बोगवानान जी विधी ताह मालूम हि, तोहोलो काम केरणारा मोत ने दण्डान योग्य हेते, तीभी नाह केवळ स्वता केरतेह पुण केरणारा से भी आनंद ऐतेह.