प्रकाशितवाक्य 9 - नाहाली

¹ जेवी पाचवो स्वर्गदूत तुरी फुकिल, तेवी मी स्वर्गामाय रीन पृथ्वीपोर एक तारू पोडतालु देखील, एने ताह अथाह कुंडान किल्ली आप दियील एती.

² तान अथाह कुंडाला उघाडील, एने कुंडा मायरीन मोठा भट्टी सारखो सेटू उठिल, एने कुपान तुमाडामाय सूर्य वायू आधारो एय गीयो.

³ ता तुमाडामाय पृथ्वी उपेर टीडया निकलील, एने ताह जोमनिन विसीई सारखी शक्ती आपील गीयी.

⁴ तान कियील कि नाहं जोमनिन खेड, नाहं कायताहा झाडाह हानी पोची, केवळ ता माणहा हानी पोची ज्यानस निडालापूर बोगवानान शिक्का नाहं हि.

⁵ ताह माणहाह मारीन टाकण्याच्या नाहं पुण पाच मोयनु ताहवोर पीडा आपणेन अधिकार आपील गीयो; एने तान पीडा ओहलो एती जीही विचू चाव देणे माणहाह हानी एती.

⁶ ता दिह माय माणुह मृत्यू होदती एने मृत्यू नाहं मिलानार एने मोरने उत्कंठा केरती.

⁷ टीडया आवीन लढायी केरता तियार किरील गेलेले घोडो सारकोस एता, एने तान मुंडीपोर होनाआ मुकूट एता; एने तान मूय माणहा सारकोस एता.

⁸ तान लेट्यां बायकून होस एता एने दात सिंहा दाता सारकोस एता.

⁹ ते लोळोन सारकोस उरस्थाने पेरनीह एता; एने तान पंखान आवाज ओहलो एतो तोहोलोज रथ एने जादा घोडान जे लढायी माय दोवळीह.

¹⁰ तान शेपूट विचू सारखी एता एने तान नांगी एती, एने ताह पाच मोयनु ताहवोर माणहाह दुख आपणेन जी शक्ती जुडी एती, ते तान शेपते माय एती.

¹¹ अथाह कुंडान दूत तां पोर राजू इतू; तान नाव इब्री माय अब्ब्दोन, एने हेलेनी (यूनानी) भाषा माय अपुल्ल्योन हि.

¹² पेल्ली पीडा एय गीयी एती, देखू, ऐवी ज्ञान ओवतो दुय पीडा उंजू आवूह हि.

¹³ ऐवी सहाव्या स्वर्गदूताने तुरही फुक्यो बेनाआ वेदी जी बोगवान सुमोर हि तान शिंगान मायरीन मी ओहलो शब्द होमलील,

¹⁴ होमजू केध्दीह सहाव्या स्वर्गदूताने, ज्यान आहने तुरही एतो, कियील, “ता चार स्वर्गदूतांना जी मटली नदी फरात आहने बांधले एता सोडीन द्या.”

¹⁵ ते चारू दूत सोडीन आपील गीया जे तान समयी, एने दिह, एने मोरना, एने वोरोजे केरता माणहान एक तृतीअंश मारीन टाकणेन तियारी केरील गीयी एती.

¹⁶ तान फौजांची फिरीलो मोजील वीस करोड एती; मी तान मोजील तो होमलील.

¹⁷ माहु जिस दर्शना माय घोडा एने तान इही स्वार देखाईल गीया ज्यानस झील माय आकठाम, एने नीळ, एने गेधक सारकोस एता, एने ता गोद्डा मुंडे सिंहा मुंडान सारकोस एता; एने तान मुया मायरीन आकठाम, सेटू, एने गेधक निकलीन एता.

¹⁸ आवो तीन महामारी अर्थात आकठाम एने सेटू एने गंधकांनी जे तान मुया मायरीन निकलीन एता माणहान एक तृतीअंश मारीन टाकीदी गीयी.

¹⁹ कारण कि ता घोडाह सामर्थ्य तान मूय एने तान शेपटी माय एता; ज्यानकेरता कि तान गेयळेकान होस एती, एने ता शेपटीवालू मुंडे एता एने ताजफाय ते पीडा पोचाडथु एता.

²⁰ बाकी माणहे जां महामारी केरीन नाहं मोरील एता, आपणा आथान कामा मायरीन मोन नाहं फिरावील, का दुष्ट आत्मान, एने होनो, चांदी, पितली, एने देगडान एने लाकडान मूर्तीन पूजा मा केरू, ती नाह देख सकेत, नाह होम्ली सकेत, नाह चाल सकेत;

²¹ एने जा हत्या, एने चेटके, एने व्यभिचार, एने चोरी, तास केरील एती, तास मोन नाहं फिरीविलो एता.