प्रकाशितवाक्य 7 - नाहाली

इस्राएल ने 144,000 माणहे

¹ ज्यान ओवतो मी पृथ्वीन चारू कोपरपुर चार स्वर्गदूत उबरीयेल रीईल देखील. ती पृथ्वीन चारू भागामाय हवाम उबराखल्या एता कारण कि पृथ्वी नाहं तर समुन्द्र नाहं ते कायताहा झाडापूर हवी नाहं चालतो.

² ओवतो मी एक उंजू स्वर्गदुताला जीवतालू बोगवानान शिक्का मागिल पूर्वे तारीन उतरीन तापोर आवातल्या देखील; ताह ता चारू स्वर्गदूतांना ज्याह पृथ्वी एने समुद्रान हानी केरणेन अधिकार आपील गीयो एतो, उचो शब्दांनी आयडीन कियील,

³ “जो ताहवोर आमु आपणो बोगवानान दासाच्या सामर्थ्यान शिक्का लागाडील आपतेन, तो ताहवोर पृथ्वी एने समुन्द्र एने झाडाह हानी मा पोचाडहि.”

⁴ ज्यापोर शिक्कू मारील मारणे माय आवु तान संख्या मी होमलील, इस्राएल माणहान आखा वोचमाय वाली एक होव चौरेचालीह एजारापूर शिक्कू मारणे माय आवु:

⁵ यहूदाचन वोचमायरीन बारा हजारोन शिक्का मारील गीयो; रुबेनाच्या वोचमायरीन बारा हजारापुर, गाद च्या वोचमायरीन बारा हजारोन.

⁶ अश्शेराच्या वोचमायरीन बारा हजारान, नप्तालीच्या वोचमायरीन बारा हजारान, मनश्शेच्या वाडवडील मायरीन बारा हजारान,

⁷ शिमोनाच्या वोचमायरीन बारा हजारान, इस्साकार लेवी च्या वाडवडील मायरीन बारा हजारान,

⁸ जबलुनही वाडवडील मायरीन बारा हजारान, योसेफाच्या वोचमाय बारा हजारान, एने बिन्यामीनच्या वाडवडील मायरीन बारा हजारोन शिक्का मारील गीयो.

एक मोठली गर्दी

⁹ ज्यान बादमाय मी नजर टाक्यो, एने देखील, प्रत्येक जाती जाती एने कुळ एने भाषान एने मायरीन एक ओहलो गेर्दी, जीह कूण गेण नाह सकेत, दोवल्या फाडका पेरील एने आपणा आथाम खजुरान झाडान डालखा मागिल सिंहासनान ओगांण एने कोकऱ्यान ओगांण उभा हेते,

¹⁰ एने मोठला आवाजामाय आयडीन किथी, “उद्धारा केरता आमरा बोगवानान, जो सिंहासनापोर बोहील हि, एने कोकऱ्यान जयजयकार एय”

¹¹ एने आखा स्वर्गदूत ता सिंहासन एने डाय डाया एने चारू प्राणीन चारू बाजूमाय उबरीयेल हेते; ओवतो ते सिंहासना ओगांण उलटा पोड गीया एने बोगवानान नमन केरीन कियील,

¹² “आमेन! आमरा बोगवानान स्तुती एने उपकार स्तुती एने महिमा, ज्ञान, धन्यवाद, सन्मान, सामर्थ्य एने शक्ती पिडीन पिडी बोणीन रेंय. आमेन”

¹³ यामारीन डाय डाया मायरीन एकाम माहु कियील, “हा शुभ फाडका पेरील कूण हि? एने उंजू कियील तू कारीन आवा हि.”

¹⁴ मी ताह केयेल, “हे स्वामी, तूच ओलखिल हि ताह माहु कियेल” हा तो हि, जो ता मोडला दुखामारी निकलील निकलीन आवा हि; तास आपणा फाडका कोकऱ्या च्या रक्तामाय धोवीन शुभ किरील हि.

¹⁵ ज्याच कारण से ता बोगवानान सिंहासनान ओगांण हेते, एने तान मंदिरामाय दिह-रात तान सेवा केर्तेह, एने जो सिंहासनापोर बोहील हि, तो तान उपेर आपणो तम्बू बोणावी.

¹⁶ ते ओवतो केध्दीह उपाशी एने तिहल्यू नाहं रेती; एने नाहं तां पोर तप, नाहं काल्ली उष्णता पोडती.

¹⁷ काहा कि कोकरा जो सिहासनाच्या मधोमध हि तानकेरीन होमाल केरूह, एने ताह जीवन रूप पाण्यान झऱ्या आहने लेईन जात रेंय; एने बोगवान तान डोलामरीन आखा आहवा नुसिन टाकी.