प्रकाशितवाक्य 5 - नाहाली

शिक्का मारील पुस्तक एने कोकरू

¹ जो सिहासनापोर बोहील एतो, मी तान जेवड्यो आथाम एक पुस्तक देखील जे माय एने बाहेररीन लिखील एता, एने ते सात शिक्का मारीन बंद केरील गीया एता.

² ओवतो मी एक ताकेतवोर स्वर्गदूतांह देखील जो उचो शब्दांनी हा पोरचार केरतीन एतो, “ज्या पुस्तकामाय उघाड्ल्यो एने तान शिक्का तोड योग्य कूण हि?”

³ पुण नाहं स्वर्गाम, नाहं पृथ्वीपोर, नाहं पृथ्वीन बुंदे कूण ता पुस्तकाला उघाडील नाहं तापोर दृष्टी टाकणेन योग्य निकलील.

⁴ तर मी जुलुम रेडने लागिल, काहाकाय कि ता पुस्तक माय उघडावीने नाहं तर ता पुस्तकापुर दृष्टी टाकणेन योग्य कुनुस नाहं जुडील.

⁵ ज्यापूर ता डाय डायान मायरीन एक ने माहु केयेल, “मां रेडू; देखू, यहूदान वंश तो सिंह जो दाविदान मूल हि, ता पुस्तकाला उगाडणेन एने तान सात शिक्का तोड्नार केरता जय एनो हि.”

⁶ तेवी मी ता सिंहास एने चारू प्राणी एने ता डाय डाया माय, मानीन ली एक मारणे किरील जाईल कोकरा उबरील देखीन, तान सात हिंग एने सात मुंडे एता; ते बोगवानान सात आत्मा हेते जी आखा पृथ्वी उपेर मुकलील गीयी एती.

⁷ तान आवीन तान जेवड्यो आथा केरीन जो सिंहा तीवारपूर बोहील एतो, ते पुस्तक लेईन लीईल एता.

⁸ जेवी तान पुस्तक लेईन लीईल, तर ते चारू प्राणी एने चोवीशे डाय डाया ता कोकऱ्या च्या सुमोर पोडीन गीया. तान मायरीन आखाज आथाम विना, एने धुण, जी पवित्र माणहान प्रार्थना हि, बोल्या बेनाआ धुपाटनी एती.

⁹ एने तां ज्यो नोवालो गीत गावणे लागिल, “तू ज्या पुस्तकाह लेणेन, एने तान शिक्का उगाडणेन योग्य हि; काहाकाय तू मोरीन पवित्र रक्ता केरीन प्रत्येक जात एने भाषान एने माणहे एने जाती मायरीन बोगवान केरता माणहाह वेचातो लीईल हि”

¹⁰ एने ताह आमरा बोगवान केरता एक राज्य एने याजक बोणावणेन; एने ते पृथ्वीपोर राज्य केरणू.

¹¹ तेवी मी देखील, तर ता सिंहास एने ता प्राणीह एने ता डाय डायान चे चारू एने जादा इही स्वर्गदूतांचे शब्द होमलील, ज्यान गेनतीलाख एने कोरडोहोस एती,

¹² एने ते उचो शब्दांनी केतेह एता, “मारणे किरील कोकराचे सामर्थ्य एने आशीर्वाद एने ज्ञान एने शेक्ती एने सन्मान एने महिमा एने स्तुतीन योग्य हि”

¹³ ओवतो मी स्वर्गमाय एने पृथ्वीपोर एने पृथ्वीन बुंदे एने समुद्राम आखा बिडारान, एने आखा काहीह जे तान माय हि, जो केतालून होमलील, “जो सिहासणापुर बोहील हि तान एने कोकऱ्यान स्तुती एने सन्मान एने महिमा एने राज्य पिडीन पिडी रीवू”

¹⁴ एने चारू प्राणी आमेन कियील, एने डाय डाया उबडे पोडीन नमन किरील.