फिलेपियो 2 - नाहाली

¹ एने तुमु माणहामाय जर मसीहान शान्ति, एने प्रेम हि प्रवेशान निर्माणे उईल काही सांत्वना हि, जर आत्मा माय काही सहभागिता हि, काही करूणा एने दया एय,

² तर माहु पुरो तऱ्हेने आनंद केरू माहु लागीह, कि तुमूह एकउगेरीन विचार केरू, परस्पर एकुच प्रकारे प्रेम केरू, आत्मा माय एक एवू, एने एकुच बाजूने लक्ष्य दया.

³ विरुद्ध एने ठेग बोडाईन केरीन काय मा केरू, पुण नम्र एवू एने एक दिहीराह आपणे से हाजा मानू.

⁴ तुमरामायवालो प्रत्येकाने आपणाच देखहु नाहा, तर दिहरान हाजा केरीन पुण विचार केरुहू.

⁵ आपणी चीत्तवृती ओहलो मेलू जीही मसीह यीशुपरत एती;

⁶ जो आपणो स्वरूपाने गवाहीत बोगवान एतो पुण तान बोगवानाबरोबर आपणो समानतेला केध्दीह लाभ केरीन मानना नाहं.

⁷ पुण तान आपणा आखा काही सोडीन, दासाच्या रुपान ग्रहण किरील, एने माणहान होस रेणू.

⁸ एने माणहान रूपमा प्रगट इन तर तान स्वताह नम्र केरीन रेणू, एने आज्ञाकारी बोणील कि तान स्वताहन जीव सुद्द क्रुस पोर आपील.

⁹ तान केरता बोगवानान पुण ताह उचो जागीपोर उबरीयेल किरील, एने ताह ते नाव आपील जे आखा नावापुररीन श्रेष्ठ हि,

¹⁰ जुवी जर ते स्वर्गान ओहलो कि धोर्ती ओहलो केव्ही पृथ्वीन नेचला हेते; ता आखा यीशुन नावा पोर मांड्या पोडती.

¹¹ एने प्रत्येक जीभ बोगवान आबान महिमासाठी स्वीकार केरणू कि यीशु जोस प्रभु हि.

संसारमाय उजाला सारखा चमको

¹² तान केरता मारो प्रिय बायहो, तुमूह मारपुर आदेशाचे पोहणे पेल्ला केरतीन एता, ताहेरया मी तुवाहेर्यो एतो, जर मी तुवाहेर्यो नाहं तेवी तुमूह होवटो लक्ष्य आपील तान पोहणे केरणू बोगवानान प्रती पुरो आदर बायाकने उद्धार पुरो एने जुवी जानकेरता काम केरतीन रीवू;

¹³ कारण तो बोगवानच हि जो ता कामान केरता ईच्छा एने ते काम, पुरो केरणेन जे बोगवानान पोटणे ते तुमरे माय निर्माण केरतीन हि.

¹⁴ काही तेक्रार एने लेढाय केरता काम केरतीन रीवू,

¹⁵ जानकेरता कि तुमूह निर्दोष एने पवित्र बोनाडाणे तोहोलोच तुमूह ज्याह कुटील एने विपरीत पीडीइ निर्दोष एने निष्कलंक एईन बोगवानान सोरा, एयतामाय ता आंधाराम तुमूह जगाम ता टाइम चादनी बोणावीन चमकावीलो,

¹⁶ कि मसीहान पोशो आवणारा दिहामाय हे देखीन कि जीवनामाय धोवणे माय गीया नाहं पुण तुमरे पोर गर्व केरुहू.

¹⁷ तुमरो विश्वास एक बलीदान एने सेवा जर मारा रक्त तुमरो जोरपूर अंगूररस बोरगे आपील, तेभी तो माहु पोटील हि तुमरो प्रसंन्नतेमाय मारो पुण सहभाग हि.

¹⁸ तानहोस तुमूह पुण प्रसन्न रीवू एने मारहे-या आनंद केरू.

तीमुथियुस एने इपफ्रुदितूस

¹⁹ प्रभु यीशुन मोदेतसे माहु तीमुथियुसाहला तुमरेहे-यो मोकलीन, आशा हि कि जानकेरता कि तुमरो सुवार्तेला मारो पुण उत्साह वधाडीलो.

²⁰ काहाकाय दिहरो ओहलो माणुह नाहं कि ज्यान मनो मारहारखो रेंय एने जो तुमरो हाजा केरीन खेरा मोनान चिंतीत रेंय.

²¹ काहाकाय आखा आपणा-आपणा कामामाया व्यस्त हेते, नाह का यीशु मसीहान कामामाया कुनुस व्यस्त नाहं.

²² तुमूह तान चरित्राला ओलखिल का सुवार्ता पोरचारा माय मारहे-या तान एहोलोच सेवा केरील हि, तोहोलोज एक सोरो आपणो आबाकहेर्यो करने.

²³ जोहलो माहु ताहेरया मालूम एय, कि मारहे-या काही एय हि मी ताह तुमरेहे-यो मोकलने आशा मेलहु.

²⁴ एने मारो विश्वास हि कि प्रभुन मोदेतसे मी पुण जल्दीस आवी.

²⁵ माहु हे आवश्यक लागीह कि इपफ्रुदितूस ला तुमरेहे-यो मोकलील जो मारो बाहाक हि, एने बरोबर काम करने एने सहयोगी हि, तोहोलोच माहु आवश्यक सेवा एय जाईल मारो सहाय्याकेरीन, तुमरो प्रतिनिधी रेणू हि.

²⁶ कारण तो तुमरीकेरता व्याकुल रेथे एतो, एने ज्यासे जुलुम दुखी एतो कि तुमूह हि होमलील एता कि तो दुखारया पोडील एतो.

²⁷ होव तेवी तो दुखारया एतो कि तो मोरीन जाहू एतो, बोगवानान तापोर कृपा केरील (तापोर नाहं पुण मारपुर पुण कृपा केरील) जानकेरता कि माहु दुखमायरीन जूळनू.

²⁸ तान केरता मी ताह उंजू जेल्दी मोकेलतेन हि जानकेरता कि ताहेरया तुमूह ताह देखणार तेवी इकवारी पोशो प्रसन्न एवू एने मारा पुण दुख निकलीन जाणे.

²⁹ जानकेरता प्रभु माय मोठला आनंदमाय तान स्वागत केरू, एने ओहला माणहाह अधिका होवटो आदर आपतेन रीवू.

³⁰ काहाकाय मसीहान कामान केरता तो लेगभोग मोरीन गीयो एतो जानकेरता कि तापोररीन केरील जातिरोईली मारो सेवामाय जे काही थोडो घटी रेणी एती ताह तो पुरो केरणू तान केरता तान स्वता: चा जीव पुण आपुह किरील.