मरकुस 6 - नाहाली

नासरेथ माय यीशुन अपमान

¹ ओवतू तो यीशु तान ठिकाणे रीन निकलीन, आपणो गावह आवु तान चेला ताहे-या आवो.

² शब्बाथ दिह आवा तो आराधनालय जाइन संदेश आपणेन सुरुवात केरील, तान संदेश होम्लावा जुलुम माणहे आश्चर्य चक्कित एय गीयो तो कियया, “ज्याह जो आखा कांही केरीन प्राप्त एय गीयो? ज्याह कानलो जो ज्ञान आपणे माय आवोल हि? एने ज्यान हाताकेरीन कोलिक सामर्थ्यान कामे ऐतेह?

³ काय जो हुतार, जो मरियम ने सोरो, एने याकूब, योसे, यहूदा एने शिमोन ज्यान जो बाहाक तोच हि ने? काय ज्यान बोणिक न्या आपणेहेर्यो नाह रेती काय” इही ते तान बारामाय ठोकर खायील.

⁴ तेवी यीशु ताह कियील, “भविष्यवक्तान सन्मान एता नाहं, इही नाहं पुण तान देशाम, तान आप्तेष्टाम जर तान घेरून माणहे तान सन्मान एता नाहरेने.

⁵ जारिक दुखार्यापोर आथ मेलावा तान ताहाच हाजो केरील ज्या शिवाय दिहरा काल्लोबव सामर्थ्यान काम ताह ताहरी केरता आवो नाहं.

⁶ तान अविश्वासान ताह आश्चर्य लागनो ओवतू तो तो शिक्षण आपतेन गाव गावामाय फिर्यो.”

बारा चेलाह मोकेलणो

⁷ ओवतू तो तो बारा जाणाह आहने हादव तो ताह दुय-दुय जाणाह मोकेलने लागिल तो ताहा अशुद्ध आत्मापुर अधिकार आपील.

⁸ एने ताह तो आज्ञा आपील का वातीन केरता डेग्गां शिवाय दिहरो कांही लेहु मां रूटू, थेयली पाकव तामाय पोशा लेहु मा.

⁹ तेभी खाहडा पेरीन चालू, दुय डेगला पेरहू मा.

¹⁰ एने तो ताह कियील तुमूह जां काबव घेर एकदाफाय उतरहु तेवी तो ठिकाण सोडते नाह ताहवोर ताच रेवू.

¹¹ एने जा जागापूर तुमरो स्वीकार नाहं एय, एने ताहरी वाला माणहे तुमरो नाय होमलव, ते तारीन निकेलतेन ता आपणा पायान मातड्यो ताच झेटकव दिवू का तापोर गवाही एय.

¹² ते तारीन निकेलना एने माणहान पश्चाताप केरुहू ओहलो तास पोरचार केरील.

¹³ एने मोक्ता दुष्ट आत्माह बाहेर काडील, एने मोक्त्यू बिमार्युह तेल लागाडीन तांह हाजा केर्या.

यूहन्ना बाप्तिस्मा आपणारान खुन

¹⁴ हेरोदेस राजानबाराम होमलील, काहाकाय यीशुन नाव आखा जागापूर गाजले एता कांही माणहे कियेल, बाप्तिस्मा आपणार यूहन्ना जव एने तालू एनो एय तान करता तामायरीन सामर्थ्यान काम शक्तव केरील काम केरतीन हि.

¹⁵ एने दिहरा माणहे कियेल, “तो एलिया हि, कांही माणहे कियेल हा भविष्यवक्ता हि, म्हणजे भविष्यवक्ता मायरीन नूच एक हि.”

¹⁶ पुण हेरोदेस राजो ज्यो होमलावा कियील, “यूहन्ना, मुंड ते मी काटाड देयेल इतू तो जव एने तालू एय जायवहि.”

¹⁷ आपणो बाहाक फिलीप्पुस यान बायकू हेरोदेसिया जव ओगांण हेरोदेसाने स्व तः माणुह मोकलील यूहन्नाहा देराव एने कैदेत जेखेडव मिलवएता काहाकाय हेरोदेसाने तान हेऱ्यो वाराड किरील एता.

¹⁸ एने यूहन्ना ताह केतेह इही, “तू आपणो बाहाक ने बायकू मीलनु ज्यो उचित नाहं.”

¹⁹ यानकेरता हेरोदेसिया तां पोर डाव देरीन तान मारणे केरणेन; दिखिह एती पुण तान कांहीचालेन,

²⁰ काहाकाय यूहन्ना धर्मी एने पवित्र माणहे हि ज्यो सोमजव हेरोदेस तान बिय धरिन, एने तान रक्षण करीन, तो तान बोलुहू एक तेवी जुलुम गोंधळून जाय तेभी तान केणे होम्लावा ले.

²¹ ओवतू तो एक दिह संधव आवा तेवी हेरोदेसाने आपणो वाढदिव शव आपणा प्रधान, सरदार एने गलील लामायवाला प्रमुख माणहे ज्या मेजवानव आपील.

²² एने हेरोदेसान सोरिन नृत्य किरील तापोर आवील आखा प्रधान पावणा आनंद एय गीयो तापोर हेरोदेसाने तान कियील, “मांग, जो तुवाह जूइ हि, मी तुवाह तो आपण्यू.”

²³ पोशो तो तान वचन आपील कियील, मारा आर्दो राज्य सुद्द जो कांही तू मांगुह मी तुवाह आपण्यू.

²⁴ तापोर तान बाहेर जाइन आपणी आईक फाय आवी तान फुसील, मान्हा काय मागवजुव एने तेवी तान आहाक कियील, यूहन्ना बाप्तिस्मा केनारान मुंडे.

²⁵ तेवी तान चालूच दोव ळतव जाइन राजाफाय आवी एने कियील, मारी ईच्छा हि का बाप्तिस्मा आपणारा यूहन्नान मुंडे ऐव एने तेली एने माय आपज्यू.

²⁶ तापोर राजा जुलुम दुखव एनो पुण आपणी शपथवजेसे, एने हेरी बोहील कारण, तो ता सोरिन नकार आपुह शकवनाहं.

²⁷ तेवी राजाने हुकुम आपील का यूहन्नान मुंडे लावा आवु इही एक शिपायाह कियील, “तेवी बोन्दिखाणामाय जाइन यूहन्नान मुंडे काटव”

²⁸ एने ताह तेली एने माय मेलावा ता सोरिन आपील एने ता सोरिन आपणो आईक आपील.

²⁹ ताहेरया यूहन्नान चेला जव शुभवर्तमान होमेल्नव तेवी तो आवो एने तान शरीर कबरेम मिलव

पाच एजार एदम्याह खावाडणू

³⁰ ज्याबादामाय प्रेरित यीशु हेऱ्यो आवो, “एने आपु जो जो केरील एने जो जो हिकाडवतो आखा यीशुह कियील.

³¹ तेवी तो ताह कियील, तुमूह जेंगलामाय एकांतव चाला एने थोडो थाकमुळने काहाकाय ताहरी मोक्तास माणहे आविह जात हि ताम ताहाच रूटू खाणेन देखव टाइम जुडतो नाहांऐतव.

³² तेवी ते नावीम रीन पुरले उखेर सुनसान जागे गीया.”

³³ माणहान ताहाच निकेलतेन देखायील एने मोक्तास जाणाह ताह ओळखवएने तावाला आखा गावामाय रीन माणहे पायच निकलील दोवाडतेन जाइन तान पेलूच तोथा पोचना.

³⁴ यीशु नावीम रीन उतरना तेवी तान माणाहान मोठू समुदाय देखाणे तो तर मेंढपाळ नाह सोता मेंढरांनहोस एता केरीन ताह तानकेरीन दया आवा एने तो तान मोकताज वातूनकेरता शिक्षण आपणे लागिल.

³⁵ दिह मोक्ताज उतरीन लपूर तान चेला ताफाय आवो एने कियेल, ज्यां जेंगलामाय जागो हि एने दिह ऐव एने जुलुम उतरना हि.

³⁶ तेवी माणहान आजुबाजून गावामाय जाइन स्व तः केरता खाणेन कांही लावा आवज्यू केरीन ताह जाणे कियील.

³⁷ तान ताह उत्तर आपील, तुमुच ताह खाणेन आपु तो ताह कियेल काय जाइन दोनशे रुप्यान रूटू वेचातो लावा ताह खाणेन आपणे?

³⁸ तो ताह कियील, तुमरो पाय कोलाक रूटू हेते? जाइन देखू, देखायीलपूर ते ताह कियेल, पाच रोटा एने दुय मासा.

³⁹ उवतू तो ताह आज्ञा आप्यो, आखा माणहाह निल्ला खेडा पोर बोहाड दिवो.

⁴⁰ तेवी ता शंभर शंभर एने पन्नास पन्नास केरीन बोह्या

⁴¹ उवतू तू तो ता पाच रोटाह एने ता दुय मांसा लियील एने उपेर स्वर्गा वूखेर देखीन आशीर्वाद मांगील एने रोटा मुडी-मुडीन तो चेलाह आपते रेणो, का ता माणहाह वाटती एने ता दुय मासां भी आखामाय वाट देना.

⁴² ता आखा खाइन आफ्री गीया.

⁴³ एने ता उगरिनटूकडान बारा टोपला बोरीन विसील एने मासान टुकडा भी लव जायल.

⁴⁴ रोटा खाणार पाच हजार माणहे एता.

यीशुन पाणी पोर चालणो

⁴⁵ उवतू तो मी लोकसमुदयामाय जाणेन किथु, एने तुमूह नावीम बोहव पुरले उखव र बेथसदा न्या जा इही केयेल तान चालूच चेला जाणेन कियील.

⁴⁶ उवतू तो माणहाह जाणेन केयेल तो प्रार्थना केरणेन डोंगरापोर गीयो.

⁴⁷ एने रात एनी तेवी तो नाव समुद्राम मध्यभागव पोहचव लहव एती एने यीशु एखालो जोमनि पोर एतो.

⁴⁸ ताह तो आयेड मारीन हैरान एय गीयो हेते काहाकाय वारो जोरेस मुयाम आविह एतो उवतू तो रातव चौथ्या प्रहारान सुमारास तो समुद्रा माय पाण्या पोर चालतो ताऊखव र आविह एतो तान जागेरिन ओगांण जाणेन बेत एतो.

⁴⁹ पुण ताह पाण्यापुरिन चालतालून देखव हा भूतडो हि इही ताह लागनो एने ते आयळव

⁵⁰ पाच काहा का ताह देखव ता आखा बिईल एता तेवी तो चालूच ताहेर्यो बोलहू लागिल एने ताह कियील धीर देरू मी हि.

⁵¹ एने तो ताऊखव र नावीम चेडिन गीयो तेवी वारा ठावको एनो उवतू तो तो मोनाम पराकाष्ठतेणे आश्चर्य चक्कित एय गीयो एता.

⁵² काहाकाय रोटान वात त ताह उमगलावाहां ऐतव तान मोन केठव एय गीयो एता.

गनेसरेतान दुखाऱ्याह हुदारणो

⁵³ बादमाय तो पुरलेउखीर उतरीन गनसरेतमाय पोचील, तो तास मेरे नाव बांधीन मिलव.

⁵⁴ तो नावीम रीन उतरताच माणहान ताह ओळखव.

⁵⁵ एने तो आसपासणे भागाम चारिन उगे दोव ळादोववे केरीन फिरिनएने जाहरिन का तो हि केरीन तान कानव आवो, ताहरी तो दुखनेकऱ्यास खाटलापोर रीन गाडव ताफाय आवहू लागिल.

⁵⁶ तो खेडापाडाम, नगरांम, एने टोलाम मोलामांय काबव जाऊ, ताहरी तो दुखनेकऱ्यास बोर बाजारामारीन आवीन मेलणे एने आपु फाडका तेभी आथलागाडव दया: इही ताह एने विनंती केरीन, एने जोला ताह आथलागाडव तोलोक हाजो एता.