मरकुस 5 - नाहाली

दुष्टात्मा लागिल माणहाह हुदारणो

¹ ओवतू तो तो समुद्राम पुरले उखव र गररसेकरान देशांम आवो,

² यीशु ताहेरया नावीम रीन उतरना एने बाहेर आविह येतो एक अशुद्ध आत्मा लागिल माणुह माहणाम रीन ताह मिलील.

³ तो कबरात रेथे एतो एने ताह हाकली दण्डाने देखव बांधीन मेलणे शक्य नाह एता,

⁴ काहाकाय ताह मोक्तास वार बेड्यांनव, एने हाकली दण्डाने बाधवयेतो, तो तान हाकली दण्ड तोडव टाकील एता, एने बेड्यांचे टुकडा किरील एता ताह कूण ज्यां बाधुहू शकत नाह एता.

⁵ तो दाडव रात दिह कबरांमाय एने बोय्लामय आयेडतेन, इही एने दिगुड आपणा डवखेचव लेतेन इही.

⁶ तो यीशुह सेटेच रीन देखव दौव डनू, एने ताह वोंद्यो.

⁷ एने मोठला आवाजामाय आयडीन कियील, “हे यीशु. महान बोगवानान सोरो, तुवाह मारो काय काम पोडीह? मी तुवाह बोगवानानन शपथ लावा किथु, माहु दोमव मां.”

⁸ काहाकाय तो ताह कियील, “अरे, अशुद्ध आत्मा, आवी ज्यो माणहामायररीन निकेल”

⁹ यीशु ताह फुसील, तारो नाव काय हि? तो ताह उत्तर आपील मारो नाव सेना, काहाकाय आमु मोक्तास हेते;

¹⁰ एने आमूह उवतू तो देशामायरीन रीन गाडू मां ओहलो तो आग्रहाने ताह एने विनंती केरणे लागिल.

¹¹ ताहरी डोंगरान कडेला डुकरान एक मोठू कळप चारतेन एतो.

¹² तेवी दुष्ट आत्मा ताह एने विनंती केरील का आमु ता डुकरांम रीन गणे केरीन ताऊखव र आमूह लागाडील आप.

¹³ ओवतू तो तान ताहाच परिनानगी आपील; तेवी तो अशुद्ध आत्मा निकलीन डुकरांम रीन गनो एने तो सुमारे दुय हजार डुकरान कळप दोव ळतव जाइन कड्यामायरीन समुद्रा माय पोडवएने पाण्यामाय दोम कोंडाईल मोराना.

¹⁴ डुकरे होंबालनार दोवडी पोडणा एने ताह गावामाय एने खेतमोलाम जाइन हे वर्तमान कियील तेवी काय एय गीयो हे माणहे देखणेन आवो.

¹⁵ तो यीशु हेऱ्यो आवो एने देखायील का जो माणुह जापुर दुष्ट आत्मा लागिल एतो फाडका रीन गाडव अशुद्ध पुर आयवदेखानो एने बिय गीया.

¹⁶ तान केरता ज्यां घटना पेल्लव तास दुष्ट आत्मा लागीलाह काय एय गीयो तो एने डुकरांनबारामाय आखा माहितव कियील.

¹⁷ तेवी तो ताह एने विनंती केरणे लागिल का तो ताफायरीन निकलीन जाणे.

¹⁸ एने पोशो यीशु नाव एने पोर चेडने लागू तेवी तो जा माणहामाय दुष्ट आत्मा एता ता माणहे यीशुह कियील, एने विनंती केरणे लागा का माहु तुवाहेर्यो रेणें देव.

¹⁹ पोशा यीशु ताह आपणेहेर्यो लावा जाणेन मोनाई केरील ताह कियील, आपणाच माणहामाय घेर जा, एने ताह आखा किजव जो बोगवानतारकेरता किरील हि एने ताह हे पुण किजव का बोगवानतारपोर दया कोहलव केरील.

²⁰ तेवी तो निकलील एने यीशु ने जो मटलव काम तान केरता केरील एती तान दिकापुलिस भागाम जीर केरणे लागिल; तेवी आखाज आश्चर्य लागिल.

याईरान मुरील सोरी एने दुखारी बायकू

²¹ ओवतू तो यीशु नावीम बोहव पोशा जांणेबादमाय तान आहने माणाहान मोठू समुदाय आवा तो समुद्राआह्नव एतो.

²² तेवी याईर नावन आराधनालयान एक अधिकार एने आवा, एने ताह देखव तान पाया पोडव

²³ तान आग्रहाने ताह एने विनंती केरील का मारी आतव सोरिन मोरने टेकनव हि तिने हाजो एय जावू केरीन आपु आवीन तान पुर आथ मेल. कि तो जीवतालू रेय.

²⁴ ओवतू तो यीशु ताहेऱ्यो निकलील; तेवी मोक्तास माणहे तान पासाण चालना एता एने ताहेर्यो गेर्दी केरतीन एता.

²⁵ एने ताहरी रक्तस्रावाने बारा एने रहि पिडलेलव एक बायकू एती.

²⁶ तिने मोकताज वद्यांन हातून मोक्तास हाल सहन केरीन आपनेहेऱ्यो जा एता नाह एता ता आखा खोबालावा टाकील एता तेभी तान हाजो लागणे नाह एता पुण बिमारी वोळतेच रेणू एतो.

²⁷ ताहेरया तिने यीशुन बारामाय होमलील तेवी तान गर्दव माय तान पासाण आवी एने तान फाडका स्पर्श किरील.

²⁸ काहाकाय तान केतेह एती, केवळ तान फाळकाह स्पर्श केरील तेभी हाजी एय.

²⁹ तेवी लागीच तान लुयूस्राव झिर हुकव गीयो एने आपु ता पिडामायारिन हाजो एय गीयो हि इही तान शरीर राम अनुभव आवा.

³⁰ यीशु चालूच होमजव जायेल मारेमाय रीन सामर्थ्य निकलील हि ज्यो यीशु चालूच ओलखवएने गर्दव माय वलावा कियील, मार फाडका कूण शिबिल?

³¹ तान चेला ताह कियेल, तू देव खव का माणहान गेर्दव तार पुर पोडणे केरनेव तू ज्यो का थव का कूण माहु शिबव

³² तेवी यीशु ताह एरने केरता जो ज्यो काम केरेलइतू चार उखेर नजर टाकील ल,

³³ तेवी तान बायकू ज्यो ओल्खवका तान हेर्यो काय एनो आपणे बारामाय जव कांही घटना एय एने तान सोमजव गीया यव एने तान कापते-कापतेन ताफाय आवी एने तान पाया पोडव तान ताह आखो खेरो-खेरो केय देनव,

³⁴ यीशु तान कियील, सोरिन, तारो एने विश्वासन तुवाह हाजो केरील हि; शांतव से जा तार पिडामायारिन मुक्त एय जा.

³⁵ तो बाहेर एतो कोलाकामाय यहूदव आराधनालयान अधिकाऱ्यांन घेराउखव रीन कांही माणुह आवी एने ताह कियेल, आपणी सोरिन मरण देखाईल ऐव एने गुरूह त्रास काहा आपथो.

³⁶ पुण यीशु तान बोलनाउव गे लक्ष्य आपथो आराधनालयान अधिकाऱ्याराह कियील, बिऊ मां एने विश्वास मात्र देर.

³⁷ तान पतरस याकूब, याकूबान बाहाक यूहन्ना ज्यान शिवाय कुनव भी आपणेहेर्यो आवहू आपील नाहं.

³⁸ ओवतू तो आराधनालयान अधिकाऱ्यांन घेरान आहने आवील ते रेड्णारे एने आखान केरणारा ज्यान कापालव चलवतान देखाणे.

³⁹ तो माय जाइन ताहाच कियील, तुमूह का कापालव केरता एने रेड्ता? सोरो मोराना नाहं निंदिमाय हि.

⁴⁰ तेवी तो आहने लागिल; पुण तान ता आखान बाहेर मोकलील आपील एने सोरिन आहाकआंबू एने आपनेहेर्यान माणुह लावा सोरिन एती ताहारिन तो गीया.

⁴¹ ओवतू सोरिन आथाह देरीन तो कियील, तलव मा कुम; ज्यान मतलब सोरिन मी तुवाह किथु उठ.

⁴² एने चालूच तान चेतावणी उठीन चालू लागिल; काहाकाय तान बारा वर्षान एती तेवी तो चालूच आश्चर्य चक्कित एय गीयो.

⁴³ ओवतू तो ताहा चेतावणी किथी का ज्यो कुणीह मालूम नाय पोडणे जुवी, एने कियो “जिहा काय भी खाणेन आपु.”