मरकुस 3 - नाहाली

हुकील आथ वाला माणहाह हुदारणेन

¹ ओवतो यीशु पोशो आराधनालय माय गीयो; ताहरी एक आथान एक माणुह एतो,

² एने तापोर दोष लागाड ने केरीन शब्बाथ दिह तो ताह हजो केरी का काय ज्यो देखणेन ता टोपीन बोहील एता.

³ तेवी ता हुकील आथा वाला माणहाह कियील, उठ, “एने विच उबरी.”

⁴ उवतू तो ताह कियील, “शब्बाथ दिह हाजो केरणेन ठीक हि का खारब केरणेन ठीक हि, जीव वोचडने का मारणेन” पुण तो ठावकु कास रेणा.

⁵ ओवतो तो तान कठोर मोनाह देखीन, ने रागाम भरात आखा उखेर देखिलल एने ता माणहाह आथ ओगाण केर; तान आथ ओगाण करीन ताहा हाजो केर्यो.

⁶ ओवतो तो फरीसी बाहेर जाइन यीशु कोहि का नाश केरुहू ज्यान विषायापूर हेरोदेसिया हेरया विचार करने बाज गीया.

गर्दीन यीशुन पासाण चालणेन

⁷ यीशु आपणो चेला हेऱ्यो एने गलील लान तलावउखेर निकलीन गीयो: एने गलील लामायवला मोठलु टोलु तान पासाण लाग गीया;

⁸ यहूदिया, यरूशलेम, इदोम एने यार्देन नदीन, तान उगेवन भाग एने सोरिन सिदोन ज्ञान आह्ने पाहाने भाग ज्यामरीन मोठू समुदाय जव मोठ्ला-मोठ्ला कार्य केरतीन एतो ताबाराम होम्लावा ताफाय आवा.

⁹ तेवी “गर्दव वजेसे आपु हेंग्रिन जाहू नाहा केरीन तान चेलाना नाव तियार केरणेन कियील.”

¹⁰ काहाकाय तान मोक्ताजानाह हाजो केरील एता, केरीन जो रोगांमाय पिलवएता, ता आखा ताह स्पर्श केरणेन तान डव लापूर दोव डतव एता.

¹¹ ताहेरया अशुद्ध आत्मा ताह दिखिह एता, तेवी तेवी ते तान पाया पोडीन केतेह का तू बोगवानान सोरो ज्यांच;

¹² तेवी तो ताह चेतावणी आपील किथी इही का ज्यान विषायापूर बोलहू मा.

बारा चेला बोणावणे

¹³ ओवतो तो तो डोंगर चेडिन गीयो एने ताह जूइ एता ताह हादाडील एने तो ताफाय आवो.

¹⁴ तेवी तान बारा चेला निवाडीलडनु केरील; तान केरता का, एने तो ताह मोकलील कि पोरचार केरू.

¹⁵ ज्यान आपणेहेर्यो एय एने दुष्ट आत्मा काडणेन अधिकार आपील.

¹⁶ एने ता बारा जाणा ज्या हेते शिमोनाह पतरस इही एक नाव आपील.

¹⁷ जब्दीन सोरो याकूब, एने याकूबान बाहाक यूहन्ना ज्या बोआनेर्गेस म्हणजे गिरज्ने सोरू ज्याभव नाव आपील.

¹⁸ आंद्रिया, फिलीप्पुस बर्थलमय, मत्ती, थोमा, अल्फिन सोरो याकूब. एने तद्दे शिमोन कनानी

¹⁹ एने तदद्य शिमोन कनांनव एने ताह देरीन आपणार यहूदा इस्कर्योत.

यीशु एने बालजबुल

²⁰ ओवतो तो तो गिर आवा तेवी पोशो ओला माणहे जमाना का ताह खानेनकेरिन ता ज्यां टाइम नायजुडव.

²¹ हे होम्लावा तान घेरल्या ताह देरणेन निकेलना काहाकाय ताह वेळ लागिल हेते इही तान केणे एता.

²² ताहलोच यरूशलेम मायरीन आवील शास्त्री कोलाक एता का ताह शैतान लागिल ज्यां एने तो ता दुष्ट आत्मान सरदारान एने तान मोदेतसे दुष्ट आत्माह काडील.

²³ तेवी तो ताहाच आपणेफाय हादाडळव वार्ता लागिल का, शैतान शैतानाहा केव एने काड ल?

²⁴ आपसामाय फुट पुडील राज्य टिकने नाहं.

²⁵ आपसामाय फुट पुडील घेर ज्यां टिकने नाहं.

²⁶ शैतान स्वतापूर उठिल एने तामाय फुट पुडील तर तो ज्यां टिकने नाहं तान सेवट एय.

²⁷ ताकतवला माणहाह पेल बांद्याशिवय कुनव भी तान घेराम रीगीन तान मालमत्ता ताह बांदणेपोरूच तान घेर लुटणे आवी.

²⁸ मी तुमूह खेरिनच किथु का मानव सोराह आखा प्रकारान पापान एने निंदा केरील दुर्भाशनान क्षमा एय.

²⁹ पुण जो कूण पवित्र आत्मान निंदा केरनेताह क्षमा नाहा तर तो अनंत पापांन दोषव हि.

³⁰ ताह अशुद्ध आत्मा लागिल हि, इही तो केतेह एता केरीन तो हे बोल्णु.

यीशुन आहाक एने बाहाक

³¹ तेवी तान आहाक एने तान बाहाक आवो एने बाहेर उबरीन येल रेयव तास खोबव र मोकलील ताह हादाडील.

³² ताहेर्यो मोक्तास माणहे बोह्ना एता तो ताह कियेल देखू, बाहेर आपणी आहाक एने आपणा बाहाक आपणा होदणे केरीन हि.

³³ तान ताहाच उत्तर आपील “केणु मारी आहाक एने केणु मारा बाहाक?”

³⁴ ओवतो तो जो तान भोव तान बोहील एता ताऊखव र देखव तो कियील, “देखू, ज्यां मारी आहाक एने ज्यो मारा बाहाक!

³⁵ जो कूण बोगवान इच्छेप्रमाणे चालीह तोच मारो बाहाक एने बोणिक, ताच मारा आहाक हि.”