मत्ती 13 - नाहाली

बीज पेणारान वार्ता

¹ तेवी यीशु घेररीन निकलीन समुन्द्रान मेरावूर जाइन बोहील.

² एने तान आहने ओहली मोठली गेर्दी जमा एनी का, तो नावीन उपेर चेढ गीयो एने आखीच गेर्दी मेरापूर उभी रेणी.

³ एने ताह वार्ता वात कियील, “देखो एक बीज पेरणार बीज पेरणे निकल्यो.

⁴ काही बीज वाटीन मेरापूर पोडील एने चिडा आवीन ताह खाई गीया.

⁵ काही दाणा सापऱ्याटाम जोमनिपुर पोडील, ताहा मातड्या नाह जुडानो केरीन तो जेल्दी उगना.

⁶ तेभी दिह निकलील ओवतो ता चीमाय गीया एने मूल नाह देराय करीन ता हुकी गीया.

⁷ काही दाणा काटा वाला झाडाम पोडील झाडे मोठा एईन ताह दाबीन टाकील.

⁸ काही दाणा हाजो जोमनिपुर पोडील, एने फोल आपील काही शंभर पट, काही साठ पट, एने काही तीस पट.

⁹ ज्यान कान रेंय तान होमलू.”

वार्तान उद्देश

¹⁰ चेलाह आहने आवीन ताह केया, “तू माणहाहे-यो वार्तांमा कहा वातू केरणे”

¹¹ यीशु उत्तर आपील “तुमूह स्वर्गान राज्यान भेद जनेन सोमोज जुडील हि पुण ताहा नाह जुडील सोतीहं.”

¹² काहाकाय जाफाय हि ताहा उन्जू जुडी, पुण जाफाय नाह सोतो ताफ जो ताफाय हि तो भी मागाय जाय.

¹³ मी तासहेऱ्यो वार्तामा ज्ञान केरता वातू कि दिखता असून भी दिखिह नाहं एने होंबलेह असू हं होंबलेह एने नाहं होमजाडणे.

¹⁴ तान विषय माया यशायान जी भविष्यवाणी पुरो एता हि तुमूह काना केरीन होमली पुण समजी नाहं एने डोलाकेरिन देखहु तेवी ना जायहं समजनि.

¹⁵ काहाकाय ता माणहा मोन कठोर एय गीया गेल हि, एने ते कानाम उपेरीन होमेलनू तास आपणा डोला बंद किरील हि. केध्दीह इही होवो कि ते डोलाकेरिन देखू, एने काना केरीन होमेल एने मोना मायरी होमजी गीया एने उन्जू जावू ताह एने मी ताह हाजो केरू.

¹⁶ पुण धन्य हि तुमरो डोला, तो देखताला, एने तुमरो कान होंबलेह हि.

¹⁷ काहाकाय मी तुमूह खेरो किथु कि जोलूम भविष्यवक्ता एने खेरा जनीन कि जी वातू तुमूह दिखील हि, देखीणे, नाह देखील, एने जीवात तुमूह होंबलेह हि, कोलाक नाह. होमेलने जुडणी नाह.

पेरणारान वार्तान अर्थ

¹⁸ ऐवी तुमूह पेरणारान वार्तान अर्थ होमलू,

¹⁹ जो कूण राज्यान वचन एनो नाहं होमजाडणे, तान मोनाम जो पेरील हि ताह तो दुष्ट आवीन साडाळीनि लेईन जाथू, तो ज्याच हि जो वाटी पुर पेरील गीया एता.

²⁰ एने जो देगडान जोमनि पोर पेरीलन गीया हि, जो वचन कोलाक जेल्दी आनंदान बाराम मानीन लेणे.

²¹ पुण आपणो माय मूल नाह, मोकनेज कारणाने तो थोडच दिहान केरता हि एने वचनमाय क्लेश एने उपद्रिन एतो तो तात्काळ ठोकर खाहोव.

²² जो झाडापूर पेरीन गीया हि तो ज्यो हि वचनामाय होमलथू तो आवो जगान चिंता एने धनान धोका वचनामाय दाबिल एने तो फोल नाहं आपतेन.

²³ जो हाजो जोमनि पोर पेरील गीया, तो हि जो वचनामाय एईल होमजाडीन लेणे, एने फोल आपथु कूण शंभर पट, कूण साठ पट, एने कूण तीस पट.

जंगली बीजान वार्ता

²⁴ यीशु ताह एक उंजू वार्ता आपील, “स्वर्गान राज्य ता माणहान सारकोस हि ताह आपणो खेताम हाजो बीज पेरील.

²⁵ पुण ताहेरया माणहे हुवती एता तेवी शत्रु आवीन गोवान बीजा माय जंगली बीज पेरीन निकलीन चालहु गीयो.

²⁶ ताहेरया रोप आवी पाला आवील तेवी जंगली बीजा, भी रोपे पुण देखाणे लागिल.

²⁷ तेवी घेर दाणा लावील ताह केयेल तेवी घरदानान दासानवजेसे आवीन केयेल, हे मालिक, घेर दाणा तू आपणो खेताम हाजो बीज नाहं का पेरील? तू जंगली बीज ने रोपे तामाय कारीन आवा.

²⁸ मालिक ताह केयेल हे कल्ला फायरी तेवी शत्रु ने काम हि दासान जेसे ताह केयेल काय तारी ईच्छा हि कि, आमु जाइन ते जमाडीने लेजी.

²⁹ मालिक केयेल कि, नाहं, होवो कि जंगली बीज ने रोपे टोलुवालीन लावणेन तुमूह तान हेरी गीया पुण गोव उखाडीन टाकील.

³⁰ कटनी ताहवोर भी ला हेरी वाईहु द्या एने काटणेन टाइम काटणी केरणाहारा केहू कि बीज चे रोपे जमाडीने जडूके तान पारू बाधित ली एने गोवाह मारो खेताम जमाडीने ली.”

राईन बीजान वार्ता

³¹ तो ताह उन्जू एक वार्ता आपील, “स्वर्गान राज्य राईन एक दाणान बरोबर हि ज्याह कूण माणुह लेईन आपणो खेताम पेरणेन.

³² तो आखा बीज पेक्षा आत्यो तर असतो पुण ताहेरया तो वोदिन जाथू तेवी आखा भाज्या पेक्षा मोठू एय जाथू, एने इही झाड एय जातेह कि, आकाशामाय चिडा आवीन तान दाल्खीपोर वस्ती केरतेहे.”

खमीरान वार्ता

³³ तो एक उन्जू वार्ता ताह होमलायेल, “स्वर्गान राज्य खमीरान होस हि जाह एक बायकू लेईन तीन पायाला पिठामाय मिलावी देनी एने एता तो आखा खमीर एय गीयो.”

³⁴ जी आखी वातू यीशु वार्तामा माय माणहाह केतालू एने केवाय वार्ता तो, ताह तान कायीच केयेल नाहं.

³⁵ कि जे वचन भविष्यवक्तान उगेरीन केयेल गीया एता, ते पुरोज होवो, “मी वार्ता केणेन केरता आपणा मूय उघाडील मी ता वातूह जे जगान उत्पत्ती तारीन लिकाडील रेणी हि ती प्रगट केरूह.”

जंगली बीजान वार्तान अर्थ

³⁶ तेवी ते गेर्दी ला सोडीन घेराम आवा, एने तान चेला तान आहने आवीन कियील, “खेतामायवालो जंगली बीज वार्ता आमूह होमजाडीन आप.”

³⁷ तान ताह उत्तर आपील, “हाजो भी चे पेरणी केरणार माणहान सोरो हि.

³⁸ खेत संसार हि, हाजो बीज राज्यान सोरा हि, एने जंगल बीज दुष्टान सोरा हेते.

³⁹ जो पेरणार दुश्मोन जाह पेरील ताह शैतान हि, काटणेन जगान सेवट हि काटने वालू स्वर्गदूत हि.

⁴⁰ सेवट जोहलो जंगली दान जोमडीही जातेह एने बोलतेह जातेह तोहोलोच जगाच्या सेवट एय हि.

⁴¹ माणहान सोरो आपणो स्वर्गदूतांम मोकलुहु, एने ते तान राज्याउखीरिन आखा ठोकर कारणाने एने कुकर्म केरणाराह एक्ठाच केरूह.

⁴² एने ताह आकठाम कुंडाम टाकील जोहरो, रेडनु एने दात खाणु रेंय.

⁴³ तीबोखेत खेरलामानहा आपणो आबाक राज्यातम सूर्या सारकोस पिपलीतान, कान रेंय तो होमलू ले.”

लीकायील खजानान वार्ता

⁴⁴ “स्वर्गान राज्य खेताम लागाळील धेन सारकोस होय, ज्याह कूण माणहान मिळवणे एने दोबावीन आपील, एने आनंदन बाराम जाइन आपणा आखा पाकील टाकील एने ता खेताहा वेचातो लीईल.”

किंमतीवान हिरो

⁴⁵ “उन्जू स्वर्गान राज्य एक व्यापाऱ्या सारकोस हि, जो किंमतीवानमोतीइ होदमाय एतो

⁴⁶ तेवी ताह एक किमती मोती जुडणी तर तो तान जाइन आपणा आखा वेच टाकील एने ताह वेचातो लेय लीईल.”

जालान वार्ता

⁴⁷ उन्जू स्वर्गान राज्य ता मोठली जाला सारकोस हि जो समुद्रा माय टाकील एतो, एने आखा प्रकारान मासा एक्ठाच किरील.

⁴⁸ एने ताहेरया जालो बोरीन गीया तेवी मासा देरणारे मेरापूर लेईन आवा, एने बोहीन हाजा-हाजा बासनाम एखालूच किरील एने खराब खराब मासा टाकील आपील.

⁴⁹ जगान सेवट ओहलाच एय स्वर्गदूत आवीन दुष्टांहा खेराजानापोररीन आलेग केरू.

⁵⁰ एने ताह आकठाम कुंडाम टाकील ओहलाच. जाहरी रेडनु एने दात केकडावणू रेय.

जुनाली एने नावाली शिक्षान महत्व

⁵¹ काय तुमूह जी आखा वात नाहं होमजील काय? तास ताह केयेल होव.

⁵² तो ताह कियील जानकेरता एक शास्त्री जो स्वर्गान राज्य चेला बोणील हि ता गृहस्थ सारखो हि जो आपणो भांडारामरीन नोवालो एने जुनो वस्तु काडीन.

नासरथमा यीशुन अनादर

⁵³ तेवी यीशु जो आखा वार्ता केयीन तारीन चालहु गीयो.

⁵⁴ आपणो नगरात आवीन तान आराधनालय माय ताह ओहलो संदेश आपणेह लागिल कि ते भोगलाईन एईन केणेंन लागिल ज्याह जो ज्ञान एने सामर्थ्यान काम केरीन जुडील.

⁵⁵ का हा हुतारान सोरो नाह? एने ज्ञान आहाकान नाव मरियम एने तान बायाकने नाव याकूब, योसेफ, शिमोन एने यहूदा नाह?

⁵⁶ एने ज्ञान आखा बोणिक आपणो हेरी नाहं रेथे तर ज्याह जो आखा केरीन जुडील.

⁵⁷ ओहलो प्रकारे तान कारणाने ठोकर खायील पुण यीशु ताह कियील “भविष्यवक्ता आपणा देश एने घेर सोडीन मात्र सन्मान जुडणे नाहं.”

⁵⁸ एने तान ताहरी आपणो अविश्वासान कारणाने आखा सामर्थ्यान काम नाहं किऱ्यो.