लुका 22 - नाहाली

यीशुन खुनान चाल

¹ अखमीर रोटान तिवार ज्याह फसह सन केणु, आहने एतो;

² एने मुख्य याजक एने शास्त्री आवो वातून होदतेन एता कि ताह केवी मारीन टाकणेन, पुण ता माणहा से बिताला.

यहूदा इस्करियोतीन धोको

³ तेवी शैतान यहूदामाय आवा, ज्याह इस्कर्योत कियील जातेह एने बारा चेला माय मोजील जात एतो.

⁴ तान जाइन मुख्य याजक एने शिपायांन सरदाराहे-यो वात केरील कि ताह कानले प्रकारे तान आथाम देरावीन आपणेन.

⁵ ते आनंदित एय गीयो, एने ताह पोशा आपणेन वचन आपील.

⁶ तान मानीन लीईल एने संधी होथू लागिल कि ताहेरया गेर्दी नाहा हे तो तेवी तान आथाम देरावीन आपणेन.

फसहने तियारी

⁷ तेवी बेखमीर रोटान तिवार आवा, ज्यामाय फसह च्या कोक-यान बलीदान केरुहू आवश्यक एता.

⁸ यीशु पतरस एने यूहन्नाहा हे केयीन मोकलीन: कि “जाइन आमरा खाणेन केरता फसह तियार केरू.”

⁹ तास ताह फुसील, तुवाह कां लागीह कि हे कां तियार केरूह?

¹⁰ तो ताह कियील, देखू, नगरांत प्रवेश केरताच एक माणुह पाण्यान धडा विसील तुमूह जुडी; ज्या घेराम तो जाहू तुमूह तान पासाण जाणेन.

¹¹ एने ता घेरान मालक्या केणेन स्वामी तुवाह किथे कि ती भोजनान जागो कां हि जी माय मी आपणो चेला हेऱ्यो फसह खाहू.

¹² तो तुमूह एक होबाडील मोठली कियील माळी देखाडीन ताहरी तियारी केरणेन.

¹³ तास जाइन जोहलो ताह कियील एता, तोहोलोच देखील, एने फसह तियार किरील.

प्रभुन आखरी भोज

¹⁴ ताहेर्यो टाइम आवीन गीयी तर तो चेला हे-यो जेवण केरणेन केरता बोहील.

¹⁵ एने तास ताह कियील, माहु मटली आशा एती कि दुख सहन करीन पेलूच हा फसह तुवाहेर्यो केरूह.

¹⁶ काहाकाय मी तुमूह किथे कि जो ताहवोर बोगवानान राज्यातम पुरो एता नाहं ताहउर मी ताह केविज खाण्यू नाहं.

¹⁷ तेवी तान प्याला लीन आभार मानना एने कियील, हे ली एने आपसामाय वाटीन ली.

¹⁸ काहाकाय मी तुमूह किथे कि जेवीवोर बोगवानान राज्य आवूह नाहं ताहउर मी अंगूररस एविरीन पिनार नाहं.

¹⁹ ओवतो तान रूटू लीईल एने आभार मानीन ती मुळनु एने ताह हे किथी आपील हे मारा शरीर हि जे तुमरीकेरता आपील जात हि मारो एर केरणेन केरता हे केरतीन रीवू.

²⁰ याचप्रमाणे तान रोटोखाणेनबाद प्याला पुण हे किथी आपील हा प्याला ता रक्तामाय जो तुमरीकेरता वोईल जात हि नोवालो वाचा हि.

²¹ पुण देखू, माहु देरावीन आपणारन आथ मारो मेज माय हि.

²² काहाकाय माणहान सोरो तर जोहलो तान केरता ठेरायेल जातेह पुण हाय ता माणहापोर ज्यान उगेरीन तो देरावीन आपील जात हि.

²³ तेवी ते आपसामाय विचारपूस केरू लागिल कि आमरा माय कूण हि तो हे केरुहू.

कूण मोठो सोमजाय?

²⁴ तामाय हा वादावाद पुण एनो कि तामाय कूण मोठू सोमजील जाथू.

²⁵ तान ताहाच कियील, दिहरी जातीन राजा तां पोर राज करने; एने जो तापोर अधिकार मेलतेन ताह परोपकारी केणु.

²⁶ पुण तुमूह इही एहू मा; पुण जो तुमरे माय मोठू हि तो आतल्यान होस एने जो मुख्य हि तो दासान होस बोणावू.

²⁷ काहाकाय मोठू कूण हि? तो रूटू खाणेन बोहील हि केव्ही जो सेवा केरतीन हि? काय तो नाहं जो रूटू खाणेन बोहील हि? पुण मी तुमरे माय दासान होस हि.

²⁸ तुमूह तो हेते जो मारो परिक्षाम निरंतर मारहे-या रेणा.

²⁹ एने जोहलो मारो आबुक मारकेरीन एक राज्य ठेरायेल हि तोहोलोच मी पुण तुमरीकेरता ठेरावू.

³⁰ म्हणजे तुमूह मार राज्यामाय मार मेजापोर बोहीन खाऊ-पिऊ; एने ओलोकुच नाह पुण सिंहासनापोर बोहीन इस्राएलान बारा वंशान न्याय केरू.

पतरसान नाकारान भविष्यवाणी

³¹ हे शिमोन, देख, शैतानाने तुमरा माणहा फाचन लीईल हि कि तुमूह गोवान होस झडण्याकेरता,

³² पुण मी तार केरता विनंती केरील कि तारो विश्वास जाणेन मां; एने ताहेर्यो फिरणार तर आपणो बायाक स्थिर केरुहू.

³³ तो ताह कियील, हे प्रभु, मी तारहेऱ्यो बंदिगृहामाय जाणेन ओलख नाहं ते मोरणेन भी तियार हि.

³⁴ तो कियील, हे पतरसा, मी तुवाह किथु का आज कुकडो वाहणेन पोयले तू माहु तीन वारीन नाकारही मी ताह नाह ओलखेत.

तेकलीत सहणेन तियार रीवो

³⁵ पुछो तो ताह कियील, ताहेरया मी तुमूह थेयली एने झोली एने बिगर चाट्यान मुकलेल एता तर काय? तुमूह काही वस्तून थोडो एनी एती? काल्लूच वस्तून नाहं.

³⁶ तो ताह कियील पुण ऐवी ज्यान आहने थेयली हि तो तीह लीन ले, एने तोहलीच झोली पुण एने न्यानहेऱ्यो नाहं तो आपणा फाडक पाकील एक वेचातो लीन आप.

³⁷ कारण मी तुमूह किथे कि हे जे लिखील हि तो अपराध्याहे-यो मोजील गीयो यान कुणबी पुरो एने आवश्यक हि कारण मारो विषयातमाय लिखील वात पुरो एय हि.

³⁸ तास कियील, हे प्रभु न्या दुय तलवार हि तास ताह कियेल, “जुलुम हि.”

जैतुनान बोयडापोर यीशुन प्रार्थना

³⁹ तेवी तो बाहेर निकलीन आपणो रीतीप्रमाणे जैतुनान डोंगरापोर जाईल एने चेला तान पासाण चालू लागिल.

⁴⁰ ता जागीपोर पोचनेपोर तो ताह कियील, “प्रार्थना केरू कि तुमूह परिक्षाम पोडहुं नाहा.”

⁴¹ एने तो स्वताह ताउगेरीन देगडान टप्याईतका दुरीपोर गीयो एने मांडा टेकिन प्रार्थना केरूह लागिल,

⁴² “हे आबुक, जर तुवाह लागीह हा प्यालाला माफायरीन काडीन ले, तेभी पुण मारा नाहं तर तारीच ईच्छा पुरो एहू आप.”

⁴³ तेवी स्वर्गातील एक दूत आवा तो ताह सामर्थ्य आपतेन एतो.

⁴⁴ तो अत्यंत संकटामाय दुखी एईन उंजू पुण वेदनांनी प्रार्थना केरूह लागिल; एने ज्यान घाम जिहकाय रक्ताचे मोठा मोठा ठीन्बकासारखे जोमनि पोर दोवडतीन एता.

⁴⁵ तेवी तो प्रार्थनामाय उठिल एने आपणो चेलान आहने आवीन ताह खेदामुळे ताह हुवातालून देखील.

⁴⁶ एने ताह कियील, काहा हुविह हि? उठो, एने प्रार्थना केरू कि परिक्षाम पोडहुं नाहा.

यीशुह बोन्दि बोणावणो

⁴⁷ तो हे किथी एतो एने एक गेर्दी आवी एती एने ता बारा मायरीन एक जन ज्याच्येच नाव यहूदा एता तान ओगाण ओगाण आविह एतो तो यीशु हेऱ्यो आवा तो तान चुंबन लेहु.

⁴⁸ यीशु ताह कियील हे यहूदा काय तू चुंबन लीन माणहान सोरो देरीन आपण्यू हि?

⁴⁹ तान हेरीवाला हे देखील कि काय एय हि, तर कियील, “हे प्रभु काय आमु तलवार चालाडू?”

⁵⁰ एने तामायवाला एकजाण महायाजक दासापुर तलवार चालाडीन जेवड्यू कान उडाव दियेल.

⁵¹ तापोर यीशु कियील, “ऐवी बोह केरू” एने तान कान स्पर्श केरीन ताह हजो किरील.

⁵² तेवी यीशु मुख्य याजक एने मंदिरान रक्षकान सरदार एने डाय डाया जे तापोर चेढाय केरीन आवा एता, कियील, काय तुमूह माहु लुटारू होमजाडीन तलवार एने लीन निकेलना हि?

⁵³ ताहार मी मंदिरामाय दाडीन तुवाहेर्यो एतो, तर तुमूह मारपुर आथ टाकील नाहं; पुण हि तुमरी टाइम हेते, एने अंधकारान अधिकार हि.

पतरसान नाकार

⁵⁴ पूछू ते ताह देरावीन लीन चालना, एने महायाजकान आवा, पतरस सेठोरीनुच तान पासाण पासाण जात एतो.

⁵⁵ एने ताहेरया आंगणामाय आगठो पेटाळीन एखठाच बोठा, तेवी पतरस भी तामाय बोह गीयो.

⁵⁶ तेवी एक दासी आकठाम प्रकाशमाय बोहील देखीन एने तान उगे देखीन केणेंन लागिल “हा पुण ताहेर्यो एतो.”

⁵⁷ पुण तान हे केयीन नकार किरील, “हे बायकू, मी ताह ओळखतेह नाहं.”

⁵⁸ थोडाक टेममाय दिहरो कुणबी देखीन कियील, “तू भी ते तामाय वालो हि, पतरस, कियील, हे माणहा, मी नाहं सोतो.”

⁵⁹ कोलाक तेभी तासान उंजू एक माणुह खात्री केरीन केणे लागिल, खेरीच ज्यो भी ताहेऱ्यो एतो, कारण ज्यो गलीली अब्राहाम हि.

⁶⁰ पतरस कियील, “हे माणहा, मी ओल्खीत नाहं का तू काय केण्यो हि?” तो केतालोच तोलाकमाय कुकडो वाह देनो.

⁶¹ तेवी प्रभुने पतरसान माय देखील, एने पतरसाला प्रभुन ती वात एर आवी जे तान कियील एता आज कुकडो वाही पेलूच, तू तीन वेला मारो नकार केरही.

⁶² एने बाहेर निकलीन मोठ-मोठे रेडने लागिल.

यीशुह देणो

⁶³ जा माणहे यीशुह देरील एता, ता तान थट्टा केरीन ताह देताला;

⁶⁴ एने तान डोला डापीन ताह फुसताला, “भविष्यवाणी केरीन कि का तुवाह कूण देईल.”

⁶⁵ एने ता जादा ज्यान पेक्षा जादा निंदान वातू तानविरोधमाय केयील.

डायला एने महासभा सामने यीशु

⁶⁶ जेवी दिह उगेल ते माणहान डाय डाया एने, मुख्य याजक एने शास्त्री एखठा एय गीया एने ताह आपणा महासभामाय हादाडळीन फुसील,

⁶⁷ “जर तू मसीह हि, तर आमूह केयीन आप, तान ताहाच कियील, जर मी तुमूह केनार, तर विश्वास केरुहू नाहं.”

⁶⁸ एने फुसहु तर उत्तर आपण्यू नाहं.

⁶⁹ पुण एविरीन माणहान सोरो सर्वशक्तीमान बोगवानान जेवडी बाजूमाय बोहील रेहू.

⁷⁰ जापोर आखाच कियील, “काय तू बोगवानान सोरो हि? तान ताहाच कियील, तुमूह स्वताह च केणु, केरीन मी हि.”

⁷¹ तेवी तास कियील, “ऐवी आमूह गवाही आपणेन काय गिरीज हि केरीन आमु खुदेन तान मुया मायरीन कोलाक लीईल हि.”