यूहन्ना 4 - नाहाली

यीशु एने सामरी बायकू

¹ ओवतो जेवी प्रभु मालूम एय गीयो का फरीसीन होमलील हि का यीशु यूहन्ना पेक्षा ज्यादा चेला बोणाविल एने ताह बाप्तिस्मा आपीह

² केवी तेभी यीशु जीवेच नाहं तान चेला बाप्तिस्मा आपतेन एता.

³ तेवी तो यहूदयान सोडीन पोशा गलीलामाय निकलील,

⁴ एने ताह शमरोना मायरीन निकलीन जाणुच लागिल.

⁵ सुखार नावान एक शमरोनाच्या नगरामाय ताहुकवोर आवा, जे ता जोमनिन आहने हि ज्याह याकूबाने आपणो सोरो योसेफ ला आपील एतो;

⁶ एने याकूबान वावडी ताच एती. यीशु वाटेमायबी थाकेल एतो ता वावड्यू आहने आहने बोह गीयो. हि वात सहाव्या तासा आहने आहने एनी.

⁷ तोलाकमाय एक शमरोनी बायकू पाणी भोरनेन आवी. यीशु तीह केयेल, “माहु पाणी पिवाड.”

⁸ काहाकाय तान चेला तर नगरात जेवण वेचातो लेणे केरता जाईल एता.

⁹ ती शमरोनी बायकू ताह कियेल, “तू यहूदी असून मी शमरोनी बायकू फायरीन पाणी का मांगतेन हि” काहाकाय यहूदीयान शमरोनी बरोबर काल्लूच प्रकारचा व्यवहार केरतीन नाहं.

¹⁰ यीशुन उत्तर आपील, “जर तू बोगवानान दान ओलखणेस, एने ज्याह पुण ओलखणेस कि तो कूण हि जो तुवाह किथी हि, माहु पाणी पिवाड, तर तू तान फायरीन मांगेल, एने तो तुवाह जीवनाम पाणी आपुह.”

¹¹ बायकू नी ताह कियील, “हे प्रभु, तुवा फाय तर पाणी भोरणे केरता कायीच नाहं, एने वावडी उंडो हि; तर ओवतो तारो उगे जीवनाम पाणी कारीन आवा?”

¹² काय तू आमारो आबोक याकूब पेक्षा मोठू हि, ज्यान आमूह हि वावडी आपील; एने तुमूह आपणी सोरा, एने आपणो पशु बरोबर यामारीन पियील?

¹³ यीशु ताह उत्तर आपील, “जो कूण ज्यो पाणी पिय ताह पोशा तीह लागी,

¹⁴ पुण जो कूण ज्या पाणी मायरीन पिईल जे मी ताह आपण्यू, तो शेवेट च्या कालो ताहवोर; तिह्ल्यो एय नाहं; नापून जे पाणी मी ताह आपुहू, तो तामाय एक एर बोणीन जाह कि अनंत जीवनान केरता उकलतालो पाण्यान झिर इही एय.”

¹⁵ बायकूने ताह कियील, “हे प्रभु ते पाणी माहु आप काहाकाय हु तीह लागणार नाहं एने पाणी भोरनेन कोलाकामाय सेटो आवी.”

¹⁶ यीशु ने तीह कियील, “जा तारा एदम्या हादिन लाव.”

¹⁷ बायकूने उत्तर आपील, मी शिवाय एदम्यान हि “यीशु ने तीह कियील, तू बरोबर किथी हि, मी बिना एदम्यान हि.”

¹⁸ काहाकाय तू पाच लाडहेक बोणाविल हि, एने ज्यान आहने तू रेथे हि तो पुण तारो एदमी नाह सोतो तू खेरीच कियील हि.

¹⁹ बायकूने ताह कियील, “हे प्रभु, माहु लागीह कि तू भविष्यवक्ता हि.

²⁰ आमरा पूर्वज ज्याच बोयडापुर भक्ति उपासना भजन केरील, एने तुमु केतेह का ती जागा तां भजन केरणे जुवी यरूशलेम माय हि.”

²¹ यीशु तीह कियील, “हे बायकू, मारो वातू उपेर विश्वास केर का ती जिच टाइम हि कि तू नाहं आवो डोंगर उपेर आबाकने भक्ति केरणेन, नाहं यरूशलेमत.

²² तुमूह ज्याह नाहं ओळखतेह, तान भक्ति केरणू; एने आमु ज्याह ओळखणे तान भोक्ताहा करने; काहाकाय उद्धार यहूदीयान विचमायरीन हि.

²³ पुण तो समय आविह, एने ऐवी भी हि, जामाय खेरा भक्त पितान आराधना आत्मा माय एने सच्चाई माय केरती, काहाकाय पिता तानकेरीन ओहलाच आराधना केरणाराह होदिह.

²⁴ बोगवान आत्मा हि, एने गर्जेन हि कि तान भक्ति केरणारा आत्मा एने खेरो उपासना केरणू.”

²⁵ बायकूने ताह कियील, “माहु मालूम हि कि मसीह जो यीशु मसीह कियील जाथू, आवणार हि; ताहेरया तो आवी, आमूह आखा वातू केयीन आपुह.”

²⁶ यीशु ने ताह कियील, मी जे तारो हेरी बोलीह हि तोच हि.

चेलान वापसी

²⁷ तोलाख माय तान चेला पोशा आवा, एने आश्चर्य केरणे लागिल कि तो बायकू हेरी वात केरतीन हि; तेभी कायीच फुसील नाहं, “तुवाह काय जुवी?” एने “कायतान केरता तीन हेरी वातू केरतीन हि?”

²⁸ तेवी बायकू आपणी घागर सोडीन नगरात निकलीन गीयी, एने माणहाह केणेंन लागिल,

²⁹ आवो एक माणहा ला देखू, ज्यान आखा काही जे मी किरील ते माहु केयीन आवेलकेदिह जोस तर मसीह नाहं?

³⁰ सेवट ते नगरामरीन निकलीन तान आहने आवणे लागिल.

³¹ ज्यान माय तान चेला यीशुला हि विनंती केरील, “हे गुरुजी, काही खाइल ले.”

³² पुण तान ताह केदा, “माहुफाय खाणेन केरता इही जेवण हि ज्याह तुमूह ओळखतेह नाहं.

³³ तेवी चेला आपसामाय केया, काय कूण तान केरता कूण खाणेन लेईन आवा हि?”

³⁴ यीशु ने ताह कियील, “मारा जेवण ज्याच हि कि माहु मोकलणारा च्या ईच्छा नुसार चालू एने तान काम पुरो केरूह.”

³⁵ काय तुमूह नाहं किथी, “काटणी एणेन केरता चार मोरना बाकी हि देखू, मी तुमूह किथे, आपणा डोला उगडीन खेत उगे दृष्टी देखू का ते कापणी केरता पाकीन गीया हि.

³⁶ काटणी केरणाराहा मोजरी जोवतेहे एने अनंत जीवनान केरता फळे जोमा करने, कारण पेरणार एने कापणी केरणार दुयू मिलिन आनंद केरूह.

³⁷ काहाकाय न्या हि म्हण बरोबर बुहही हि: पेरणी केरणार एने उन्जू हि काटणी केरणार उन्जू;

³⁸ मी तुमूह ते खेत काटण्या केरता मुकलेल ज्यामाय तुमूह काम नाहं किरील: दिहरान मेहनत एने तुमूह तान मेहणतीन फोलवामाय भागीदार एनो.”

शमरोनीन विश्वास केरणेन

³⁹ एने ता नगरामाय जादा ओला शमरोन्यांनी ता बायकून केणेन केरता यीशु उपेर विश्वास किरील; काहाकाय ती ने हि गवाही आपील एती; ती आखा काही जे मी किरील हि, माहु केईन आपील.

⁴⁰ ज्ञान केरता ताहेरया ते शमरोनी ताफाय आवा, तर विनंती केरणे लागिल कि आमरा फाय रीवू सेवट तो ताआ दुय दिह ताहुकवोर रेणू.

⁴¹ तान वचनमाय कारणांनी एने जादा जाणाह विश्वास किरील.

⁴² एने ता राती ला केयेल, “ऐवी आमु केणेसेच विश्वास किरील नाहं केरतीन; कारण आमु तारीच कानून होयलू लीईल, एने ओळखथू आवी कि हा खेरी खेरीच जगान उद्धार केरथू हि.”

⁴³ ओवतो ता दुय दिह ओवतो तो निकलीन गलीलामाय गीयो.

⁴⁴ काहाकाय यीशु आपणीच गवाही आपील कि भविष्यवक्ता आपणो देशाम आदर नाहं जुडणे.

⁴⁵ ताहेरया तो गलीलामाय आवा, तर गलीली आनंदिसे ताह मिलना; काहाकाय जोला कामे तान यरूशलेमत पूर्वीवालो टायीमा किरील एता, तास आवो आखान देखील कारण ते पुण पूर्वी गीया एता.

राजान कर्मचाऱ्यान सोराह होजो केरणेन

⁴⁶ तेवी तो पोशा गलीलान कानामाय आवा, जाहरी तान पाण्यान अंगूररस बोनाईल एतो तिथ कूण राजान एक कर्मचा-यान आवा एतो ज्यान सोरो कफर्णहुमामाय दुखारया एतो.

⁴⁷ तो हे एय कि यीशु यहूदीयान तारीन गलीलामाय आवीन गीयो हि, तान आहने गीयो एने ताह विनंती केरणे लागिल कि जाइन मारो सोरा हाजो केरणू; काहाकाय तो मोरणाह टेकणे एतो.

⁴⁸ यीशु ताह केयेल, “जो ताहुकवोर तुमूह चिन्ह एने अद्भुत कामे नाहं देखणार तो ताहुकवोर, केवी तेभी विश्वास केरुहू नाहं.”

⁴⁹ राज्यान कामकेरणारे ताह केयेल, “हे प्रभु सोरान मृत्यू एने पेल चाला.”

⁵⁰ यीशु ताह केयेल, “जा, तारो सोरो जीवतालो हि” ता माणहान कियील तो वातून विश्वास केरीन निकलीन गीयो.

⁵¹ तो वाटीच एतो तान दास ताह आवीन जुडील एने केणेंन लागिल, “तारो सोरो जीवतालू हि.”

⁵² तान ताह फुसील, “कायताहा टायीमा तो हाजो एहू लागिल?” तास ताह कियील, “काल सातवो टाईमान तान ताप उतरना.”

⁵³ जेवी पिता होमजाडीन लीईल कि ते ज्योच वेलान एय गीयो, कि यीशु ताहा कियेल, “तारो सोरो जीवतालो हि, एने तान एने तान आखा घेरल्या विश्वास किरील.

⁵⁴ हा दिहरो आश्चर्य काम एता जे यीशु ने यहूदिया मायरीन आवीन गलीलामाय आवा.”