यूहन्ना 10 - नाहाली

गोवाल एने मेंढरान वार्ता

¹ यीशु ताह कियील, “मी तुमु खेरीज किथे, जो मेंढराह वाडाम बायनामाय माय जात नाह. एने दिहीरा बाजूने माय जाथू, तो चोर एने लुटणार असतो.

² पुण जो बायनामाय माय जाथू तो मेंढरे चालनारू असतो.

³ तान केरता द्वारपाळ बायणो उगाडणे, एने मेंढराह आयेडने एने तान आवाज होमेलनू तो मेंढराह नाव लीन आयेडने एने ता बाहेर लीन जाणे.

⁴ तो आपणो आखा मेंढराह ताहेरया बाहेर काडीन, तेवी तान ओगाण ओगाण तो चलील, एने तान मेंढरे तान पासाण-पासाण चालतो रेणू, कारण ते तान आवाज ओलकतेह.

⁵ मेंढरे काल्लोबी एजानल्यो ला देखीन, तान तानगेत केरतीन नाहं ते तापुररीन सेटो जातेह कारण ते ता एजानल्यो आवाज ओळखतेह नाहं.”

⁶ यीशु ने ताह हा वार्ता आपील, पुण ते होमजू शकले नाहं कि यीशु काय किथी हि.

यीशु हाजालो गोवाल

⁷ तेवी यीशु ताह पोशो केदा, “मी तुमूह खेरो किथी हि, कि मेंढरा केरता बायणो मी हि.”

⁸ ता आखा मारो पेल आवा एता, ते चोर एने चोरटा एता पुण मेंढरा तान होमलील नाहं.

⁹ मी बायणो हि; एने जो कूण मारोत प्रवेश करने तर तान उद्धार एय एने आहने आवी एने बाहेर जाहो एने ताह खाणेन जुडी.

¹⁰ चोर आवथू तो तो फक्त चोरी, खुन एने खेतेम केरणेन केरता आवथू पुण मी तान केरता आवा हि कि माणहे जादा जीवन जीवहु शकेल.

¹¹ “हाजो चालनारू मी हि, हाजो चालनारू आपणो मेंढरा केरता जीव आपुह शकणे.”

¹² पुण भाडान नौकरा तो चारणार नाहरेने एने मेंढरे तान स्वताहन नाह सोता ताहेरया किइल आविह तो ताह देखीन पोडीन जाथू एने मालक्यान मेंढ्यापूर झेडपे टाकीन ताह दाणाफाण करने.

¹³ नौकराना हीन जाथू कारण तो मालक्यान हि कारण ताह मेंढरान कालजी नाह सोती.

¹⁴ हाजो चालनारू मी हि; आपणो मेंढराह मी ओळखणे एने मारी मेंढरे माहु ओलकतेह.

¹⁵ तोहोलोच ओलकतेह जोहलो परम आबोक माहु ओळखणे एने मी परम पिताला ओळखणे मारो मेंढरा केरता मी जीव आपथु.

¹⁶ मारी उंजू मेंढरे हि जी ज्या टोळमाय नाहं माहु ताह पुण लीन आवही ते पुण मारी आवाज होमलती एने आवो टोलाम आवीन एक एय ओवतो आखान एकुच चालनारू एती.

¹⁷ परम आबोक माहु जानकेरता प्रेम करने कि मी आपणो जीव आपथु मी आपणो जीव आपथु जानकेरता कि मी ताह पोशो पोशा लेहु शकणे हा माफायरीन कूण लेहु शकत नाहं.

¹⁸ पुण मी स्वताह मारो ईच्छा आपतेन हि तो माहु आपणेन अधिकार हि हा आज्ञा माहु मारो परम आबोक फायरीन जुडना हि.

¹⁹ ज्याह शब्दामुळे यहूदी अधिकारी माय एक उंजू फुट पुडील.

²⁰ मोकताज केहू लागिल, “हा देड एनो हि ज्यामाय दुष्ट आत्मा ने वास किरील हि, एने तो गांडो हि; तुमूह यान का होमलने?”

²¹ काही दिहरा माणहे कियेल, “हे शब्द एखादो ओहला माणाहान एहू शकत नाहं कि ज्याह दुष्ट आत्मा माय वास किरील हि. निश्चय हि कूण दुष्ट आत्मा लागिल कूण आंधल्हा डोला आपुह शकत नाहं?”

यहूदीन अविश्वास

²² ओवतो यरूशलेमा माय पुण: तियारकेरणे तिवार आवा एतो एने ते दिह हियायान एता.

²³ यीशु मंदिरामाय सुलेमानाह बोगवानानडीन आहने फिरीन एतो.

²⁴ तेवी यहूदी अधिका-यान ताह घेरलेना एने कियेल, तू आपणो मोन कुलबूखिवोर संशयामाय पोडही, जर तू मसीह हीच तर आमूह उघड केवो.

²⁵ यीशु उत्तर आपील, मी तुमूह कियील हि एने विश्वास केरतीन नाहं जे कामे मी मारो आबाकने नावान करने याम तो स्वताह गवाही हि.

²⁶ पुण तुमूह माणहे विश्वास केरतीन नाहं कारण तुमूह मारो मेंढ्यामायरीन नाहं.

²⁷ मारी मेंढरे मारो आवाज ओलकतेह एने मी ताह ओलकतेह ते मारो पासाण आवते.

²⁸ मी ताह अनंत जीवन आपथु तानकेरीन केधीच नाश एय नाहं एने कूण ताह माफायरीन साडाळीनि लेहु शकत नाहं.

²⁹ माहु तां पोर हक्क आपणार मारो परम आबोक आखारीन महान हि मारो आबापुररीन ताह कूण सांडाळीन शकत नाहं.

³⁰ मारो आबुक एने मी एक हि.

³¹ ओवतो यहूदी अधिका-यान यीशुह मारणे केरता दिगुड उखीलील.

³² यीशु ने ताह कियील, आबापुररीन मी तुमूह मोकता हाजो काम देखाडणे हि तामायरीन कायताहा कामान केरता तुमूह माहु दिगुड देतेह हि?

³³ यहूदी अधिका-यान उत्तर आपील, आमु तुवाह काल्लोबी हाजो कामान केरता डीगुडदी केरतीन नाहं तर तान केरता केरुहू हि कि तू बोगवानान निंदा केरतीन हि एने तू फक्त एक माणुह हि, स्वताह बोगवान जाही केरणू केरता हि.

³⁴ यीशु ताह उत्तर आपील, काय हे तुमरो व्यवस्था माय लेखील नाहं कि, मी कियील कि तुमूह आखा बोगवान हि.

³⁵ जाह बोगवानान वचन जुडणो जर ताह बोगवान केदा ते पवित्र शास्त्रान भंग इत नाह

³⁶ ते ज्याह मारो आबुक पवित्र ठराविन जगाम मोकलील हि, तू निंदा केरणे केवळ जानकेरता कि कियील मी बोगवानान सोरो हि.

³⁷ जर मी मारो आबाकने काम केरतीन नाहं तर मारो विश्वास केरू मा.

³⁸ पुण जर मी मारो आबाकने कार्य केरतीन हि तर जर तुमूह मारपुर विश्वास केरतीन नाहं तर ता कार्यामाय हि विश्वास केरू जापोर तुमूह हे अनुभव केरूह शकतेहे एने ओलखु शकता कि मारो आबुक कुणबी हि एने मारो आबाक माय मी हि.

³⁹ जापोर यहूदयान ताह बोन्दि बोणावणे केरता इकवारी पोशो प्रयत्न किरील पुण यीशु तान तान आथा मायरीन निकलीन गीयो.

⁴⁰ यीशु ओवतो यार्देन च्या पुरलेउखीर ता जागे चालते गीयो, जाहरी देखील यूहन्ना बाप्तिस्मा आपतालु एतो, यीशु ताहरी थोबील.

⁴¹ जादा माणहे ताहेऱ्यो आवा एने ताह कियेल, “यूहन्ना ने जुलुम आश्चर्य कामे केरील नाहं, पुण ज्याह व्यक्तीनबाराम यूहन्ना ने जे कियील एता, ता आखा खेरीच निकेलना.”

⁴² ओवतो ताजागेन जादा माणहान यीशुवर विश्वास किरील.