याकुब 2 - नाहाली

पक्षपातान विरुद्ध चेतावणी

¹ हे मारा बायहो, आमरा महिमाशाली प्रभु यीशु मसीहापूर तुमरो विश्वास पक्षपाताहोस नाय जुवी

² काहाकाय जर एक माणहे बेनाआ मुंदी एने हाजी फाडका पेरील तुमरो सभा माय आवा, एने एक कंगाल पुण मळीन सोडातोडा इयील कपडे पेरील आवा,

³ एने तुमूह ता हाजी वस्त्रिनाल्याला मूय देखीन केवो, “तू ता हाजाला जागीपोर बोह” एने ता हाकी किजी, तू याज उबरील रीवू, “केध्दीह मारो पाया आहने बोह.”

⁴ काय तुमूह आपसामाय भेदभाव नाहं किरील एने वाईट फुसणे न्याय केरणारा नाहं ठेरना?

⁵ हे मारो प्रिय बायहो, होमलू. काय बोगवानान आवो जगातल्या कागाला नाहं निवाडील कि विश्वासामाय धनवान एने ता राज्यान अधिकारी होव, ज्यान शपथ तान ताह केरील हि जे तापोर प्रेम केरणू?

⁶ पुण तुमूह ता गरीबान अपमान किरील. काय धनवान माणहे तुमरे पोर अत्याचार नाहं केरतीन एने काय ज्याच तुमूह न्यायलाय खेचतेन खेचतेन नाहं लेईन जात?

⁷ काय ते हाजो नावान निंदा नाहं केरतीन ज्यान तुमूह कोलिक जातेह?

⁸ तेभी जर तुमूह पवित्र शास्त्रान आवो वचनमाय नुसार कि, “तू आपणो शेजाऱ्यावर आपणो हारका प्रेम केर” खेरी खेरीच ता राज्य व्यवस्थाह पुरो केरणू तर हाजे. केरणू.

⁹ पुण जर तुमूह पक्षपात केरणू तर पाप केरणू; एने व्यवस्था तुमूह अपराधी ठरिनितो.

¹⁰ कारण कि जोकोन आखा व्यवस्था पोहणे केरणू पुण एकुच वातू माय चुकीत जाह तर तो आखा वातू माय दोषी ठेरावील गीयो हि.

¹¹ ज्यानकेरता तान केरता हे केयेल, “तू व्यभिचार केरूह मां” ताणुच हे पुण केयेल, तू हत्या केरूह मां, याह्या केरता केध्दीह ताआ व्यभिचार नाहं किरील पुण हत्या केरील तेभी पुण तू व्यवस्था चे उल्लघन केरणार ठेरणू.

¹² तुमूह ता माणहान हारका वचन वातू एने काम पुण केरू, ज्यान न्याय स्वातंत्र्याच्या व्यवस्था नुसार एय.

¹³ कारण कि तान केरता दया नाहं, केरील तान न्याय बिना दयेने एय: द्या न्यायावर विजय पावनारो.

विश्वास एने काम

¹⁴ हे मारो बायहो, जर कूण केहू कि माहु विश्वास हि पुण तो क्रिया केरीत नाहं, ते तासे काय फायदो? काय ओहलो विश्वास केधी तान उद्धार केर सकीह?

¹⁵ जर कूण बाहाक बोणिक भोंगळे उखडे रेती एने ताह खाणेन कोमी रेय,

¹⁶ एने तुमरे मायरीन ताहा एखादो केय, “शान्ति से जाओ, तुमु गरम रेवो एने आफरीन रेवो” पुण जी वस्तून ताह डीलान केरता गरज हि ती ताह नेय आपी ते काय फायदो?

¹⁷ तोहोलोच विश्वास पुण, केध्दीह क्रिया हेरी नाहं रेंय तर आपणो स्वभावा प्रमाणे मोरील हि.

¹⁸ एने कूण केय सकीह, “तुवाह विश्वास हि एने मी क्रिया केरूह. तू माहु तार विश्वास क्रिया बिगेर देखाड; एने मी मी मार विश्वास क्रिया द्वारा तुवाह देखाडूह.

¹⁹ तुवाह विश्वास हि का एकुच बोगवान हि; तू हाजो करने; दुष्ट आत्मा भी विश्वास मीलनु, एने थुर-थुर केरणू.”

²⁰ पुण हे रिकामा माणुह, काय तू ज्यो नाह जाणीत काय क्रिया बिगेर विश्वास व्यर्थ हि.

²¹ जेवी आपणो आबुक अब्राहाम तान सोरा ईसाहाकाह वेदी पोर चेढाविल, ते तो विश्वास से धार्मिक नाह ठेराणू का?

²² ताहेरया आपणो विश्वास आबोक आपणो सोरो वेदीवर चटविलो, तर तो काय कामांन विश्वास नाहं ठेरेल?

²³ एने पवित्र शास्त्रान ज्यो वचन पुरो एनो: “अब्राहामने बोगवान पुर विश्वास किरील, एने धार्मिकता माय मोजाय गीयो; एने तो बोगवानान दोस्त केवाय,

²⁴ तुमु देख लेदा का माणुह फक्त विश्वास से नाह, पुण कामा से भी धर्मी ठेरिह.

²⁵ तोहोलोच राहाब भी, दूता आपणा घेराम उतारील एने दिहरी वाटीरीन मोकलील, तो काय ओहला कामा केरीन धार्मिक नाह ठेरील.

²⁶ एने जीही डील आत्मा बिगेर मोरील हि, तिहिज विश्वास भी क्रिया बिगेर मोरील हि.”