गलातीयो 4 - नाहाली

¹ मी जो किथे कि वारिस जेविपूर सोरो हि, जर तो आखा वस्तून मालक हि, तेभी पुण तामा एणेन दास कायीच फरक नाह.

² पुण आबाकने ठेरिनील ताय्मापूर ताह काही कारभारी एने मास्तरान स्वाधीन रेणेन हि.

³ तोहोलोच आमु पुण, ताहेरया सोरो एता, तेवी जगातील देखील हिकाडणे केरता स्वाधीन एईन दास बुणील एता.

⁴ पुण ताहेरया काळ पुरो, एनो ता बोगवानान आपणो सोरा मोकलील जो बायकू पासून जन्मूला, एने व्यवस्था स्वाधीन उत्पन्न एनो,

⁵ म्हणजे व्यवस्था स्वाधीन हि ताह वेचातो लीन वोचाडीन, एने आमूह वारिस ला हक्क जुडील हा उदेश एतो.

⁶ एने तुमूह जे सोरो हि, तामुळे बोगवानान सोरान आत्माह, जो हे आबा, एने हे आबुक इही केयीन आयेड देणे. आपणा हृदय मा मोकलील हि

⁷ तामुळे तू ऐवी दास नाहं, पुण सोरो हि; एने ताहेरया सोरो एनो, तर बोगवानान द्वारे वारिस पुण एनो.

गलीतियोन विषयमा पौलुसान चिंता

⁸ पेल्ला तुमूह बोगवानान ओलेख नाहां एती केरीन तुमूह तान दास एता जो स्वभावावजेसे बोगवान नाहं,

⁹ पुण ऐवी ज्या बोगवानान ओलखिन लीईल हि, ओलख नाहं तर बोगवानान पुण तुमूह ओलखिन लीईल, तर ता निर्बल एने बिगरकामा पेल्ला शिक्षान वातुहू काहा फिरुणु, जीन तुमूह पोशा दास बोणावूहु इच्छिमाय?

¹⁰ तुमूह दिहाह मोहिनाहा नेमल्यामाय टायमा एने वोरहया होमोलनु.

¹¹ मी तुमरो विषयातमाय बिन्हे कां, इही एणेन मां कि जी मेहनत मी तुमरीकेरता केरील हि ती वाया ठेरणार.

¹² हे बायहो, मी तुमूह विनंती करने, कि तुमूह मारो सारकोस बना; काहाकाय मी पुण तुमरीगेत एईन गीयो हि; तुमूह मारा कायीच बिघडावीत्लो नाहं.

¹³ पुण तुमूह मालूम हि कि पेलूच मीच शरीरान निर्बल तान वजेसे तुमूह सुवार्ता आपील.

¹⁴ एने तुमूह मारो शारीरिक स्थितीला जी तुमरी परिक्षाए, काहाकाय ठर्विल्यो तुमूह तुच्छ समजील नाहं; एने धिक्कार पुण किरील नाहं एने बोगवानान दूत तर स्वताह यीशु ख्रीस्तासारखे माहु ग्रहण किरील.

¹⁵ तर तो तुमरो आनंद केरणेन कां गीया? मी तुमरो गवाह हि कि शक्य एय गीयो हि तर तुमरो डोलो पुण माहु काडीन आपील येतो.

¹⁶ तर काय खेरीच केयेलकिरीन मी तुमरो वैरी एनो हि काय?

¹⁷ ते तुमूह हेरी बोणावणे मागिल, खेरो पुण हाजो उद्देशाने नाहं; पुण तुमूह आलेग केरणेन केरता हे केरतीन हि कि तुमूह ताह हेरी बोनाडीन ली.

¹⁸ पुण हे पुण हाजो हि कि हाजो वातीमाय सदा कायम हेरी बोनाडणे प्रयत्न केरणे जुवी, नाहं तर ताहेरया मी तुवाहेर्यो रेणे तेविरीन केरुहू.

¹⁹ हे मारो सोरारे, जेवीवोर तुम्रेमाय मसीहान रूप बोणावूह नाहं, ताहउर मी तुमरीकेरता पोशा प्रसुती वेदनाहोस तारास खेटेहे.

²⁰ ईच्छा तर ओहलो एता कि ऐवी तुमरेहे-यो आवीन दिहरान प्ररकारान बोलहू, कारण तुमरेबाराम मी बुचकळ्यात पडनु हि.

सारा एने हाजिरान उदाहरण

²¹ तुमूह जे व्यवस्था स्वाधीन एहू इच्छिमाय, तर माहु केवो, काय तुमूह व्यवस्था होंबलेह नाहं?

²² हे लिखील हि कि अब्राहामाह दुय सोरा एय गीयो; एक दासी पासून एने दिहरो हाजो बायकू पासून.

²³ पुण जो दासिहीदेखू एनो, तो शारीरिक रीतीमाय जेन्मोलेदो; हि एने जो हाजो बायकू पासून जन्मूला, तो प्रतिज्ञा माय.

²⁴ जी वातू माय वार्ता हि: आवो बायकू म्हणजे दुय वाचा हि, एक तर सियोन डोगों जीह दास उत्पन्न ऐतेह; एने ती हागार हि.

²⁵ एने हागार जिहकाय अरबान सियोन डोंगर हि, एने आधुनिक यरूशलेम सारखी, हेपोन ती आपणो सोरा हेरी गुलामामाय हि.

²⁶ पुण उपेर ने यरूशलेम स्वतंत्र हि, एने ती आमरी आहाक हि.

²⁷ काहाकाय लेखील हि, “हे वांझ, तू ते नाह जणणे आनंद केर; ज्या तुवाह तारास एता नाहं, गेलु खलिते जयजय केर; कारण सोडील ने सोरो एदमी वालीह बायकूने सोरारीन मोक्तास हेते.”

²⁸ हे बायहो, आमु ईसाहाक होस प्रतिज्ञान सोरा हेते.

²⁹ एने जोहलो तीबोखे शरीराप्रमाणे जन्मलेला आत्मापरत जन्मलीईल वेखडणु केरीन एता, तोहोलोच ऐवी पुण एता हि.

³⁰ पुण पवित्र शास्त्र का किथी हि? “दासी एने तीन सोरा काडीन आप, काहाकाय दासीचा सोरो हाजो बायकू च्या सोरा हेरी वारिस एय नाहं.”

³¹ तान केरता बायहो, आपु दासीन सोरा नाहं तर हाजो बायकू चे सोरा हेते.