गलातीयो 2 - नाहाली

दिहरा प्रेरिता द्वारा पौलुसाह मान्यता

¹ चोवदा वर्षा ओवतो बरनाबस हेरी पोशा यरूशलेम गीयो, एने तीतुस हा पुण हेरी लेईन गीयो.

² मारा जाणू बोगवानान प्रगटी कियील प्रमाणे एय गीयो; एने जी सुवार्ता मी दिहरी जातीयान माय पोरचार करने, मी ताह केईन आपील, पुण एखलुज ताह जाणू जे मोठा होमजाडणे एता ते, काहाकाय इही होवो कि मारो ज्या समयान एने पासाणल्यो दोव्डणो व्यर्थ ठराय.

³ पुण तीतुस भी जो मार हेऱ्यो इतू एने तो यूनानी हि, खतना केरणे केरता भाग पाडील नाह.

⁴ पुण जो जुठा बायहोन कारण सर एनो जा चोराये रिग जायील एता, कि ती स्वतंत्रता जी महिमा यीशु माय आपुह जुडील हि, जान लीन आपुह दास बोणावी.

⁵ एक वेल तान आमु तान अधीन एनो नाहं, जानकेरता कि सुवार्ता ची खेरोपणा तुमूहहु माय बोणावीन रेंय.

⁶ ओवतो ते माणहे जे होमजाडीन लेती (ते केवी पुण ओहलो खतना याहेर्यो कायीच काम नाहं; बोगवान पक्षपात करत नाहं) ताहे-या जे काही समजील जात एता, माहु कायीच नाहं प्राप्त एय गीयो.

⁷ पुण ज्ञान व्यतिरिक्त ताहेरया तास देखील कि जोहलो केरिनलीईल माणहा केरता सुवार्तेचे काम पतरसाला ताह देखाडील, तोहोलोच खतनान केरणाराह माहु दिहरी जातीन सुवार्ता होमलने ता होपील.

⁸ कारण तान केरता पतरसाची खतना केरील गीया मुळे प्रेरितान कार्य वोदीह प्रभाव हातेच केरीन लीईल, तास मारो हेरी पुण दिहरी जातीयान माय प्रभावशाली कार्य केरीन लीईल,

⁹ एने ताहेरया तास ते कृपा दान जे माहु जुडील, ओलखिन लीईल जो याकूब, एने कैफा, एने यूहन्ना जे मोडली खांबे मानना जात एता, माहु एने बरनाबसला संगतीचा जेवल्यो आथ आपील कि आमु दिहरी जातीयां माय जाणे एने ता खतना किरील माय जाणे;

¹⁰ फक्त ज्यो कियील का आमु गरीबान जाणीन, एने ज्या कामाह केरणेन मी भी विचार केरतालु.

पौलुस द्वारा पतरसान विरोध

¹¹ पुण ताहेरया कैफा अन्ताकियान आवा, तर मी तान मुयापूर तान सामना किरील, कारण तो दोषी ठेरेल एतो.

¹² ज्यानकेरता कि याकूबा फायरीन काही माणहे आवणारा पेल्ला तो दिहरी जातीयां हेरी खाणे एतो, पुण ताहेरया ते आवा तर खतना किरील माणहाह बियीन तो माघार लीईल एने आलेग गीयो.

¹³ एने ताहेर्या बाकी यहूदी भी कपट किरील, न्यावोर का बरनाबस भी तान कपट माय पोड गीयू.

¹⁴ पुण तेवी मी देखू कि ते सुवार्ताच्या खेरो पणाने वागणे नाह एता, तर मी आखा ओगाण कैफाला कियील, “जेवी तू यहूदी असून तू दिहरी जातीयां सारकोस वागणे हि एने यहूद्यान सारकोस नाहं तर तू दिहरी जातीमाय यहूद्यान सारकोस चालणे का लागाडणे?”

विश्वासान द्वारा धर्मी ठहरणू

¹⁵ आमु तर जन्मा जागेरो यहूदी हेते, एने पापी दिहरी जातीयान मायरीन नाहं.

¹⁶ तेभी पुण हे होमजाडीन कि माणुह शास्त्रामाय कामानी नाहं, पुण केवळ यीशु ख्रीस्तावर विश्वास करीन द्वारे खेरो ठेरेल हि, आमु पुण यीशु मसीहा उपेर विश्वास किरील कि आमु शास्त्रामाय कृत्यांनी नाहं, बोगवानापोर विश्वास मेकील कारणाने खेरो ठेरहू; कारण कि व्यवस्था कृत्य कुणबी माणुह प्राणी धार्मिक ठेरणार नाहं.

¹⁷ आमु जे मसीहा माय खेरो ठेरहू इच्छिमाय, केध्दीह तुमुच पापी निकेलना तर काय यीशु मसीह पापाहा दास हि? केदिमेदी नाहं!

¹⁸ काहाकाय जे काही मी बुंदे पाडील केध्दीह ताह पोशा बोणावूह, तर ताह अपराधी ठेरिनेल.

¹⁹ मी तर व्यवस्था द्वारे व्यवस्था केरता मोरीन जाईल कि बोगवान केरता जीवहु.

²⁰ मी मसीहा हेरी क्रुसांपोर सोडवियू गीयो एतो, ऐवी मी जीवतालू रेणू नाहं, पुण मसीह कुणबी जीवतालो रेंय; एने मी शरीराम जीवतालू हि तर कारण ता विश्वासाआ मुळे जो बोगवानान सोरान प्रेम केरील, एने मारो केरता जीवाह आपील आपुह.

²¹ मी बोगवानान कृपाह वाया ठेरावीन नाहं; कारण केध्दीह व्यवस्था द्वारे धार्मिकता वोदीह, तर मसीहा चे मरण वाया एय गीयो हि.