कुलुसी 4 - नाहाली

¹ एय मालिक, तुमु आपणो दासा हेरी योग्य व्यवहार केर, ज्यो सोमजीन का स्वर्गाम तुमरो पुण मालिक हि.

काहिक व्यवहारान सेलाह

² प्रार्थनाम कायम लागिन रीवू, दाडीन बोगवानान धन्यवाद केरतीन रीवू;

³ तान हे-योच आमरे केरता पुण प्रार्थना केरतीन रीवू जानकेरता कि, बोगवान आमूह आपणो संदेशाला पोरचारासाठी तोहोलोच मसीहान ओलखातम रहस्यपूर्ण खेरो प्रिनचनाचा पोरचारासाठी टाइम जुडील काहाकाय ज्यानकेरता मी बोन्दिखाणामाय हि.

⁴ प्रार्थना केरू कि, मी ताह ओहला साफ शब्दाम बोलतालू आवु कि जोहलो माहु बोलणेन जुवी.

⁵ अवसराह मौल्यवान सोमजी बाहेरिनाला हेर्यो बुद्धीमानीकेरीन बर्ताव केरू.

⁶ तुमरो वचन दाडीन अनुग्रह एय एने तुमरो ज्ञान वोदनेह जानकेरता तुमूह सोमजीन लेजी कि कोणीही केवी उत्तर आपणेन हि.

आखरी अभिवादन

⁷ प्रिय बाहाक, एने विश्वासु दास, तुखिकुस, जो बोगवान माय मारो सहकर्मी हि, मारी आखी वातू तुमूह केय देय.

⁸ मी ताह तुमरीकेरता ज्यानकेरता मोकलथू कि तुमु आमरी दशा मालूम एय जाय एने तो तुमरा मोनाह शान्ति आपी.

⁹ मी आपनेमाय विश्वास तोहोलोच प्रिय बाहाक उनेसिमुसला हातान हे-या मोकेलतेन हि जो तुमरोमायवालो एक हि; ते न्या जे काय एता हि ता आखा तुमूह केतील.

¹⁰ अरिस्तर्खुसाह, तुरुंगामाय तो मारहे-या रेणू, होयातोच बरनाबस चा बाहाक मरकुस चा तुमूह नमस्कार (तान विषयाम तुमूह आज्ञा जुळा विते हि कि जर तुमरेहे-यो आवा तेवी तान स्वागत केरू),

¹¹ यूस्तुस केयेल जाथूकाय यीशुन पुण, तुमूह नमस्कार पोचाडीदे. यहूदी विश्वासी खतना माहुमाय फक्त जोस बोगवानान राज्यान केरता मारहे-या काम केरतीन हि हे मारकेरीन आनदान भाग हि.

¹² इपफ्रांस, चा पुण तुमूह नमस्कार तो तुमरेमायलो एक हि एने मसीह यीशुन दास हि, तो कायम तुमरीकेरता क्लेश लीन तुमरे केरता सतत प्रार्थना केरतीन हि, कि तुमूह अध्यात्मिक रुपान पुरो बोणावीन विकास केरतीन रीवू तोहोलोच विश्वास पूर्वक बोगवानान ईच्छा नुसार केरतीन रीवू.

¹³ मी तान गवाही हि कि तो तुमरीकेरता एने लौदीकिया तोहोलोच हिस्रापुलीस च्या रेडनेनकेरिन मेहनत केरतीन हि.

¹⁴ प्रिय वेद्य लूका तोहोलोच देमास पुण तुवाह नमस्कार. किथी हि.

¹⁵ लौदीकिया माय रेणारा बायाक, तोहोलोच नमुफ्रास एने ता कलीसियान जे तान घेराह जुडील जात हि नमस्कार पोचाडीदे.

¹⁶ एने देखू, पत्र ताहेरया तुम्राओगाण वोचील जाहो, तेवी ज्याह वातूह निश्चिय केरीन ली कि ज्यान लौदिकीयाच्या कलीसियात पुण वोचील जाणे, एने लौदीकिया उगेरीन तुमूह पत्र जूळनू ज्या तुमूह पुण वाचीन लेजी.

¹⁷ आर्खीप्पाला पुण केवो कि तो ज्याह वातूह लक्ष्य आप कि प्रभु माय जी सेवा ताह आपील गीयी, ती सेवा निश्चयाने तान पुरो केरावी.

¹⁸ मी पौलुस मार आथा केरीन लेखील नमस्कार. माहु हाक्ली केरीन बांध मेल्याह तान इर मीलज्यू. तुमरे पोर बोगवानान कृपा रेंय. आमेन.