कुलुसी 2 - नाहाली

¹ माहु लागीह का तुमु जीवात जाण लिवू का मी तुमरीकेरता एने तान केरता जां लौदीकिया माय हेते, एने ता आखान केरीन जां मारो शारीरिक मूय नाह देख्या, मी कोहली मेहनत केरथू,

² काहाकाय तान मोना माय शान्ति रेंय एने ता प्रेम से आपसामाय टिकीन रेंय, एने ता पुरा सोमेजान आखो धन मेल्वी, एने बोगवान पितान भेद म्हणजे मसीहाह ओलखी लिवू.

³ ज्यामाय विवेक एने ज्ञानात आखीच निधी लिकाईल हि.

⁴ इही मी जानकेरता किथे कि कूण तुमूह गुल्यो गुल्यो तर्क पुरो युक्त्या आपील धोकान आपणे.

⁵ जर मी शरीर रुपान तुम्रेमाय नाहं, पुण अध्यात्मिक रुपान मी तुमरेहे-यो हि, मी तुमरो जीवनाम अनुशासन एने मसीहा माय तुमरो विश्वासाआ, दृढता देखीन मी आनंद हि.

मसीह माय जीवनान भरपुरी

⁶ जानकेरता कि जोहलो यीशुह मसीह एने प्रभु च्या रुपान ग्रहण किरील हि, तुमूह तामाय तोहोलोच बोणावीन रीवू,

⁷ ताचमाय जोड देरीन वोद्ती जाऊ; तुमरो विकास तामायुज होव तोहोलोच तुमूह आपणो विश्वासामाय दृढता मिलवूहू रीवू जोहलो तुमूह हिकाडील गीया, हि बोगवानान प्रती जादास आभारी रीवू.

⁸ लक्षाम मेलू कि तुमूह आपणो ता भौतिक विचार केरीन एने खोल्यू प्रंपजाने कूण धोकान जुळी जे जगान परंपरा पासून प्राप्त एतो जे अनुशासित करणारी आत्मान धेन हि मसीहान.

⁹ काहाकाय बोगवान आपणी आखा ताने सदैव तामायुज निवास केरतीन असतो,

¹⁰ एने तामायुज स्थिर एय तुमूह परिपूर्ण बुणील हि तो प्रत्येक अधिकार शिरोमणी हि.

¹¹ तुमरो खतना भी तामायुज एनो हि खतना माणहान आथा केरीन संपन्न एनी नाह पुण, हि खतना ताहेरया तुमूह तुमरी पाप पुरो माहु प्रकृतीच्या शरीर प्रभावही सुटका आपणे माय आवी एती तेवी, मसीहाद्वारे संपन्न एय गीयो.

¹² हे जानकेरता एय गीयो कि ताहेरया तुमूह बाप्तिस्मा माय ताहेऱ्यो रेट्यो गीया तेवी ज्या बोगवानान ताह मोरना मायरीन जीवतालू किरील एता, ता बोगवानान कामाम तुमरो विश्वासान ताहेऱ्यो पोशो जीवतालू किरील गीया.

¹³ आपणो पापांनी एने खतना रीथीह शरीराकेरिन तुमूह मुरील एता पुण, तुमूह बोगवानान मसिहहेरया जीवन प्रदान किरील तोहोलोच आमरा आखा पापापुररीन मुक्त रुपान क्षमा किरील,

¹⁴ बोगवानान नियमान आमरीफायरीन टाकतजाईल, ज्यामाय ता विधीही उलेख किरील जाईल एता आमरा प्रतिकूल एने आमरा विरुद्ध एता तान ताह खीळ क्रुस पोर जाईल एताज.

¹⁵ तान सताधीशाना एने अधिकारीन नाडीन त्यांविरुद्ध क्रुसांपोर जायोत्सव केरीन तान उघड उघड प्रदर्शन किरील.

¹⁶ तान केरता खाईलपिईल वस्तु केव्ही पूर्वी नोवालो चांद, पर्व केव्ही शब्बाथ दिहा लीन कूण तुमूह आवोह केरणू.

¹⁷ हे तर ज्या वातू एय हि तान सावुलू हि, पुण ते आवो सावलु वास्तविक काया तर मसीहान च हि.

¹⁸ कूण माणुह दीनता स्वर्गदूतांच्या उपासना केरीन तुमूह धोवडणेन प्रतिफलो सेटो नेय केरी. ओहलो माणुह देखील वातू माय लागिन रेणे एने आपणी शारीरिक समझ पोर घमंड केरणे.

¹⁹ एने ती शिरोमोणीह देरीन नाह रीत जां से आखो डील जोडू एने पठोन द्वारा पालन-पोषण मिल्वीन एने एक्ठाच मिलिन, बोगवाना उखेर वोडते जाणे

मसीह हेरी मोरणु

²⁰ काहाकाय तुमूह मसीहा हेऱ्या मरण गीयो एता, एने संसारान बुनियादी शिकल्यापरत सुटका आपील गीयो हि तेभी ज्याह प्रकारान जीवन जीवतेह का केरतीन हि जोहलो काय? तुमूह आवो जगाचेच हेते एने अशांनी नियमांची पोहणे केरतीन हि.

²¹ ज्या आथ लागाडू मा, का ज्यान चोव चाखू मा, केव्ही ज्याह आथ लागाडी मा?

²² हे आखा वस्तु तर काम केरतीन नष्ट एणेन केरता रेणू इही आचरण व्यवहारामाय तुमूह स्वीकार केरीन तुमूह माणाहान आज्ञा बोणावणेन आचरण एने शिक्षणच तानगेत केरतीन हेते.

²³ मोनाकेरिन भक्ति आपणो शरीराह प्रताडीत केरीन एने आपणो कायाला मेहनत आपील सोबदाम नियम, हे बुद्धीवर आधारित प्रतिक एता, हि पुण वास्तव माय आवो ज्याह काही किमुत नाहं हे नियम तर माणहाह पापपुर्ण तान माहु प्रकृतीमाय लागाडील आपणु.