प्रेरितान काम 7 - नाहाली

स्तीफणुसान भाषण

¹ तेवी महायाजकानि कियील काय, “ज्याह वातू खेरा हि?”

² तो कियील, “हे बायहो, एने डावाला हुम्लील. आपणो आबुक अब्राहाम हाराम माय रेणेन पेल मेसापटेम्याह माय एतो; ते बोगवान तेज मायमरी ताह दर्शन दियील”

³ एने ताह कियील, तू आपणो देशामायरीन एने आपणो कुटुंबामायरीन निकलीन ता देशामाय जा, जो देश मी तुवाह देखाळूहु.

⁴ तेवी तो खांदान देशामायरीन निकलीन हारामायरीन जाइन बोहील. तान पिताचे मृत्युन ओवतो बोगवानान ताह तारीन आवो देशाम आवीन सुळील ज्यामाय ऐवी तुमूह रेथे हि,

⁵ एने ताह काही वतन आपील नाहं नापून ताह पाय मेलतालो सुध ताह जागो आपील नाहं, पुण प्रतिज्ञा केरील कि मी हा देश तुवाह एने तारओवतो तारो वंशजान आथाम केरीन आपही; ऐवी आवो देशाम यद्यपि ता टायीमा तान सोरो नाह एतो.

⁶ एने बोगवानान हे कियील, तारो सोराह माणहे दिहीरा देशाम बाहेर देशान रेती, एने ते ताह दास बोनावती एने चारहोव वर्ष दुख आपती.

⁷ ओवतो बोगवानान कियील, ज्या दिहरी जातीन ते दास एती, ज्याह मी दण्ड आपील एने तान ओवतो ते निकलीन ज्योच जागीपोर मारी सेवा केरती.

⁸ एने तो ताह खतनान वाचा बांधील; आठवे दिह खतना किरील; एने ज्योच देशामाय ईसाहाक ताह उत्पन्न एनो एने आठव्या एक दिह तान खतना केरील गीयी एने ईसाहाकाउगेरीन याकूब फायरीन बारा कुलपती उत्पन्न एय गीयो.

⁹ कुलपतीनि योसेफ म्हणजेच तान बाहाक ज्या मिस्र देशाम जाणारा पाकील आपील, पुण बोगवान तान हेरी एतो,

¹⁰ एने ताह तान आखा दुखामरीन सोडवीन मिस्रचा राजा फारो ज्ञान दृष्टीने अनुग्रह एने ज्ञानी इही किरील तास ताह मिसारातल्या एने आपणो आखा घेरामारीन अधिकारी निवाड्यो.

¹¹ तेवी मिस्र एने कनानणे आखा देशामाय दुष्काळ पोडील, ज्यामाय आखा दुख एय गीयो एने आमरा पूर्वजान खाणो जुडील नाहं.

¹² पुण याकूबाने हे होयलू कि मिस्र माय खाणो हि, आमरा पूर्वजान पेल्ला टायीमा मोकलील,

¹³ दिहीरा टायीमा योसेफान स्वताह आपणो बायाक ओलेख आपील एने योसेफाचे कुळ फारोला मालूम एय गीयो.

¹⁴ तेवी योसेफान आपणो आबोक याकूब एने आपणो आखा कुटुंबाम पच्याहत्तर माणहे एता हादणे केरीन मोकलील,

¹⁵ तेवी याकूब मिस्र देशामाय गीयो एने ताहारी तो एने तान पूर्वज मोरीन गीया.

¹⁶ तान शरीर शकेमात पोचाडील जाइन ता कबरेमाय मिलील गीयाज्या अब्राहामाने चांदी आपील शकेम माय हामेरान सोरापायरीन वेचातो लीईल एता.

¹⁷ पुण ताहे-या ता प्रतिज्ञान पुरो ला टाइम आहने आवी एती जे बोगवानान अब्राहामाहेरी किरील एता तर मिस्रामाय ते माणहे वोदिन गीया एने जादा एईन गीया.

¹⁸ तेवी मिस्र माय दिहरो राजा एनो जो योसेफान ओळखतेह नाह एतो,

¹⁹ तान आमरा कोचरापोर चाला कि केरीन आमरा पूर्वजाहे-यो न्या ताहवोर वाईट व्यवहार किरील कि ताह आपणो सोराह पाकील आपणे लागिल कि ते जीवतालू रेहू नाहा.

²⁰ तान टायीमा मुसा उत्पन्न एनो तो बोगवानान दृष्टीने जुलुम हाजी एतो तो तीन मोयनावोर आपणो आबाकने गिर पाळदेनु गीयो.

²¹ ताहे-या तो जगारील गीयो तेवी फारोच्या सोरिन विसीन लीईल एने आपणो सोरो केरीन पाळदेनु.

²² मुसाल मिस्र देसामायवाला आखा शिक्षण आपणे माय आवा एने तो वचन एने हाजो कामांन सामर्थ्यवान एतो.

²³ ताहे-या तो चाळीस वर्षाचा एनो तेवी तान मोनाम आवा कि मी आपणो इस्राएल बायहो भेट केरूह.

²⁴ तान एक माणहापूर अन्याय एतालोन पाहून ताह वोचाडील एने मिस्रीह मारीन त्रास आपणारा मोकलीन आपील.

²⁵ तान विचार किरील तान बाहाक होमाजानेमाय बोगवान तान आथान तान उद्धार केरूह पुण ते समजील नाहं.

²⁶ दिहीरा एक दिह ताहे-या ते एक मेकामाय लेढाय केरतीन एता तेवी तो ताहारी आवीन गीयो एने ते केयीन ताह मिलिन मोलीन रेनेस होमजाडील, एने कियील, हे माणहा, तुमूह तर बाहाक-बाहाक हेते एक दिहरापुर का अन्याय केरणू?

²⁷ पुण जो आपणा शेजाऱ्यापुर अन्याय केरणे तो ताहज्यो केयीन देखलीन तुवाह कूण आमऱ्येपुररीन अधिकारी एने न्यायी ठेरायील हि?

²⁸ काय ज्या रीतीमाय तू मिस-याह मारीन टाकील, माहु भी मारीन टाकणे होदिह काय?

²⁹ हि वात होयलू मुसा दोवळीपोळील एने मिदयान देशामाय बाहेर देशान केरीन रेणेन लागिल एने ताह ताहारी दुय सोरा एनी.

³⁰ जेव्ही तान चाळीस वोरी पुरो एय गीयो तेवी एक स्वर्गदूताने सियोन बोयडान जेंगलामाय आगठो आहने एती ता झाडामाय आकटामाय दर्शन आपील.

³¹ मुसाला हे दर्शन देखीन आश्चर्य एनो, एने देखणे केरीन ताहे-या तो आहने गीयो तेवी प्रभुन हा शब्द होमलू आवा,

³² मी तारो पूर्वजान, अब्राहामान, ईसाहाकने, एने याकूबान बोगवान हि तेवी मुसा केरहू लागिल, न्याओर कि ताह देखणेन हिम्मत रेणी नाहं.

³³ तेवी प्रभुन ताह कियील, आपणो पायन बूट काडीन ले काहाकाय ज्या जागीपोर तू उबरील हि ती पवित्र जागो हि.

³⁴ मी खेरी खेरीच आपणो माणहान जे मिस्रामाय हि, तान परिस्थिती देखील हि; एने ज्यान उह्कणे एने रेडनेन होमलील हि; जानकेरता ताह सोडवणे केरता उतरना हि. ऐवी आव मी तुवाह मिस्रामाय मोकीलणार.

³⁵ “जा मुसाह ता ज्यो केयीन नाकारील एता, तुवाह कूण आमरे पोर अधिकारी एने न्यायाधीश ठेरिनील हि? ताहुच बोगवान अधिकारी एने सोडावणार ठेरावील, एने स्वर्गदूतांन द्वारे ताह झाडान जुर्खील्यामाय दर्शन आपील एने मोकलील.

³⁶ ज्योच माणुह मिस्र एने रातलो समुन्द्र एने जेंगलामाय चाळीस वर्ष ताहवोर अदभूत कामे एने चिन्ह देखाडीन ताह काडीन लावील.

³⁷ तो तोच मुसा हि, ज्यान इस्राएल ला कियील, पुण बोगवान तुमरो बायहो तुमरीकेरता मारहोज एक भविष्यवक्ता उठाडील जाहो.

³⁸ हा तोच हि ज्यान जेंगलामाय कलीसिया ज्या स्वर्गदूतामाय सियोन बोयडापोर तान हेरी वातू किरील एने पूर्वजाहे-यो एता, ताह जीवतालू वचन जुडी कि जे आमरा ताहवोर पोचाडी.

³⁹ पुण आमरा पूर्वजान तान होमलील नाहं नापून ताह बाजूमाय केरीन आपणी मोन मिस्राउगे फिराईल,

⁴⁰ एने हारोन ला कियील, आमरे केरता ओहलो बोगवानान बोणाव, जो आमरा ओगाण-ओगाण चालती, काहाकाय तो मुसा जो आमूह मिस्र देशामायरीन काडीन लावील आमु नाहं ओळखतेह ताह काय एय गीयो?

⁴¹ तां दिहामाय तां एक गाईन वासडान मूर्ती बोणावीन, तान मूर्तीन ओगांण बली चेढाविल; एने आपणा आथान कामा माय मगन एने लागिल.

⁴² सेवट बोगवानान मूय फिरावीन ताह सोडीन आपील कि आकाशानी सेनागणान पूजा जोहलो भविष्यवक्ता पुस्तकामाय लेखील हि, “हे इस्राएल ने घेराणा, काय तुमूह जेंगलामाय चाळीस वर्ष ताहवोर पशु वोल्यो एने खाणो वोल्यो माहूच चेढावताला रेंय.”

⁴³ “तुमूह मोलखान मंडप एने रेफान बोगवानान तान ताराह लीन फिरीन एता, अर्थात ज्या सोरा ज्याह तुमूह नमन फेरणेन केरता बोणाविल एता सेवट मी तुमूह बाबेलान पुरलेउखीर जाइन बोहावूह.”

⁴⁴ “गवाहीचा मंडप जेंगलामाय आमरा पुर्वजामाय एता जोहलो तान ठेराव्यू ज्याह मुसान कियील, जे आवीन तू देखील हि तान अनुसार ताह बोणाव.

⁴⁵ ज्या मंडपाम आमरा पूर्वजान मोकताजाणाफायरीन यहोशवा हेरी; रथ एईन आवा ज्या टायीमा कि तास दिहरी जातीपूर अधिकार मिळवील, तान केरता बोगवानान आमरा पूर्वजान ओंगान काडीन टाकील, एने ते मंडप दाविदान टायमापोरउर रेणू.

⁴⁶ तापोर बोगवानान अनुग्रह किरील; सेवट तास विनंती केरील कि तो याकूबान बोगवानान केरता निवास तीजागेन बोणावूह.

⁴⁷ पुण सुलेमानने तान केरता घेर बोणाविल.”

⁴⁸ पुण परमप्रधानान आथा केरीन बोनाईल जाईल घेरामाय रेथे, जोहलो कि भविष्यवक्त्यांनी कियील हि,

⁴⁹ “प्रभु किथे, कि स्वर्ग मारा सिंहास हि पृथ्वी मारी पायाबुंदवालो पिडी हि मारकेरीन तुमूह कायताहा प्रकारान घेर बोनावहू? एने मारो रेणेन कालो तीजागेन एय?”

⁵⁰ “काय हि वस्तु मारो आथान बोणाविल नाहं?”

⁵¹ “हे ताठ बोचीन, एने मोन एने कानाह खतनान किरील माणहा, तुमूह सदा पवित्र आत्मान विरोध केरणू जोहलो तुमरो पूर्वज केरतीन एता तोहोलोच तुमूह भी केरतीन हि.

⁵² भविष्यवक्त्या मायरीन कोणीही तुमरो मायरीन त्रास आपील नाहं? ता धर्मी आगमनान पूर्व काला से संदेश आपणाराह मारीन टाकील; एने ऐवी तहवोर ताह देरावीन आपणारा एने मारीन टाकणारा.

⁵³ तुमु स्वर्गदूतांद्वारे योजना केरील व्यवस्था प्राप्त एय गीयो एता पुण तान पोहणे किरील नाहं.”

स्तीफणुसा पोर दिगुड मार

⁵⁴ ज्या वातू ते बोलीन गीया एने तापोर दात चालणे लागिल.

⁵⁵ पुण ज्यान पवित्र आत्मा माय परिपूर्ण एईन स्वर्गाकडे देखील एने बोगवानान महिमाह एने यीशुह बोगवानान जेवडी उगे उबरील रेणू पाहून,

⁵⁶ केईल, “देखू, मी स्वर्गाला उघाडील, एने माणहान सोराह बोगवानान जेवडी उगे उबरील रीयेल देखो”

⁵⁷ तेव्ही तान मोठली शब्दान आयडीन कान बंद केरीन लीईल, एने एक हेरी तापोर दोवळीन गीया;

⁵⁸ ताह नेगरान बाहेर काडीन तान उपेर दिगुड मार केरणे लागिल गवाही दारान आपणा फाडका शाऊल नावान एक जुवान्याह पायान आहने काडीन मिलील.

⁵⁹ ते स्तीफणुसान उपेर दिगुड मार केरतीन रेणा एने तो हे केतेह प्रार्थना केरणे लागिल, “हे प्रभु मारो आत्माह ग्रहण केर.”

⁶⁰ पोशा मांडा टेकिन उचो शब्दाम आयडील, “हे प्रभु, हे पाप तां पोर लागाडू मां.” एने हे केयीन तो हुवीन गीयो पौलुसला तान तान मारणे मान्य किरील.