प्रेरितान काम 6 - नाहाली

सात चेलाह निवडणेन

¹ ता दिहामाय ताहेरया चेलान संख्या वोदनेन एती, तेवी यूनानी बोलणारा एने इब्रानी बोलणारा यहूदायामाय एक विवाद उबरे रेणू, काहाकाय वस्तु माय दाडीन दिह सेवकाई तान विधवा बरोबर अपेक्षा एता.

² बारा चेला आखा कलीसियान एक्ठाच हादाडळीन कियील, “आमरे केरता बोगवानान वचनाव्यतिरिक्त भोजनाची सेवा केरणेन योग्य नाहं.

³ तर, हे बायहो, प्रतिष्ठित पवित्र आत्मा एने होमजणार पुरो सात एदम्यान निवाड केरू, आमु ज्याह कामान केरता ताह अधिकारी बणावूहू.

⁴ स्वता: ला प्रार्थनाम एने वचनमाय सेवान कामान केरता लागी रेहू.”

⁵ ज्याह वातू माय आखा कलीसियान जुलुम आनंद एनो तर तास विश्वास एने पवित्र आत्मा माय पुरो माणहे स्तीफणुसएने फिलीप, निकानुर, तीमोन, पामिना एने यहूदीन इसाबे निकलाव अन्ताकियान ज्यान निवाड केरील.

⁶ एने ज्याह माणहान पोशो तास प्रेरितांन सुमोर उबरीयेल किरील प्रेरितान प्रार्थना केरील एने तां पोर आथ मिलील.

⁷ ज्यानहोस बोगवानान वचनान पोरचार एहू लागिल एने यरूशलेमाय चेलान संख्या जादा वोदनेन गीयी याजकांन एक मोठू समुदाय पुण ज्याह विश्वासाह मानू लागिल.

स्तीफणुसाह जेल

⁸ स्तीफणुस एक ओहलो माणुह एतो, जो कृपा एने सामर्थ्य ज्यान परिपूर्ण एतो तो माणहान ओगाण मोठलो-मोठलो आश्चर्य कामे एने अदभूत चिन्हे प्रकट केरतीन एतो.

⁹ पुण आराधनालय म्हणजे स्वातंत्र किरील माणहान सभागारान काही माणहे कुरने एने सिकांदरियान फायरीन, तोहोलोच किलकीया एने आशियारीन आवील स्तीफणुस एता ते तान विरोधामाय चर्चा केरूह लागिल.

¹⁰ पुण तो ज्या बुद्धीसी एने आत्मा ने बोलीह एतो ते तान सुमोर उबरीयेल रेहू शकले नाहं.

¹¹ ओवतो तास काही माणहाह लालूच आपील केणेंन लागिल, आमु मुसा एने बोगवानान विरुद्धामाय एने निंदान वातू केतालान होमलील

¹² ज्यानहोस तास लोकसमुदया माय डाय डाया यहूदी अधिकारीन एने यहूदी धर्मशास्त्री एता ताह भोडकाविल ओवतो तास आवीन ताह दिरील एने आखामारीन मोठो यहूदी मोठली सभा सुमोर लावील.

¹³ एने जुठ्या गवाहीदार उभा किरील, एने कियेल, ज्यो माणुह ज्याह पवित्र स्थानान एने व्यवस्था विरुद्ध बोलणेन सोडना नाहं.

¹⁴ काहाकाय आमु ताह इही बोलतालुन होमलील कि हा नासरी यीशु नाव काडीन टाकूह एने मुसान आपुहू लागाडील आपील परिपाठ बोदलीन टाकूह.

¹⁵ तेवी न्याय महासभा बुहील, आखा माणहे ताफाय हेसकेरिन दिखिह येतो ताह तान मुख स्वर्गदूताच्या मुयान होच देखानो.