प्रेरितान काम 3 - नाहाली

लेंगडा भिखारीन हाजो एणो

¹ पतरस एने यूहन्ना तीस-या प्रहरी प्रार्थनान टाइम मंदिरामाय जात एता.

² एने माणहे एक जन्मारीन लेगडाह लीन जाताला, ज्याह ते प्रत्येक दिह मंदिरान बायना पोर जो “हाजो” केवातोला बोहाड देताला, का तो मंदिरामाय जाणाराफायरीन भिख मागी.

³ जेवी तास पतरसाह एने यूहन्नाहा मंदिरामाय जातेन देखील, तर तास भिख मांगील.

⁴ पतरसाने यूहन्नान हेरी ताफाय लक्ष्य आपील कियील, “आमुफाय देखू”

⁵ सेवट तो ताफायरीन काही जुडणेन आशा केरीन ताऊखीर देखहुं लागिल,

⁶ तेवी पतरसा केयील, “चांदी एने होनो ते माहुफाय नाह, सोतो पुण जो माहुफाय हि तो तुवाह आपथु; यीशु मसीह नासरी नावामाय चाल फिर.”

⁷ एने तान जेवड्यो आथ देरीन ताह उठाडील; एने तान पायामाय गुटण्यामाय ताकत आवी,

⁸ एने तो उठीन उबरेय गीयो एने चालणे फिरीने लागिल, एने चालतो एने कुतेन एने बोगवानान स्तुती केरतीन तान हेरी मंदिरामाय गीयो.

⁹ आखा माणहान ताह चालतालून फिरतालुन एने बोगवानान स्तुती केरतालोन पाहून,

¹⁰ ताह ओलखिन लीईल कि तो तोच हि मंदिरान हाजी फाटकापूर बोहीन भिख मांगतेन रेथे एतो एने जी घटना ताहे-यो एनी एती ते जादा नवल केरीन चक्कित एय गीयो.

मंदिरामाय पतरसान उपदेश

¹¹ ताहे-या तो पतरस एने यूहन्ना देरील एता, तेवी आखा माणहे जुलुम आश्चर्य चक्कित एय गीयो ता टायीमा जे सुलेमानान बोगवानानडीन आहने दोवडीन एता,

¹² हे देखीन पतरसाने माणहाह कियील, हे इस्राएल माणहा, तुमूह आवो माणहापूर आश्चर्य केरणू एने आमुफाय का इही दिखिह हि कि तुमुच आपणा सामर्थ्य आवो भक्तीने चालणेन फिरीनेन योग्य बोणावीन आपील हि.

¹³ अब्राहाम ईसाहाक एने याकूबान बोगवान आमरा पूर्वजान बोगवानान आपणो दास यीशुन महिमा केरीज्याह तुमूह देरावीन आपील एने ताहे-या पिलातुसान ताह सोडणेन विचार किरील तेवी तुमूह तान सुमोर तान नकार किरील.

¹⁴ तुमूह ता पवित्र एने धार्मिकतान नकार किरील, विनंती केरील का एक खुनीह तुमरीकेरता सोड देणे माय आवी

¹⁵ एने तुमूह जीवनान कर्ताला मारीन टाकील ज्याह बोगवानान मोरील मायरीन जीवतालू किरील; एता एने ज्याह वातून आमु गवाही हि.

¹⁶ एने ताणुच नावान ता विश्वासान द्वारे जे तान नावापुर हि, आवो माणहाह ज्याह तुमूह देखताला एने ओलकतेह पुण सामर्थ्य आपील, तान विश्वासान जे तान द्वारे हि ताह तुमूह आखान ओगाण हे शरीर संपती एनी हि.

¹⁷ “ऐवी हे बायहो, मी जाणथू कि तुमूह हे काम एनजाणल्यामाय किरील हेते, एने तोहोलोच तुमरो सरदाराने पुण किरील.

¹⁸ पुण ज्या वातू माय बोगवानान आखा भविष्यवक्तान मुखाने पेलूच केयीन आपील हि कि तानकेरीन दुख मसीह भोगी, ताह तान आवो रीतीमाय पुरो किरील.

¹⁹ जानकेरता मोन फिरावू एने पोशा आवो कि तुमरो पाप बुजील जातीमाय ज्यासे प्रभुन संमुखाने विश्रांतिचे मुख आवती.

²⁰ एने यीशुह मोकलील जे तुमरीकेरता पेल्लारीन मसीह निवाडील गीयो हि.”

²¹ आवश्यक हि कि तो स्वर्गाम ता टायमापोरउर रेंय जेवीवोर ते ता जेवीवोर ता आखा वातून हुदारणे नाहं केरतीन एता ज्यान चर्चा प्राचीन काला से बोगवानान आपणो पवित्र भविष्यवक्ता मुया केरीन कियील हि.

²² जोहलो कि मुसान कियील हि, प्रभु बोगवान तुमरो बायहो मायरीन तुमरीकेरता मारहोच एक भविष्यवक्ता किरील जाहो जो काही तुमूह केह तान होमलेणेन.

²³ पुण प्रत्येक माणहेच ता भविष्यवक्त्याचे होमलील नाहं माणहा मायरीन नष्ट किरील जाहो.

²⁴ एने शमुवेल तारीन तान मागणानकेरिन ताहवोर तान केरता भविष्यवक्ता केतेह ताह आखा आवो दिहान पोरचार दियील.

²⁵ तुमूह भविष्यवक्त्याचे सोरा एने वाचा भागीदार हि जे बोगवानान तुमरो पूर्वजा तारीन चालू हि ताहेरया तान अब्राहामाह कियील तारो वंशाद्वारे जोमनिन आखा घेराने आशीर्वाद एती.

²⁶ बोगवानान आपणो दासाचा उठाळीन पेल्ला तुमरीफाय मुकलेल कि तुमरो मायरीन आखाह ताह वाईट सोडीन आशीर्वाद आपील.