प्रेरितान काम 28 - नाहाली

माल्टा द्वीपमाय पौलुसान स्वागत

¹ या आमु आखा सुरक्षित वोचणे पोर, आमूह मालूम एय गीयो कि ता बेटान नाव माल्टा एता.

² ताजागा पोररीन मुळ रेणार एता तास आमरेहेयो असाधारण रुपान प्रेम किरील; काहाकाय हियालू एतो, एने पाउस आविह एतो तान केरता तास आगठो पेटाळीन एने आमु आखान स्वागत किरील.

³ पौलुसुसाने होट्या एक्ठाच केरीन बाधील एने ता काड्यांना आखठापूर मोरील, कोलाकामाय उष्णता ईलकेरिन एक विषारी साप बाहेर आवा, एने तान तान आथाह चावील.

⁴ तेवी तावालो रेणारे माणहान ताहेरया तान आथापुर लेटकील साप पेल्लो, तेवी आपसामाय बोलहू लागिल, “निश्चय हि हाच माणुह खुनी हि ऐवी हा समुद्रामायरीन वोचील हि, पुण न्याय बोगवानान ता ज्या जीवहु आपतेन नाहं.”

⁵ पुण ता गेडाकाह आकठाम झेटकीन आपील एने पौलुसाह काल्लोबी प्रकारची ईजा एनी नाहं.

⁶ माणहे विचार केरतीन एता कि ज्या एरकेरावूणु आवी एने तो जोमनि पोर पोडीन मोरीन जाहो, पुण जुलुम टाइम वाट देखनेओवतो एने तासहे देखील कि ताह असाधारण काही ईजा एनी नाहं तेवी तास आपणी युक्णी बोदलांनी एने ते कियेल, “हा तर कूण बोगवानान ता हि.”

⁷ ता पाळावान जागे ता जागान प्रधान अधिकारीन नाव पुबलियुसान खेत एती. ते ताह आपणो गिर लीन गीयो एने आमरा स्वागत-सत्कार किरील तास तीन दिह आमारो प्रेम पावणाय किरील.

⁸ पुबलियुसान आबुक आंथूरुनामाय एतो. तो ताप एने आंबवट रक्ताने दुखारया पोडील एतो, पौलुस ताह मिलने केरता आहने गीयो एने तान प्रार्थना केरील एने तान आपणा आथ तापोर मिलना एने तो हाजो एनो.

⁹ आवो घटनेनंतर ता बेटापोर एईच आखा दुखा-यो तान आहने लीन आवा एने ते हजो एय गीयो.

¹⁰ तास आमूह जुदाजुदा प्रकारे मानपान आपील, एने तारीन ताहेरया निकेलतालून आमु नांवउखीर जात रेतालान ताहरी तास आमूह आवश्यक रेणारी, आखा वस्तु आमूह आवीन आपील.

माल्टा द्वीप रीन रोम ने उखेर

¹¹ “ओवतो सिकांदरियान एक नावीम बोहीन आमु तान जागापूर निकालनु ज्यांन बेटापोर नाव जडामाय एटकिल एती नावीन ओंगाल्यो भागाम दुयुम बायाकने चिन्ह देखाडील एता.

¹² ओवतो आमु सराकुस जाइन पुचनु जाहारी आमु तीन दिह थोबील एतो.

¹³ तारीन आमु नावद्वारे रोगीयोन पुचनु” एने एक दिह बाद दक्षिणी वारो चाल्यो, एने ओंगाल्यो एक दिह पुतीयोली पुचील.

¹⁴ ताजागेन आमूह काही बायहो जुडील, एने तास आमूह ताजागेन सात दिह थाबाडणेन कियील; एने ज्यानहोस आमु रोम माय आवूह.

¹⁵ ताहेरया ता जागे रीन बायाक आमरी सुचना जुडी तेवी ते अपियान पेठ एने तीन उत्तार शाळा न्याहरीवून आमूह ओगाण आवा, पौलुसुसाने हे ताहेरया देखील तेवी बोगवानान धन्यवाद आपील ते जादा उत्साहित एय गीयो.

¹⁶ ताहेरया आमु रोम न्या पुचनु, तेवी एक शिपायांच्या पहा-यात पौलुसाह आलेग रेनेस, परिनानगी आपील.

पौलुस रोम माय

¹⁷ तीन दिहामाय पौलुसुसाने यहूदी अधिकारीन हादाडील एने ते एक्ठाच आवा तेवी तो ताह कियील, हे, बायहो, जर मी आपणी जात केव्ही आपणा पूर्वज ज्यांन विधी विधानांविरुद्ध काही किरील नाहं तेभी पुण माहु यरूशलेम माय माहु अटक केरीन रोमला होपीन आपील.

¹⁸ तास मारी चौकशी केरील एने माहु सोडीन आपणेन ठेरायेल, कारण इही कायीच मी किरील नाह एता कि तान माहु मृत्यूदेड आपणे.

¹⁹ पुण तेवी यहूदयान विरोध किरीनकेरिन कैसराफाय न्याय मांगनु माहु भाग पोडील पुण जानकेरता नाहं कि मी आपणो माणहांपोर दोष देखाडू.

²⁰ ज्याचने केरीन मी तुमूह हादाडील इतू, का तुमूह वातचित केरू; काहाकाय इस्राएल ने आशान केरीन मी जी हाकली केरीन बांधायील हि

²¹ यहूदी अधिका-यान पौलुसाह कियील, तुमरेबाराम बायहो यहूदा फायरीन. केव्ही तार बारामाय कूण वाईट कियील नाहं

²² काही पत्र जुडील नाहं एने तारीन आवालान कोणबी तुमरीविषय विचारपूस केरील नाहं केव्ही तार बारामाय कूण वाईट कियील नाहं.

²³ तेवी ता तान केरता एक दिह ठहराव्या, एने जुलुम माणहे तान जागे एखठा एना, एने तो बोगवानान राज्यने गवाही आपतीन, एने मुसान व्यवस्था एने भविष्यवक्तान पुस्तकाम रीन यीशुन विषय माय सोमजाडी-सोमजाडीन वेगोच रीन हांजपोर वोर केती रेणो.

²⁴ तेवी तास ताहेऱ्यो एक पवित्र्य एक दिह निश्चय किरील एने ओवतो ते ज्या जागापूर ते थोबना एता ता जागापूर मोठला संख्येने माणहे एक्ठाच जमा एय विश्वास गीयो एता,

²⁵ तान जे काही कियील एता तामाय काही पौलुस समेज एय गीयो, “पवित्र आत्मा यशायाह भविष्यवक्तान द्वारा तुमरा डायलाह ठीक कियील

²⁶ जायीन ता माणहाह कि, का होमीलती रेहो, पुण सोमजहु नाय, एने देखती रीहो पुण, सोडवहो नाय,

²⁷ काहाकाय न्या माणहान मोन मोठो, एने तान कान भारा एय जायील हेते, एने ता तान डोला बोंद किरील हेते, ओहलो न्य एय का ता तान डोला केरीन केधी नेय देखी, एने काना केरीन होमली नेय, एने मोन केरीन होमजी एणेन फिरे, एने मी ताह हाजो केरूह.”

²⁸ “ऐवी तुमु जाणू का बोगवानान उद्धारान वात दिहरी जातीन फाय मोकलील हि, एने ता होमेलती”

²⁹ जेवी तो जो कियील तो यहूदी आपस माय जुलुम विवाद केरतेह एने तारीन जात रेणा.

³⁰ तो इही बोलीह येतो यहूदी मोक्ताज टाइम वादावाद केरीन निकलीन गीया,

³¹ तो आपणो घेराम पुरो दुय बोगवानान राज्य थोबील एतो, जे कूण ताह मिलने केरता प्रभु यीशु मसीह आविह तानकेरीन तो स्वागत केरतीन इही.