प्रेरितान काम 20 - नाहाली

मासेदोनिया, यूनान एने त्रोआस माय पौलुस

¹ ताहे-या कापाली थोबीन गीयो तेवी पौलुसुसाने चेलाह हादाळीन, एने तान तारीन निकलीन मासेदोनिया उगे निकलीन गीया.

² ता आखा प्रदेशामाय आवीन चेला जुलुम उत्साहित केरीन तो यूनानी माय आवा.

³ ताहे-या तीन मोरना रेयीन तो तारीन नावीम बोहीन सिरीया उगे जाणेपोर एतो, तेवी यहूदी तानकेरीन घात केरनेमाय लागिल एता जानकेरता तान निश्चय किरील एतो, कि मासेदोनिया पोशा जाणेन बेत किरील.

⁴ बिरुया पुरीन सोरो सोपत्र एने थीस्सलुनीका मायरीन अरिस्तर्खुस एने संकुंद, गायसान दिरबेकर, एने तीमुथियुस, एने आशियान तुखिक एने त्राफिमाय आशिया पर्यंत तान हेरी आवीन गीया.

⁵ ते ओगाण जाइन त्रोआसाम आमरी वाट दिखिह रीवू.

⁶ एने आमु बेखमीर रोटान दिहा बाद फिलीपायरीन तारिनात चेडिन पाच दिहामाय त्रोआस तान आहने पोचेल, एने सात दिहावोर ताच रेणा.

यूतुखाह जीवाडणेन

⁷ हफ्तान पेल्ला एक दिह ताहेरया आमु रूटू मुडणेकेरिन एक्ठाच एय गीयो, तेवी पौलुसुसाने जे दिहीरा एक दिह निकलीन जाणेपोर एता, तान काही वातू केदाह; एने अर्ध्या राती ताहवोर वातू केरतीन रेणा.

⁸ ज्या कलीसिया माय आमु एक्ठाच एता, तामाय जादा दिवे हेलकणेन लागिल.

⁹ एने युतुख नावान एक जुवान खिडकीमाय बोहील जुलुम निंदिमाय बुंदे डुंगुपोडील एतो. ताहे-या पौलुस जुलुम टाइम ताहवोर वातू केरतीन रेणा तर तो निदिन गुंगो तिसऱ्या मजला पोररीन पोडीन गीयो, एने मोरील विशेल गीयो.

¹⁰ पुण पौलुस उतरीन ताह मीलनु मारना एने गेल गीयो, गळा लागाडील केदा, “बिऊ मा; काहाकाय कि तान जीव तामायुज हि.”

¹¹ एने उपेर जाइन रूटू मुळनु एने खाइन तास ओलाक माय टाइम ताहुकवोर वातू केरतीन रेणा कि पहाटेच एनी ओवतो तो निकलीन गीयो.

¹² एने ते ता जुवान्याह जीवतालू लीन आवा एने जुलुम शान्ति मिलावणे.

त्रोआस से मिलेतूस ने यात्रा

¹³ आमु देखील कि नावीम चेडिन आसाफाय जाणेन आवो फुसणे ओगाण गीया कि तारीन आमु पौलुसाह चेढाविन लेहु, काहाकाय कि ताह हे जानकेरता ठेराव्यू एता कि आपुच पायपाय चालणारे एता.

¹⁴ ऐवी आसाफाय आमूह जुडना तर आमु ताह चेढाविन मितुलनास आवा.

¹⁵ तारीन नाव उगडीन आमु दिहीरा एक दिह खियास सुमोर पोचहू, एने ओंगाल्यो एक दिह सामोस त्रोग्युलामाय जाहू लागिल; ओवतो दिहीरा एक दिह मिलेतास आवा.

¹⁶ काहाकाय का पौलुसुसाने इफिसुस माय एयीन जाणेन निश्चय किरील एतो कि केध्दीह इही होवो कि ताह आशिया माय टाइम लागी; कारण तो घाईमाय एतो कि केध्दीह एहू शकेल तर तो पन्नासान एक दिह तीवाराम यरूशलेमा माय रेहू.

इफिसुस माय डावालाह उपदेश

¹⁷ तान मिलेतासन इफिसुस माय खोबीर मोकलना, एने कलीसियान डाय डायाह हादाड्या.

¹⁸ ताहे-या ते ताफाय आवीन तान केदा: “तुमूह ओलकतेह कि पोयलोच दिहारीन ताहे-या मी आशिया माय पुचनु, मी आखान लान तुमरो हेरी कोहलो प्रकारे रेणू.”

¹⁹ म्हणजे जुलुम नम्रतेने, एने आहवा वोयाडने एने ता परीक्षेमाय जे यहूदयान कंटाळामुळे मारपुर आवीन पोळी, मी प्रभुन सेवा केरतेच रेंय.

²⁰ एने ज्या वातू तुमरो लाभान एती, ताह केणेंन एने माणाहान ओगाण एने घेर घेर हिकाड्नेन केध्दीह डगमगला,

²¹ नापून यहूदी एने यूनानी यान सुमोर गवाही आपतेन रीईलका बोगवाना उखेर पश्चाताप केरणेन एने आमरा प्रभु यीशु ख्रीस्तापूर विश्वास केरणे जुवी.

²² ऐवी देखू, मी आत्मा माय बांधील यरूशलेम ला जात हि, एने नाहं ओळखतेह कि तिथ मारपुर काय-काय परिस्थिती आवी;

²³ फक्त हे कि पवित्र आत्मा प्रत्येक नगरामाय गवाही आपील माहु किथे कि बंधन एने क्लेश तार केरता तियार हि.

²⁴ पुण मी आपणो जीवाह काही नाहं होमजाडणे कि ताह प्रिय माणहु नाहं तर हे कि मी आपणो धोवडणेन एने ता सेवेला पुरो केरूह जी मी बोगवानान कृपान सुवार्तापूर गवाही आपणे केरता प्रभु यीशु उखीर मिलावणे.

²⁵ ऐवी देखू मी ओलखणे का तुमूह आखा ज्यामाय बोगवानान राज्यान घोषणा केरतीन फिरील, मारा मूय पोशा नाय देखहु.

²⁶ जानकेरता मी आजीन एक दिह तुमरेफायरीन गवाही आपील किथे, कि मी आखानुच रक्तान निर्दोष हि.

²⁷ कहाकाय का बोगवानान आखा मनोरथाला तुमूह पुरो रीतीमाय केणेंन डगमगला नाहं.

²⁸ जानकेरता आपणी एने पुरो टोलीन चौकशी केरू ज्यामाय पवित्र आत्माम तुमूह अध्यक्ष ठेराव्यू हि, कि तू बोगवानान कलीसियालीन होमाल केरू, ज्याह तास आपणो रक्तान वेचातो लीईल हि.

²⁹ मी ओलखणे कि मारो जायील किइल ओवतो फाडणारे कियील, तुम्रेमाय आवती जे टोलोहो सोडणार नाहं.

³⁰ तुमरो माय पुण न्याच माणुह उठती, जे चेलाह आपणा पासाण टाकणे केरता वाकडो तिकड्या वातू केरती.

³¹ जानकेरता जागे रीवू एने एर केरतीन रीवू कि तीन वर्षा ताहवोर रात दिह आहवा वोयाडने आखाह चेतावणी आपणेह सुळील नाहं.

³² एने ऐवी मी तुमूह बोगवानाह, एने तान कृपा वचनाह होप देथु जो तुमरी उन्नती केर सेकीह, एने ऐवी आखा पवित्र किरील माणहामाय मेल केरीन वतन आप सेकीह

³³ मी कुणान चांदी केव्ही होनो केव्ही फाडकान लोभ किरील नाहं.

³⁴ तुमूह स्वताह ओलकतेह कि ज्याह आताकेरिन एने मारो हेरीह आवश्यक ते पुरो किरील.

³⁵ मी तुमूह आखा काही केरीन देखाडील कि आवो रीतीमाय मेहनत केरतालोन निर्बाळाना होमालणे एने प्रभु यीशुन नाव एर मेलणेन आवश्यक हि, जो तास खुदेन कियील हि कि, “लेणे पेक्षा आपणे होवटो धन्य हि.

³⁶ हे केयीन तान मांडा टेकिन एने ता आखाहे-या प्रार्थना केरील.

³⁷ तेवी ता आखा जुलुम रेडील एने पौलुसान गळा मिलिन ताह चुंबन आपणेह लागिल.

³⁸ ता विशेष केरीन जी वातून केरीन शोक केरताला का जी ता कियील एता का तुमूह मारो मूयओंगान केधी भी देखणार नाहं. एने ता ताह नावीन जागेवोर सोडणेन आवा.”