प्रेरितान काम 19 - नाहाली

इफिसुस माय पौलुस

¹ ज्यो एय गीयो का ताहे-या अप्पुलोस कुरिन्थियो माय एतो, तेवी पौलुस आहने पाहणेन हागामाय प्रिनास केरतीन इफिसुस माय आवा, ता जागापूर ताह काही चेला जुडील.

² एने तो ताह कियील, “काय तुमूह ताहेरया विश्वास किरील एतो तेवी पवित्र आत्माह ग्रहण किरील एता?” तास उतार आपील, “आमु तर होमलील सुध नाहं कि पवित्र आत्मा हि कि नाहं.”

³ तो ताह कियील, “तर तुमूह केवी बाप्तिस्मा लीईल हि?” तास उत्तर आपील “यूहन्नान बाप्तिस्मा.”

⁴ ओवतो पौलुसुसाने कियील, “यूहन्नान बाप्तिस्मा तर मोन फिरावणे केरता एतो तान माणहाह कियील एता कि जो मारओवतो आविह हि अर्थात यीशु मसीह ज्यापूर विश्वास केरू.”

⁵ हे होयलू तास प्रभु यीशुन नावापुर बाप्तिस्मा लियेल.

⁶ ओवतो ताहे-या पौलुसुसाने तापोर आथ मेलील, तेवी तां पुर पवित्र आत्मा उतरना एने ते दिहरी दिहरी भाषा बोलीह एता, एने भविष्य आवाज पुण केरूह लागिल.

⁷ आखा मिलिन ते बारा माणुह एता.

⁸ ओवतो पौलुस यहूदी प्रार्थना आराधनालय माय निकलीन जाईल, एने तीन मोरनापोर बितेह बोलीह रेणू तो यहूदी हेरी वादावाद केरतीन ताह बोगवानान राज्यान बारामाय होमजाडीन किथी एतो.

⁹ पुण तामायरीन काही माणहे जादा हट्टी एता तास विश्वास केरणेन नकार आपील एने माणहा ओगाण शास्त्रामाय हजो वाईट किथी रेणा तेवी तो आपणो चेलाह लीन ताह सोडीन निकलीन गीयो एने तरन्नुसच्या पाठ्शालामाय प्रत्येक एक दिह विचार चर्चा केरतीन एता.

¹⁰ दुय वोर्ह्या वोर ज्यो एते रेणो, का न्यावोर का आशिया माय रेणार काय यहूदी काय यूनानी आखा प्रभुन वचन होमली लियेल

इफिसुस माय आश्चर्यन कामे

¹¹ बोगवान पौलुसुसान द्वारे जुलुम आश्चर्य कामे केरतीन एतो.

¹² न्याउर का तान रूमालाह एने घेरणारा रोग्यांन आहने री जात एने तान शरीर हजो एता, तोहोलोच दुष्ट आत्मा पुण निकलीन जात एयस.

¹³ काही अशुद्ध माणहे जे दुष्ट आत्माना काडील याहारू तोथा फिरीन एता ते हे केरूह लागिल कि ज्या माणहामाय दुष्ट आत्मा लागिल एता तापोर यीशुन नाव लीन प्रयोग केरूह लागिल एने केहू लागिल, मी तुमूह ता यीशुन नावापुर ज्यान पोरचार पौलुस करने आदेश आपतेन हि कि एक स्कीवा नावान यहूदी महायाजकान सात सोरा ताहेरया इही केरतीन एता.

¹⁴ एने केहू लागिल, मी तुमूह ता यीशुन नावापुर ज्यान पोरचार पौलुस करने आदेश आपतेन हि कि एक स्कीवा नावान यहूदी मुख्य याजकान सात सोरा ताहे-या इही केरतीन एता.

¹⁵ तेवी दुष्ट आत्मा ताह कियील, मी यीशुह ओलखणे, एने पौलुसाह पुण ओलखणे पुण तुमूह कूण हेते.

¹⁶ ओवतो जो माणुह ज्यापूर दुष्ट आत्मा लागिल एती तान तां पोर उडी मारीन दुईजानाह हेरकावेल, एने तापोर ओलिक जबर बोहील कि ते उखडो न्याय एईन ता घेराम रीन पोडीन गीया.

¹⁷ इफिसुस माय रेणार आखा यहूदी एने यूनानी यान ज्याह वातुपोर आखा मालूम एय गीयो, ता आखा माणहे जादा बिईल एता, ज्यानहोस प्रभु यीशुन नावापुर होवटो आदर उत्पन्न एता गीयो.

¹⁸ तामायरीन मोक्तास माणहान विश्वास किरील एतो आपणो द्वारे किरील जाईल वाईट कामे स्वीकार केरतीन ताजागेन आवा.

¹⁹ जादू टोना केरणारा जादा एता तास आपणी पुस्तका तान जागापूर तान ओगांण पेटालीन टाकील आवो पुस्तकान किमुत पन्नास हजार शिक्का हेरी एता.

²⁰ ज्यानहोस प्रभुन वचन होवटो प्रभावशाली एता सेटो ताहवोर गाजाळणे गीया.

²¹ ज्याह घटनेओवतो पौलुसुसाने आपणो मोनाम मासेदोनिया एने अखया तेभी एता, पुण यरूशलेम माय जाणेन निश्चय किरील तान कियील, ता जागापूर जाइन माहु रोम पुण माहु देखणेन जुवी.

²² तेवी तान आपणा सेवा तीमुथियुस एने ईरास्तुस नावान दुय सहायकाह मासेदोनिया मोकलीन आपील एने स्वताह आशिया माय थोडो टाइम गोमाळील.

इफिसुस माय उपद्रिन

²³ ज्यांन दिहामाय ज्याह मार्गाबारामाय बरीच बोमफुटनी उडनी.

²⁴ ता जागापूर देमेत्रोयेस नावूच एक चांदीन काम केरणार होनार रेथे एतो तो अरीतीमिसान चांदीन मंदिर बोनावतालो एनूताकेरिन जादा काम केरणारा कामधंदा मिलिन आपतेन एतो.

²⁵ तान ताह एने ज्याह कामाम जोडीन रीईल दिहरा काम केरणार यान एक्ठाच किरील एने कियील देखू, माणहा तुमूह मालूम हि कि ज्याह कामान केरता आपुहू हाजो पोयशा जुडणे.

²⁶ तुमूह देखहुं शकता एने होमलू शकता कि ज्याह पौलुसुसाने फक्त इफिसुस माय पुण लगभग आशियान आखा भगत माणहाह बोहकावना एता तो किथी एतो कि माणहेच बोणाविल बोगवानान खेरो नाहं.

²⁷ एने ऐवी फक्त जिच एक वातीन बिय हि का आमरा ज्या धंदान बदनामी एय; पुण महान देवी अरीतीमिसा ने मंदिर तुच्छ सोमेजणे माय आवी एने ज्याह आखो आशिया एने जग पूजणे ज्यान महत्व भी जात रेंय

²⁸ ताहे-या तासहे होमलील कि तेवी ते जादा रागाम एय गीयो एने मोठली आवाजान केहू लागिल, इफीसीयो ची अरीतीमिस महान हि.

²⁹ तोथा आखा नगरामाय अव्यवस्था पासारील एती तेवी जे माणहे मासेदोनियान रीन आवील गायुस एने अरिस्तर्खुस ला देरील पौलुस एने खेचतेन खेचतेन एखठाच एईन नाट्यगृह दोवळतीन गीया.

³⁰ पौलुस माणहा ओगाण जाहू एतो पुण चेला ताह जाहू आपील नाहं.

³¹ काही प्रांतीय अधिकारी जे तान हेरी एता ताह खोबीर मोकल्य कि विनंती नाट्यगृह जाइन स्वताह धोकाम पेरहू मा.

³² तेवी ता देखू कूण आयडणे, एने काही दिहरान काहाकाय सभान माणाहान कापाली एताली, एने जादा माणहे ते ज्यो जाणताला भी का काहा टोलवायेल एता

³³ यहूद्यांनी सिकंदराह ज्यान नाव गेर्दीमरीन आवा एने सुमोर लावील आलाडीन माणहान होमाज केरतीन एतो,

³⁴ पुण ताहेरया ताह हे मालूम एय गीयो कि तो एक यहूदी हि तेवी ते दुय तासापूरउर एक आवाजामाय आयडे आपील केतेह एता इफीसीयोन बोगवानानी अरीतीमिस महान हि.

³⁵ तेवी नगरान मंत्री गर्दीह शांत केरीन केयील, “हे इफीसीयोन वाला, कुणीह नाह मालूम, का इफीसीयोन ने नगर मोठली अरीतीमिसा मंदिर, एने आकाश मरीन पोडील मूर्तीन राखवाल्यू हि”

³⁶ काहा ज्याह वातुहू नकार आपुह शकत नाहं तान केरता तुमूह ठावको रेणा जुवी जर विचार तर कायीच केरूह नाहा.

³⁷ तुमूह ज्याह माणहाह देरावीन न्या लावील हि ज्यान काही मंदिर लुटील नाहं एने आमरा बोगवानानीन निंदा किरील हि.

³⁸ तेरी पुण देमेत्रुयुस एने तान हेरी काम केरणारा कुणीन विरुद्ध काही तेक्रार हि तर न्यायालय उगाडी हि ताहा-या राज्यपाल हि ताजागेन ते आपसामाय एक दिहरापुर अभियोग चालाडू शकणे.

³⁹ पुण तुमूह ज्याह काही होवटो ओलखना ईच्छामाय तान निर्णय नियमित सभा माय केरील हि.

⁴⁰ जे काही ताणखेत आव्हान जी वातून बारामाय बिणेन हि कि दंगलाचा आमारो तेभी दास काही मारो मुंडीपूरआवहू ज्याह देंगाविषयी आमारो काही लेथू नाहं योग्य ठेरावहु शकणे काही हेडू नाह एता.

⁴¹ ओलोक सातोडा झाडामाय सभा बरखस्त केरील.