2 कुरिंथीयो 4 - नाहाली

माटळ्यान ठामलाम धेन

¹ तान वजेसे जर आपुपूर ओहली दया एनी कि आमूह हि सेवा जुडी हि, तर आमु हिमंत सोडथू नाहं.

² पुण आमु लाज लिकाडील धन सोडीन आपील, एने आमु कपटाने चालतो नाहं, एने बोगवानान वचनामाय मिलावट केरणू; पुण केरतीन नाहं पुण सत्याह प्रकट केरीन, बोगवाना ओगाण प्रत्येक माणहान विवेकात आपणी हाजी वात बोहाडणु.

³ पुण जर आमरा सुवार्ता केरीन पडदु पोडील हि, तर हे नाश एनारान केरता पोडील हि.

⁴ एने ता अविश्वास्यांसाठी, ज्यान बुद्धी आवो जगाच्या देवतांनी आधडू केरीन आपील हि, म्हणजे मसीह जो बोगवान प्रतिरूप हि तान तेजाचा सुवार्तान प्रकाश तापोर चमकेन मां.

⁵ काहाकाय आमु स्वताह नाहं, पुण यीशु मसीहान पोरचार केरतेह; काहा का तो प्रभु हि तान बारामाय ज्यो केतेह, का आमु यीशुन कारण से तुमरा दास हेते.

⁶ तामुळे का बोगवानान हि जो कियील, “अंधराम प्रकाश चमकी” एने तोच आमरा हृदयाम चमकावीदे कि बोगवानान महिमान ओलखातीन प्रकाश यीशु मसीहान आखापूर लेहु.

⁷ “पुण आमरा आहने ते धन मात्ड्या बासनाम मिलील हि कि हे असीमित सामर्थ्य आमुफायरीन नाहं, पुण बोगवान हि देखू रेणेन जुवी.”

⁸ आमु चारुबी दिशांनी संकट तर सहन करने, पुण संकटात दोवडतीन नाहं; आमु घोटाळा पडनु पुण निराश एता नाहं.

⁹ वेखडणु किरील जाथू, पुण आमारो त्याग किरील जात नाहं; पाडिने तर जाथू, पुण नाश एता नाहं.

¹⁰ आमु यीशुन मोरणाह आपणो शरीराम कायम लीन फिरणे कि यीशुन जीवन पुण आमरा शरीराम प्रकट एने जुवी.

¹¹ काहाकाय आमु जीवतालू येतो कायम यीशुकेरीन मोरणेन आथाम होपील जाथू, कि यीशु चे जीवन पुण आमरा मरण पाविल्यो शरीराम प्रकट एने जुवी.

¹² ज्यानप्रमाणे मरण तर आमरा उपेर प्रभाव टाकणे एने जीवन तुमरे पोर.

¹³ तान केरता आमरा माय तोच विश्वासान आत्मा हि, ज्यान विषयातमाय लिखील हि, “मी विश्वास किरील, तामुळे मी बोल्णु.” केरीन आमु पुण विश्वास करने, एने बोलेहे.

¹⁴ काहाकाय आमूह मालूम हि कि ज्यान प्रभु यीशुह जीवतालू किरील, तोच आमूह पुण यीशु माय भागीदार होमजाडीन जीवतालू केरुहू, एने तुवाहेर्यो आपणो ओगाण उपस्थित केरूह.

¹⁵ काहाकाय आखा वस्तु तुमरीकेरता हि, म्हणजे कृपा मोकतान वजेसे जादा एईन बोगवानान महिमाकेरिन धन्यवाद पुण केरणे जुवी.

¹⁶ तामुळे आमु हिमंत सोडथू नाहं; म्हणजे आमारो बाहेरने माणुह नाश एता जाथू, तेभी पुण आमारो माय वाला माणहान प्रत्येक एक दिह नोवालो एता जाथू.

¹⁷ काहाकाय आमारो वेखडणु भारातला फोवरोज संकट आमरे केरता जादा मोहोत्व पुरो एने अनंत महिमा उत्पन्न केरतीन जाथू;

¹⁸ एने आमु देखील वस्तून नाहं पुण देखणार वस्तु दिखिह रेणे; काहाकाय देखू वस्तु थोडो दिहाकेरिन हि, पुण देखणार वस्तु कायम बोणावीन रेतेह.