2 कुरिंथीयो 10 - नाहाली

पौलुसानअधिकार

¹ मी तोच पौलुस जो तुमरीओगाण नम्र हि पुण पासाण तुमरीफाय हिमंत करने, कि तुमूह मसीहान नम्रता एने समस्यामुळ होमजाडणु.

² मी हि विनंती करने कि तुमरीओगाण माहु केठीन एईन हिमंत केरणे पोडहुं नाहा, जोहलो मी काही माणहांपोर जे आमूह शरीराप्रमाणे चालणारे होमोजणु, हिमंत देखाडील विचार करने.

³ काहाकाय जर आमु शरीरा माय चलील, फिरणे, तेभी शरीरानहोस लेडानेह नाहं.

⁴ काहाकाय आमरा भानगडीइ हत्यार शरीरिक नाहं, पुण किल्ले पाडीन टाकणे केरता बोगवानान द्वारे सामर्थी हेते.

⁵ तान वजेसे आमु फुसील एने प्रत्येक वातू, जे बोगवानान ओलखीनाऱ्या विरोधामाय उबरीयेल रेणेन, ताह टूगंवालीत आपथु; एने प्रत्येक विचारांना बंदी केरीन मसीहान आज्ञाकारी बनावथू,

⁶ एने तियार रेणे कि जेहीकाय तुमरो आज्ञा पोहणे पुरो एईन जाहू, तर प्रत्येक प्रकारान आज्ञा बागेज शिक्षा केरावी.

⁷ तुमूह तान वातूह देखू, ज्या डोलान ओगाण हि. जर कोणीही स्वताह उपेर विश्वास हि कि मी मसीहान हि, ताह पुण मालूम जुवी कि तोहोलोज तो मसीहान हि तोहोलोच आमु पुण हि.

⁸ काहाकाय जर आमु ता अधिकारा विषयी उंजू गर्व देखाळाणार, जो प्रभुन तुमरो बिगडाविला नाहं बोनावीलाकेरिन आपील हि तर लाजवालो नाहं.

⁹ हे तुमूह तान केरता किथे कि पत्राहेर्यो तुमूह बिवाडानार मी एहू नाहा.

¹⁰ काहाकाय ते केणु, “तान पत्र तर कठीण एने जोरदार हि; पुण जेहीकाय तो ओगाण एतो, तर तो शरीर आखठा माय वाला दुर्बळ एने तान व्यक्तव्य फोवरो लागीह.”

¹¹ जो इही किथे, ताह मालूम एय कि इही आमरा पासाण आमरा पत्राम आमरा वचने हेते, तोहोलोच तुम्राओगाण आमरा काम पुण एती.

¹² काहाकाय आमूह ओलिक हिमंत नाहं कि आमु स्वताह ला ओहला माणहाहे-यो गेनील जाहू केव्ही ताहेऱ्यो आपुहू मिलावणेन, जा स्वताहन प्रशंसा स्वताह केरणू, एने स्वताह आपसामाय मापासे तोलीत एक दिहरा मिलिन मूर्ख ठरिनील्यु.

¹³ आमु जर बाडारी बाहेर गर्व कोनारू नाहं तर, पुण यता हिवाजागे जी बोगवानान आमरे केरता ठरिनिले हि, एने तामाय तुमूह पुण आवीन गीया हेते, एने ताणुच प्रमाणे गर्व पुण केरुहू.

¹⁴ काहाकाय आमु आपणो बाडारी बाहेर स्वताह वाड्विनार ईच्छा केरतीन नाहं, जोहलो कि तुमाजागेजा पोचाड्नारो अवस्थामाय रेणा हि, पुण मसीहान सुवार्ता होमेललतालु येतो तुमाजागेजा पोचाडीन गीया हि.

¹⁵ आमु बाडारी बाहेर दिहरान कष्टापुर गर्व केरतीन नाहं; पुण आमूह आशा हि कि जोहलो-जोहलो तुमरो विश्वास वोदीह जाहो तोहोलो-तोहोलो आमु आपणो बाडारी अनुसार तुममुळे उंजू वोदनेन जाहू,

¹⁶ म्हणजे आमु तुमरो बाडारी ओगाण जाइन सुवार्ता होमलणार, एने इही नाहं कि आमु दिहीरा सिमेमाय बनवल्या कामापुर गर्व केरुहू.

¹⁷ पुण जो गर्व केरुहू, तास प्रभु पुर गर्व केरणू.

¹⁸ काहाकाय जो आपणी प्रशंसा करने तो नाहं, पुण तान प्रशंसा प्रभु करने, तो ग्रहण केराय जाथी.