1 तीमुथीयुस 4 - नाहाली

जुठा हिकाडणारे

¹ पुण आत्मा साफ रीतीमाय किथी कि आवणारा वेलाम कोलाक माणहे ब्रान्तीन आत्मा, एने दुष्ट आत्मान शिक्षणापूर मोन लागाडील विश्वासु देखहु भटकून जाहू.

² ज्यो ता खोटा माणहान कपटामुळे एय, ज्यान विवेक जीहीकाय हेलेगताला लोखंडा केरीन डाग दियील एय,

³ जे वाराड केरणेन केरता उबारेहू, एने जेवणान काही बिडारापुररीन आलेग रेणेन आज्ञा आपण्यू, ज्याह बोगवानान तान केरता बोणावणेन कि विश्वास एने सत्याह ओलखीणारे ताह आभार मानीन खानारो.

⁴ काहाकाय बोगवानान बोणावली प्रत्येक वस्तु हाजी हि, एने कायीच नाहाकेणे योग्य नाहं; पुण तान केरता कि आभार मानीन खाणेन आवु,

⁵ काहाकाय बोगवानान वचनाने एने प्रार्थना द्वारे शुद्ध एईन जाणे.

मसीह यीशुन हाजाळू दास

⁶ जर बायाक आवो वातील चर्चा तापुररीन किथी रिही का, तर यीशु मसीहान हाजो दास ठेरावील; एने विश्वास एने ता हाजो हिकाडणे वातू पोररीन, ते मानत आवा हीच ताम तारो पोहणे पालनो एता रेंय.

⁷ पुण अशुद्ध एने डायामाणहा वातू पुर रीन आलेग रीवू; एने हाजो भोक्ती मेहनत केरतीन रीवू.

⁸ काहाकाय शरीरान व्यायामापासून थोडो फायदा एतो, पुण भोक्ती आखा वातू केरता फायदा हि, काहाकाय आवो वेलान एने आवणारा जीवनाम पुण प्रतिज्ञा तान केरता आपील हि.

⁹ हे वचन खेरो एने आखा प्ररकारान देरणारान योग्य हि.

¹⁰ काहाकाय आमु मेहनत एने प्रयत्न ज्यानकेरता केर्तेह का आमरी आशा ता जीवताला बोगवानापोर हि, जो आखा माणहान एने विशेष रूपमाय विश्वासीन उद्धारकर्ता हि.

¹¹ आवो वातील आज्ञा आप एने हिकाडतेन रीवू.

¹² कूण तारो जुवान्यांना तुच्छ मानू नाहा; पुण वचनामाय एने वागणे एने प्रेम, विश्वास, एने पवित्र विश्वासणाऱ्यांकेरता नमुना बोनावते रीवू.

¹³ जो ताहवोर मी आविह नाहं, ताहउर वाचणे एने शिक्षण आपणे माय एने हिकाडणे लक्ष्य मेलील.

¹⁴ ज्या वरदानाबद्दल जो तुमूमाय हि, एने भविष्यवाणी द्वारे डाय डायान आथे मेल दी जो तुवाह जुडील एता, नजरकायनाहा केरूह मा.

¹⁵ आवो वातुहू विचार केरतीन, राजा म्हणजे तारी प्रगती आखान देखीत आवी.

¹⁶ स्वताहन एने स्वताहा लेखणेबुखी लक्ष्य मेलील. जी वातुपोर स्थिर रीवू काहाकाय जर इही केरतीन रेणार तर तू आपणा एने आपणो होमलाणार केरता पुण तू उद्धार कारण ठेरावने.