1 तीमुथीयुस 1 - नाहाली

अभिवादन

¹ पौलुसा उखेर रीन जो आमारो उद्धारकर्ता बोगवान एने आशान आधार मसीह यीशुन आज्ञा से मसीह यीशुन प्रेरित हि,

² तीमुथियुसाहन नावापुर जो विश्वासामाय मारो खेरो सोरो हि: आमारो आबुक बोगवान, एने प्रभु यीशु मसीह यीशु फायरीन तुवाह कृपा, एने दया एने शान्ति जुडती रेय.

जुठा हिकाडणारान विरुद्ध चेतावणी

³ जोहलो मी मासेदोनियाला जातेन तुवाह होमजाडील एता, कि इफिसुस माय रेयीन कोलाक माणहाह आज्ञा आपजी कि दिहीरानगीते हिक आपी मा,

⁴ एने ता वातुपोर एने अनंत वंशावळीपुर मोन लागाडू नाहा, ज्यापुररीन वाद उत्पन्न ऐतेह, एने बोगवानान ता व्यवस्था नुसार नाहं, जी विश्वास केरणू आधारित हि. तोहोलोच पोशा किथे.

⁵ आज्ञा मुद्दो हा हि कि शुद्ध मोन एने हाजो विवेक, एने कपट नासोता विश्वासान प्रेम निर्माण एने जुवी.

⁶ ज्याह सोडीन कोलाक माणहे बडबडकेरने वोलीन गीया हेते,

⁷ एने शास्त्री शिक्षक एहू देखताला, पुण ज्या वातू केणु एने मजबूत केतेह, ताह तोज होमजाडणे पुण नाहं.

⁸ पुण आमूह मालूम हि कि जर कूण व्यवस्था योग्य प्रकारे कामाम लावथू तर ते हाजो हि.

⁹ हे मालूम असून कि व्यवस्था धर्मीन केरीन नाहं पुण अधर्मी, अनावर, भोक्तिकेरणू, पापी, अपवित्र, अशुद्ध, आईकआबुक मोणारे, एने हत्या केरणारा.

¹⁰ जारकर्मे, पुंमैथुनी, माणहाह वेचनारे, ठेगणे बोलणारा एने खोटी शपथ खाणारे एने ज्ञान व्यतिरिक्त खेरा उपदेशकाच्या आखा विरोधकाचे मिलील गीयी हि.

¹¹ हे धन्यावादीत बोगवानान महिमाच्या ता सुवार्ता हि जी माहु होपील हि.

अनुग्रहान केरता धन्यवाद

¹² मी आपणो प्रभु यीशुन ज्यान माहु सामर्थ्य आपील हि, धन्यवाद करने कि तान माहु विश्वास योग्य समजून आपणो सेवा केरता निवाड किरील.

¹³ मी तर पेल्लो निंदा केरणार, वेखडणु केरणार, एने खुनकेरणार एतो; तेभी मारपुर दया एनी, काहाकाय मी अविश्वासान ते काम किरील.

¹⁴ एने आमरा प्रभुन कृपा ता विश्वास एने प्रेमामायरीन जो मसीह यीशु माय हि, विपुलतेने एनी.

¹⁵ हि वात खेरो एने मोकता प्ररकारान माणने योग्य हि कि मसीह यीशु पापान उद्धार केरणेन केरता जगाम आवा, ज्यामाय आखान मोठू मी हि.

¹⁶ पुण मारपुर ज्यानकेरता दया एनी का मारपुर आखाह रीन मोठला पापीमाय यीशु मसीह आपणी पुरी सहनशीलता देखाडील, का जा माणहे तापोर अनंत जीवनान केरीन विश्वास केरती तान केरता मी एक उदाहरण एने जुवी

¹⁷ ऐवी अनंत राजा म्हणजे केध्दीह नाश एय नाहं, एने अदृश्य, एकुच बोगवानान सन्मान एने महिमा पिडीन पिडी एता रेणे जुवी. आमेन.

¹⁸ हे सोरा तीमुथियुस, ता भविष्यवक्ता जी पेल्ली तार बारामाय केरील गीयी एती, मी हि आज्ञा तारो आथे आपथु कि तू तान नुसार हाजी लेढाई केरतीन रीवू,

¹⁹ एने विश्वास एने ता हाजो विवेकाह देरीन रीवू, ज्याह सेटो केरतालोन केताके विश्वास केरणार जाहाजे बुडीन गीयी.

²⁰ तामायरीन हुमीनयुस एने सिकंदर हि, ज्याह मी शैतानाला होपीन आपील हि कि तान बोगवानान निंदा केरणेन हिकू नाहा.