1 योहान 5 - नाहाली

जगा पोर विजय

¹ जान हा विश्वास हि कि यीशुच मसीह हि, विश्वास बोगवानारीन उत्पन्न इयील हि; एने जो कूण उत्पन्न केरणारा प्रेम केरीह, तो ताह भी प्रेम केरणे जो उत्पन्न एयील हि.

² जेवी आपु बोगवानारीन प्रेम मेली एने तान आज्ञाना माणने, तर तासे आमु ओळखणे कि आमु बोगवानान सोरापूर प्रेम मेलतेह.

³ कारण कि बोगवानापोर प्रेम मेलणे हे हि कि आमु तान आज्ञाना मानेतू; एने तान आज्ञा केठीन नाहं.

⁴ कारण कि जे काही बोगवानारीन उत्पन्न एय गीयो हि, ते जगा जय प्राप्त केरूह; एने ते विजयी ज्यासे जगा जय प्राप्त एता आमारो विश्वास हि.

⁵ जगा जय मेलविणारा कूण हि? केवळ तो ज्यान हा विश्वास हि कि यीशु बोगवानान सोरो हि.

मसीह ने विषय माय गवाही

⁶ जोस हि तो जो पाणी एने रक्त द्वारा आवील एतो, म्हणजे यीशु मसीह: तोच नाहं केवळ पाण्यान द्वारा नाहं तर पाणी एने रक्त बेनजो द्वारे आवा एतो.

⁷ एने जो गवाही आपथु तो आत्मा हि; कारण कि आत्मा सत्य हि.

⁸ गवाही आपणारा तीन हि, आत्मा, एने पाणी, एने रक्त; एने तीन एकुच वातुपोर समेज हि.

⁹ जेवी आपु माणहान गवाही मानीन लेणे, तर बोगवानान गवाही तर तान तारीन मटली हि; एने बोगवानान गवाही हि कि तान आपणो सोरान विषय माय गवाही आपील हि.

¹⁰ जो बोगवानान सोरो पोर विश्वास करने तो आपणो मायतेच गवाही मेलीह. तान केरता बोगवानापोर विश्वास नाहं किरील तान ताह ठेगणे ठेराव्यू. कारण कि तान ता गवाहिया उपेर विश्वास नाहं किरील जो बोगवानान आपणो सोरान विषय माय आपील हि.

अनंत जीवन

¹¹ एने हि गवाही ती हि कि बोगवानान आमूह अनंत जीवन आपील हि, एने हे जीवन तान सोरो माय हि.

¹² ज्यान आहने सोरो हि, तान आहने जीवन हि; एने ज्यान आहने बोगवानान सोरो नाहं तान आहने जीवन पुण नाहं.

¹³ मी तुमूह जे बोगवानान सोरान नावापुर विश्वास केरणू, जानकेरता लिखील हि कि तुमूह मालूम एय कि अनंत जीवन तुमाजे हि.

प्रभावी प्रार्थना

¹⁴ एने आमु तान ओगाण जे धेर्य हि, ते हे हि; कि केध्दीह आमु तान इच्छेकेरिन नुसार काही मागणे तर तो आमरा होमलथू.

¹⁵ जेवी आमु ओळखणे कि जे काही आमु मागणे तो आमरा होमलथू, तर हे पुण ओलकतेह कि जे काही मोना माय तान फायरीन मांगील, ते मिळवणे हि.

¹⁶ जर कूण आपणो बायाक इही पाप केरतालून देखील ज्यान फोल मृत्यू नाहं होवो, तर विनंती केरू, बोगवान ताह तान केरता ज्यान इही पाप किरील हि, ज्यान फल मृत्यू नाहं, जीवन आपुहू पाप असेप्न हि कि ज्यान फोल मृत्यू हि; ज्यान विषय माय विनंती करण्या केरता नाहं किथी.

¹⁷ आखा प्रकारचा अधर्म तर पाप हि, पुण इही पाप पुण हि ज्यान फोल मृत्यू नाहं.

सेवट

¹⁸ आमु ओळखणे, कि जो कूण बोगवाना फायरीन उत्पन्न एनो हि, हे पाप नाहं केरतीन; पुण जे बोगवाना फायरीन उत्पन्न एनो हि, ताह तो वोचाडीन मेली, एने तो दुष्ट ताह नाहं आथ लागाड सिकीह.

¹⁹ आमु ओळखणे कि आमु बोगवाना फायरीन हि, एने आखा जग ता दुष्टाच्या वशमाय पोडील हि.

²⁰ एने आमु हे पुण ओळखणे कि बोगवानान सोरो आवा हि एने तास आमूह समझ आपील हि आमु ता खेरलाह ओलेखने; एने आमु तापोर जो सत्य हि म्हणजे बोगवानान सोरो यीशु मसीहा माय रेणे. खेरो बोगवान एने अनंत जीवन ज्याच हि.

²¹ हे सोरा, तुमु स्वतांह मूर्ती से वोचाडीन मेल्जू.