1 योहान 1 - नाहाली

जीवनान वचन

¹ ता जीवनान वचनान विषयींमा जो पेलूजरेन एतो, ज्याह आमु होमलेल, एने ज्याह आपणे डोला केरीन देखील, पुण ज्याह आमु होस केरीन देखील एने आथ लागाडया.

² हे जीवन प्रगट एय गीयो, एने आमु ताह देखील, एने तान गवाही आपतेह, एने तुमूह ता अनंत जीवनान समाचार केरणू जे आबाकहे-यो एतो एने आमऱ्येपुररीन प्रगट एनो.

³ जे काही आमु देखील एने होमलेल हि तान समाचार तुमूह पुण आपथु, तान केरता कि तुमूह पुण आमरा हेरी सहभागी होवो; एने आमरी हि सहभागिता पित्यासोबत एने तान सोरो यीशु मसीहान हेरी हि.

⁴ एने जी वातू आमु ज्यानकेरता लेखथूह कि आमारो आनंद पुरो एने जुवी.

उजाला माय चालणो

⁵ जो समाचार आमु तान तारीन एकाहा एने तुमूह होमलाळणे, ते हे हि कि बोगवानान प्रकाश हि एने तामाय कायीच आंधारो नाहं.

⁶ थोडोक आमु केहू तर तान हेरी आमरी सहभागिता हि एने पोशा आधारामाय जाणे, तर आमु ठेग हि एने सत्यावर एने चालतो;

⁷ पुण जर इही ते उजालाम हि, तोहोलोच आम्हुबी उजालाम चालणे, तर एक दिराहेरी सहभागिता मेलतेन, एने तान सोरो यीशुन रक्त आमु आखाच पापांनी शुद्ध करने.

⁸ जर आमु केहू कि आमरा माय कायीच पाप नाहं, तर आपणो पाप धोका आपथु, एने आमरा माय सत्य नाहं.

⁹ जर आमु आपणो पाप मानीन लेहु, तर तो आमरा पाप क्षमा केरणेन केरता एने आमु आखान पापापासून शुद्ध केरणेन केरता विश्वास योग्य एने खेरो हि.

¹⁰ जर आमु केहू कि आमु पाप नाहं किरील, तर ताह ठेगणे होमोजणु, एने तान वचन आमरा माय नाहं.