1 कुरिंथीयो 7 - नाहाली

वाराडान से सम्बन्धीत प्रश्न

¹ ता वातून विषयी तुमु लिखील, जो हाजो मालूम होय का माणहे बायकू ला आथ लागाडे नाहा.

² पुण व्यभिचाराच्या बियान प्रत्येक एदम्या बायकू, एने प्रत्येक बायकू एदमी रोनुजुविह.

³ एदमी आपणो बायकू हक्क पुरो केरुहू; एने तोहोलोच बायकू पुण आपणो एदमी.

⁴ बायकू आपणो शरीरपोर अधिकार नाहं पुण तीन एदमी अधिकार हि; तोहोलोच एदमी पुण आपणो शरीरपोर अधिकार नाहं, पुण बायकू हि.

⁵ तुमूह एक दिहरा आलेग रेहू; मा पुण फक्त काही टायमापोरउर परस्पर लेतजा केरील प्रार्थनासाठी टाइम मिळवा, एने ओवतो एक्ठाच रीवू एहलो एणेन मां कि तुमरो असयंमाच्या कारणाने शैतान तुमूह पारखी.

⁶ पुण मी जो हे किथे ते आज्ञा केरीन नाहं तर सवलत केरीन किथे.

⁷ मारी हि ईच्छा हि तोहोलोज मी हि तोहोलोच आखा माणुह एय पुण आखाह बोगवाना फायरीन आलेग आलेग वरदान जुडील हि कोणीही कायताहा प्रकारचा एने कोणीही दिहीरा प्रकारचा.

⁸ पुण मी कुवारू एने राडाली विषयी किथे कि तान केरता ओहलाच रेणेन, हाजो हि जोहलो मी हि.

⁹ पुण ते स्वताह संयम एहू शकत नाहं, तर वाराड केरीन; लेजी काहाकाय वाराड केरणेन कामातूर रेनेसे हाजो हि.

¹⁰ ज्यान वाराड एय गीयो हि ताह मी नाहं, पुण प्रभु आज्ञा आपथु कि बायकूने आपणो एदम्या हेरी आलेग रेहू नाहं.

¹¹ एने जर आलेग पुण एय गीयो, तर दिहरा वाराड केरता रिजी; केव्ही आपणो दोहाहेर्यो पोशा मेल केरीन लेहु एने डोस्या पुण आपणो बायकूह सोडहुं नाहा.

¹² दिहीरा मुळे प्रभु नाहं पुण मीच किथे, जर बाहाक कुणीन बायकू विश्वास केरतीन नाहं एने ताहेऱ्यो रेणेन आनंद हि, तर तीह सोडहुं नाहा.

¹³ ज्या बायकू एदमी विश्वास केरतीन नाहं, एने तिहे-यो रेणेन आनंद हि; तर तिने एदम्याह सोडहुं नाहा.

¹⁴ काहाकाय ओहलो जो एदमी विश्वास केरतीन नाहं तो डह्लीबाहि पवित्र ठेरहू; नाहं तर तुमरो सोरा अशुद्ध रेणा हि पुण ऐवी तर पवित्र हि.

¹⁵ पुण जो माणहे विश्वास केरतीन नाहं, जर तो आलेग एतो तर आलेग एहू दया, ओहला अवस्थामाय कूण बाहाक केव्ही बोणिक बोन्दिमाय नाहं. बोगवानान आपुहू मिलिन मोलीन रेणेन केरता हादाडील हि.

¹⁶ कारण हे बायकू, तुवाह काय मालूम हि कि तू आपणो एदम्या उद्धार केरीन लेहु? एने हे एदम्या, तुवाह काय मालूम कि तू आपणो बायकून उद्धार केरीन लेहु?

बोगवानान हादाडनेन अनुसार चालू

¹⁷ जोहलो प्रभुन आखाह वाटीन आपील हि, एने बोगवानाने आखाह जोहलो हादाडील हि, तोहोलोच तान चालणे. मी आखा कलीसिया माय ओहलाच ठेराव करने.

¹⁸ जो खतना किरील हादाडील गीयो रेंय, तो खतनान एयेल बोणावूहु नाहा जो खतनान एयेल हादाडील गीयो हि. तान खतनान केरावी.

¹⁹ नाहं खतना काही हि एने नाहं खतनान एयेल, पुण बोगवानान आज्ञा केणेन आखा काही हि.

²⁰ प्रत्येक जन ज्या अवस्थामाय हादाडील गीयो हि, तान मायूम रिजी.

²¹ जर तू दासाहा अवस्थामाय हादाडील गीयो हि तर चिंता केरूह मां; पुण जर तू मुक्त एहू शकणे तर तोहोलोच काम केर.

²² काहाकाय जो दासाहा अवस्थामाय हादील गीयो हि, तर तो प्रभुन मुक्त किरील हि तोहोलोच जो हाजो अवस्थामाय हादाडील गीयो हि. तर तो मसीहान दास हि.

²³ तुमूह किंमत आपील वेचातो लेद्लो हि; तुमूह माणाहान दास बोणावूहु मा.

²⁴ हे बायहो, जो कूण ज्या अवस्थामाय गोगाडेंए गीयो हि, तान तामायुज बोगवानाबरोबर रिजी.

नाहवाराडा वाला एने विधवा

²⁵ कुवारी बद्दल प्रभुन काल्लीज आज्ञा माहु जुडी नाहं, पुण विश्वास योग्य रेणेन केरता जीही दया प्रभुन मारपुर केरील हि, तान प्रकारे सहमती आपथु.

²⁶ मारो विचाराम हे हाजो हि, आजीन परिस्थितीम रागाईल माणुह तोहोलोज हि तोहोलोच रिजी.

²⁷ जर तुमूह बायकू हि, तर तिहीरीन आलेग रेणे प्रयत्न केरूह मा; एने जर तारी बायकू नाहं, तर बायकू होदणे केरूह मा.

²⁸ पुण जर तू वाराड केरुहू पुण तर पाप नाहं; एने कुवारीने वाराड किरील तर पाप नाहं. पुण ओहलाह शारीरिक दुख एय, एने माहु वोचाळणु हि.

²⁹ हे बायहो, मी इही किथे कि टाइम थोडो किरील गीयो हि, तामुळे ज्यान बायकू हि, ते इही रेणेन जुवी कि जिहकाय तान बायकू नाहं.

³⁰ एने रेड्णारे इही रेडने जुवी, कि जणूकाही रेडतेन नाहं; एने आनंद केरनारामाय, ओहलो आनंद केरू कि जोहलो कि आनंद केरतीन नाहं एने वेचातो लेणारा इही रेणेन जुवी कि तान आहने जीही काही कायीच नाहं.

³¹ एने जगाहेरी इही रेणेन जुवी कि हाहराहेर्यो रेयीनजगणारे मां कारण आवो जगाच्या रीत एने व्यवहार बोद्लील जातेह.

³² पासाण मारी ओहलो ईच्छा हि कि तुमूह चिंता एहू नाहा, कुवारो प्रभुन वातून चिंतेमाय रेणे कि प्रभुह केवी आनंद मेलणेन.

³³ पुण वाराड माणुह, जो जगाच्या वातून चिंतेमाय रेणे कि आपणो बायकू कानले प्रकारे आनंद मेलणेन.

³⁴ वाराड किरील एने वाराड काम केरीन पुण जगाम भेद हि वाराड किरील प्रभुन चिंतेमाय रेतेह कि तो शरीर एने आत्मा दुयोमाय पवित्र रेणेन जुवी.

³⁵ मी हि वात तुमरो फायदान केरीन फोसाडणे नाहं, पुण तान केरता कि हाजो लागीह तोहोलोच किरील जातेह, कि तुमूह एक मनगाडीन एय प्रभुन सेवा बोणावीन रिजी.

³⁶ जर कूण हे समजी मी आपणो ता कुवारी हक्क देतेन होयतीया जुवान पंजालो रीईल हि, एने जरुरी पुण हि, तर जोहलो जुवी तोहोलो केरणू याम पाप नाहं तर तीन वाराड एहू आपज्यू.

³⁷ पुण जो मोना माय विचार रेणे एने ताह आवश्यक नाहं पुण आपणो ईच्छापूर अधिकार मेली एने आपणो मोना माय हि वात ठेरिनीन लीईल रेंय कि तो आपणो जुवान सोरीह कुवारी मेलूह, तर तो हाजो करने.

³⁸ तान केरता जो आपणो कुवारी वाराड केरीन आपथु, तो हजो करने एने जो आपणो जुवान्याहा वाराड केरीन आपतेन नाहं, तो उंजू जादा हाजो करने.

³⁹ जेवीवोर कुणी बायकू माणहान जीवतालू रेणे ताहउर ती ताहेऱ्यो बांधील हि; पुण जर तीन एदमी मोरणु रेंय तर जे तीह पोटीह वाराड केरूह शकते पुण फक्त प्रभु मायच.

⁴⁰ पुण जीही हि जर तोहलीच रेयतो, मारो विचाराम उंजू धन्य हेते; एने मी होमजथी कि बोगवानान आत्मा कुणबी पुण हि.