1 कुरिंथीयो 2 - नाहाली

क्रुस पोर चेढील मसीह ने विषयी संदेश

¹ हे बायहो, जेवी मी बोगवानान वचन केतेन तुमरेहे-यो आवो, ते शब्द एने ज्ञान से नाहा आवो.

² काहाकाय मी ज्यो ठेराव लियील इतू, का यीशु मसीह भी क्रुस पोर चेढाविल मसीहाह सोडीन एने काल्लोबी दिहिरी वातूह नाय जाणू

³ मी अशक्त पणाने एने भितीपुररीन, एने जुलुम काटीन येतो तुवाहेर्यो रेणू;

⁴ एने मारा वचन, एने मारो पोरचारा माय ज्ञानाह विहिरावणारी वात नाहं, पुण आत्मा एने सामर्थ्यान प्रेमान एता,

⁵ तान केरता कि तुमरो विश्वास माणहान ज्ञानावर नाहं, पुण बोगवानान सामर्थ्यान अवलंबून हि.

बोगवानान ज्ञान

⁶ तेभी पुण हेल्लीच माणहामाय आमु ज्ञान होमलाडेहे, पुण ता संसारान एने आवो संसारान नाश एणाराह हाकीम ज्ञान नाहं;

⁷ पुण आमु बोगवानान ते लिकाडील ज्ञान, जे उघड नासोता रीतीपूर किथे ज्याह बोगवानान सनातना पासून आमरा महिमासाठी निवाड किरील हि.

⁸ जे जगाच्या हाकीमां मधून कुनुस ओलखिल नाहं, कारण जर तास ओलखिल हि तर तेजस्वी प्रभुह क्रुस पोर चेढ़ाइल नसतू.

⁹ पुण जोहलो लिखील हि. “ज्या वातू डोलाकेरिन देखल्या नाहं, काना केरीन होमल्या नाहं, एने ज्या वातू माणहान विचाराम आवीन नाहं, तान हि ज्या बोगवानान आपणो प्रेम केनारान केरता बानावल्या हि.”

¹⁰ पुण बोगवानान ताह आपणो आत्मान द्वारे आमरा उपेर प्रगट किरील, काहाकाय आत्मा आखी वातूह पारखी लेणे ओलख नाहं तर बोगवानान लिकाईल वातू पुण पारखणे लेणे.

¹¹ माणहा मायरीन कूण काल्लोबी माणहान वातू पारखिल्यु लेणे फक्त माणहान आत्मा जी तामाय हि, तोहोलोच बोगवानान वातू पुण कुणीहुच मालूम नाहं, फक्त बोगवानान आत्माच जाणीह.

¹² पुण आमु जगान आत्माह नाहं, पुण आमूह तो आत्मा जुडील हि जो बोगवाना फायरीन हि, का आमु त्यू वातूह जाण लेज्यू, ज्यू बोगवान आमूह आपील हि

¹³ आमु माणहान हिकाडील वातुपोर नाहं, पुण आत्मा माय हिकाडील वातीमाय ज्याह आत्मिक वातीमाय मिलवीत होमलाळणे.

¹⁴ पुण शारीरिक माणुह बोगवानान आत्मान वातू हिकाडी नाहं, काहाकाय ते तान नजरोम मुर्खातिही वातू सारकोस हि, एने नाहं ते तीह होमजू केरसेक्तालू कहाकाय तान ओलेख आत्मिक रीतीमाय एता.

¹⁵ आत्मिक जन आखा काही पारखितो, पुण तो स्वताह कुणीफायरीन समजीत्लू जात नाहं.

¹⁶ “काहाकाय प्रभुन मोन कोणीही मालूम हि का ताह हिकाडील” पुण आमरा माय मसीहान मोन हि.