1 कुरिंथीयो 15 - नाहाली

मसीहान पुनरुस्थान

¹ हे बायहो, ऐवी मी तुमु ता सुवार्ता ची एआवीह आपणेन मांगथू जो मी तुमु होमलायेल एतो, एने तुमु पुण ज्याह केरीन एता एने ज्यामाय तुमु कायम स्थिर रेणा हेते.

² एने ताणुच द्वारा तुमरो उद्धार भी हि, जर ती सुवार्ताह जी मी तुमूह होमलायेल इर हि का; नाह ते तुमरो विश्वास केरणे वाया एय गीयो.

³ जी आखामाय पोहेली वात माहु जुडी एती, ताह मी तुमाजागेजा पोचाडीन आपील कि शास्त्रा नुसार मसीह आमरा पापाकेरता मोरणु,

⁴ एने ताह बुजील गीया, एने शास्त्र किथे पोशा ताह जीवतालू केरीन उठाडील गीयो,

⁵ एने पोशा तो कैफा समोर प्रकट होवयोताहा तान ओवतो तान दर्शन आपील.

⁶ पोशा तो पाचशे पेक्षा जादा बायाक एक्ठाच देखानो, तामायरीन मोक्तास जन आजवोर जीवतालू हि एने केताके मरण पुण एय गीयो हि.

⁷ तान पासाण तो याकूबाओगाण प्रकट एनो एने तेवी तान प्रेरितांन पोशा दर्शन आपील.

⁸ एने आखानुच सेवट तान माहु पुण दर्शन आपील, मी तर टाइम पेल्ला हारकोज ज्न्माआपले सात मोहिनाआ सोरान होस हि.

⁹ कारण मी तर प्रेरिता माय आखामाय आत्या हि, इरोत कि मी तर प्रेरित केरणू योग्य नाहं हि, कारण मी तर बोगवानान कलीसियान वेखडणु केरतीन नाहं.

¹⁰ कारण बोगवानान कृपेने मी तोहोलो बोणील हि, आज हि मारपुर तान वाया कृपा केरील गीयी नाहं, मी तर ता आखा पेक्षा आखारीन जादा मेहनत किरील हिपूण तो मेहनत केरणार मी नाहं एतो, पुण ती बोगवानान कृपा एती जी मारहे-या रेथे एती.

¹¹ पुण जर मी तुमूह मी हिकाडतालु आपील एती, जर तास आमु आखा ज्याच हिकाडतालु आपतेन असतो एने यापोरीन तुमूह विश्वास किरील.

आपणो पुनरुस्थान

¹² केरीन ताहेरया मसीहान मुरील मायरीन पोशो जीवतालू पोरचार किरील गीयो, तर तुमरे मायरीन काही जन इही काहा केणु का मोरणेन बादमाय पोशा जीवतालू उठणे शक्य नाहं.

¹³ एने जर मृत्यू ओवतो जीवतालू उठणे हीच नाहं, तर ओवतो मसीह भी मुरील मायरीन जीवतालू किरील गीयो नाहं;

¹⁴ एने जर मसीहान जीवतालू किरील गीयो नाहं तर आमरा पोरचार हिकाडतालु आपणे वाया हि एने तुमरो विश्वास पुण वाया हि.

¹⁵ एने आमु पुण ओवतो बोगवान विषयी ठेगणे गवाहीदार ठेरहू; कारण आमु पुण बोगवाना ओगाण शपथ लीन हि गवाही आपील हि, कि तान मसीहान मृत्यू मायरीन जीवतालू किरील हि पुण तान वर्नोहोस जर मुरील जीवतालू एता नाहं.

¹⁶ कारण मुरील जीवतालू किरील पोरचार नाहं, तर मसीहान पुण जीवतालू किरील नाहं;

¹⁷ एने जर मसीहान जीवतालू किरील नाहं, तर ओवतो तुमरो विश्वासच वाया हि एने तुमूह ऐवी पुण पापामाय ठ्गाल्ये हेते.

¹⁸ होव, तर ओवतो तान केरता मसीहान केरीन आपणो जीव आपील ते ओहलाच नाश एय गीयो.

¹⁹ जर आमु आपणे ओगांण भौतिक जीवनेनकेरिन यीशु मसीहात आपणी आशा मिलील हि तर ओवतो आमु आखा माणहा फायरीन लाचार हेते.

²⁰ पुण ऐवी वास्तविक हे हि कि मसीहान मुरील मायरीन जीवतालू किरील गीयो, तो मोरणेन पेल्ला फोल हि.

²¹ कारण ताहेरया एक मनुष्याद्वारे मरण आवा, तर एक मान्हापुररीन मोरनारापुररीन पोशो जीवतालू उठणे आवा हि.

²² कारण तोहोलोच जोहलो आदमच्या कामान वजसे आखा केरीन मरण आवा तोहोलोच मसीहाद्वारे आखा पोशा जीवतालू किरील जाहो,

²³ पुण आखाह तान स्वताहा कामापुररीन आखा: पेल्ला मसीहान, जो फसाहाचा पेल्लो फोल हि एने ओवतो तान आगमनान टाइम ताह जे मसीहान हेते.

²⁴ तान पासाण ताहेरया मसीह. आखा न्यायी, अधिकारी, आखा प्रकारान शक्ती नाश केरीन राज्या परमपिता बोगवानान आथामाय होपीन आपण्यू तेवी प्रलय एय जाहू.

²⁵ केरीन ताहेरया ताहवोर बोगवान मसीहान वैर्यांना तान पाया बुंदे केरीन आपतेन नाहं ताहउर तान राज्य केरणेन आवश्यक हि.

²⁶ आखाआ शेवटेस शत्रुच्या रुपान मोरने नाश किरील जाहो.

²⁷ कारण बोगवान आखाह पाया बुंदे मिलील हि तामाय देखू, ताहेरया शास्त्र किथे, “आखा काही तान अधीन केरीन आपील हि” तर ज्यान आखा काही तान अधीन चरणी किरील हि, तो स्वताह ताउगेरीन आलेग हि.

²⁸ एने आखा काही मसीहान अधीन केरीन आपील हि, तर न्याओर कि स्वताह सोरा पुण ता बोगवानान अधीन केरीन आपील जाहो ज्यान आखा काही मसीहान अधीन किरील हि म्हणजे आखापूर पुरो पणे बोगवानानामाय राज्य रेणेन जुवी.

²⁹ नाहं तर तान केरता आपणो जीव आपील हि ज्यान मुळे तान केरता बाप्तिस्मा लियेल हि ते काय केरुहू? जर मुरील पोशो जीवतालू होय नाहं तर माणहाह तान केरता बाप्तिस्मा काहा आपील जातेह?

³⁰ एने आमु पुण प्रत्येक टाइम संकट काहा सहन केरतीन रेणे?

³¹ हे बायहो, तुमरीकेरता मारो तो गर्व ज्याह मी आमारो प्रभु यीशु मसीहा माय स्थित एणेन केरता मेलीताह गवाही केरीन शपथ पूर्वक किथी हि कि प्रत्येक एक दिह मोरने.

³² जरी मी इफिसुस माय जंगली जनावरहेरी मानवीय स्वतापूर धन्यावादीत एतो तावजेसे माहु काय मिलना? जर मुरील जीवतालू किरील जात नाहं, “तर खा, पिवू, एने मा जे केरू कारण हेकाले तर मोयलो हि.”

³³ फिरनारो बंद केरू, “वाईट संगती ने हाजी वागणू नष्ट एय जातेह.”

³⁴ शुद्धीपूर आवो, हाजो जीवन आहने ली जोहलो तुमूह एणेन जुवी पाप केरणेन बंद केरू; कारण तुमरो मायरीन काय तेभी इही हेते जे बोगवानाबद्दल कायीच मालूम नाहं मी हे तान केरता किथी हि कि तुमूह लाज आवील जुवी.

पुनरुस्थानान शरीर

³⁵ काहा कोणबी फुसहु शकणे, “मुरील केवी जीवतालू केरूह केरसेक्तालू? एने ते पोशा केवी डील रीगाडीन आवते?”

³⁶ तुमूह कोलाक मूर्ख हेते तुमूह जे पेर्त्लू ते जेवीवोर मोरीन जात नाहं, तो ताहवोर जीवतालू एता नाहं.

³⁷ एने जीहीउर तुमूह जे पेर्त्लू तान शरीर हि तो जे झाड पासिरीनारू हि तुमूह ता बोल्या झाडाह तोर्तीम पेरथु नाहं फक्त भी पेरणेन जर तो गोवान दाणा रेंय केव्ही दिहरो कुणीबी.

³⁸ ओवतो बोगवानान जीही लागणे तस शरीरताह आपथु प्रत्येक बीज ला तो तान स्वताह चेढील प्रदान करने.

³⁹ आखा जीवतालू जोनावारा शरीर एक हारकाज एता नाहं माणाहान शरीर एक हारकाज रेणेन पुण जोनावारा शरीर दिहीरा प्रकारान, चिडान शरीर अलग हि एने मासान आलेग.

⁴⁰ काय भी शरीर स्वर्गीय रेणू एने काही खेतेमएणार रेणू एने काही पार्थिव पुण स्वर्गीय शरीरान तोज एक प्रकारान रेणू एने पार्थिव शरीरान दिहरा प्रकार.

⁴¹ सूर्यान तेज एक प्रकारचा असतो एने चांदान दिहीरा प्रकारचा चांदन्यामाय तोज पुण एक आलेग प्रकार रेणे.

⁴² पुण मुरील जीवतालू उठी तेवी पुण ओहलाच एय ते शरीर ज्याह धरतिमाय पुरीत पेरील गीया हि खेतेमएणार हि पुण जे शरीर ज्यान पुनरुस्थान एय गीयो हि अविनाशी हि.

⁴³ तो अनादर हेरी पेराथी, एने जोरेच जीव उठीह; निर्बलता हेरी पेराथी; एने सामर्थ हेरी जीव उठीह.

⁴⁴ ती काया जी धरतिमाय पुरगियो गीयी हि पुण ज्याह पोशो जीवतालू किरील गीया ते आत्मिक शरीर हि जर शारीरिक शरीर रेतेह तर आत्मिक शरीरान पुण अस्तित्व हि.

⁴⁵ शास्त्र किथी हि, “पेल्लो माणुह आदम एक सजीव प्राणी बोणील पुण आखाफासान आदम मसीह जीवन आपणार आत्मा बोणील.

⁴⁶ आत्मिक पेल्ला आविह नाहं पुण पेल्ला आवी चिहटालल्ली एने ओवतो तानंतर आत्मिक.

⁴⁷ पेल्ला माणहाह पृथ्वीन तुलावाईही बोनाईल गीयो एने दिहरो माणुह मसीह स्वर्गामाय रीन आवा.

⁴⁸ जोहलो ता माणहान रचना तुलावाईही एनी, तोहोलोच आखा माणहे मातडयामाय बुणील एने ता स्वर्गीय एदम्यानहोस दिहरा माणहे पुण स्वर्गीय हेते.”

⁴⁹ तेभी जोहलो आमु ता मातडयो रूप पेरणु किरील तोहोलोच ता स्वर्गीय रुपये पेरणु केरुहू.

⁵⁰ हे बायहो, मी तुमूह केहू रेणा हि कि मा एने रक्त आमरा हे खेतेमएणार डील बोगवानान राज्यान उतराधिकारी मिळवू शकत नाहं, जे नाश एणारुज हेते ते अविनाशाचे अधिकार प्राप्त केरूह शकत नाहं.

⁵¹ देखो, मी तुमूह एक रहस्य पुरो सत्य किथे, आमु आखा मोरण्यू नाहं पुण आमु आखा बोदलीन जाहू,

⁵² ताहेरया फासाडी तेहा वाजिजाऐ तेवी क्षणाम, इही एय जाहू कारण तेहा वाजिजाऐ एने मुरील, अमर एय जीवतालू उठी एने आमु जे ऐवी जीवतालो हेते, बोदलीन जाहू.

⁵³ कारण आवो खेतेमएणार शरीराह अविनाशी चाल प्राप्त केरणेन आवश्यक हि एने मरण शील कायाला अमर चाल प्राप्त केरणेन आवश्यक हि.

⁵⁴ केरीन ताहेरया हे नाश एणारुज डील अविनाशी चाल चालणो प्राप्त केरीन लेहु तर शास्त्रलेख हा पुरो एय, “विजया मोरणाह गीतीते लीईल हि.”

⁵⁵ “हे मरणा तारो, विजय का हि? हे मरणा, तारी नांगी का हि?

⁵⁶ मोत ने डंक पाप हि; एने पाप ने बल व्यवस्था हि.

⁵⁷ पुण बोगवानान धन्यवाद ओहलो जे प्रभु यीशु ख्रीस्तावजेसे आमूह विजय मेलावीन आपथु.

⁵⁸ तेभी मारो प्रिय बायहो, तुटणारे बोणावीन पुरल्यो रीवू, प्रभु कार्याप्रती स्वताह कायम पुरो एय गीयो, साखजपर्ण केरीन दया कारण तुमूह तर मालूम हि कि प्रभु माय किरील गेलेले तुमरो काम वाया नाहं.”