1 कुरिंथीयो 1 - नाहाली

अभिवादन

¹ पौलुसा फायरीन जो बोगवानान ईच्छा से यीशु मसीहान प्रेरित केरता हादील एतो एणेन आमारो बाहाक सास्तीनेस न्या फायरीन,

² बोगवानान ता कलीसियान नावापुर जी कुरिन्थियो माय हेते हि, म्हणजे तान नाव जे मसीह यीशु माय पवित्र किरील हेते, एने पवित्र एणेन केरता हादाडील हेते; एने ता आखाह हाजो नावान जे प्रत्येक जागीपोर आमुफायरीन आपणो प्रभु यीशु मसीहान नावान प्रार्थना केरणू.

³ आपणो आबोक बोगवान एने प्रभु यीशु मसीहा फायरीन तुमूह कृपा एने शान्ति जुडते रेंय

मसीह माय आशीष

⁴ मी तुमरे विषयामाय आपणा बोगवानान धन्यवाद केरथू, ज्यानकेरता का बोगवानान कृपा तुमरे पोर मसीह यीशु माय एनी

⁵ का तान मायरीन तुमूह प्रत्येक वातून, म्हणजे आखा वचनामाय एने आखा ज्ञानात मालदार एय जायील हेते.

⁶ कि मसीहान गवाही तुमरे माय पाक्को निकेलनी.

⁷ न्याओर कि वरदान माय तुमूह थोडो भी कमी नाहं, एने तुमूह आपणा प्रभु यीशु मसीहान प्रगट ला वाट दिखिती रेतेह.

⁸ तो तुमूह शेवेट ताहवोर स्थिर केरुहू कि तुमूह आपणा प्रभु यीशु मसीहान दिहामाय निर्दोष निकालणेन जुवी.

⁹ बोगवान विश्वास योग्य हि, ज्यान तुमूह आपणो सोरो आमारो प्रभु यीशु मसीहान संगतीमाय हादाडील हि.

कालीसियामाय फुट

¹⁰ हे बायहो, मी तुमूह आपणा प्रभु यीशु मसीहान नावान विनंती केरथू कि तुमूह आखा एकुच वात केवो, एने तुमरे माय फुट रेणेन मां, पुण एकुच मोन एने एकुच विचार केरीन मिलिन रीवू.

¹¹ कारण हे मारो बायहो, खलोईल कुटुंबांआ माणहान माहु तुमरो विषयाम कियील हि कि तुमरे माय लेडानु एता हेते.

¹² मारो केरणू अर्थ हि कि तुमरे मायरीन कूण तर स्वताह “पौलुसान” तर कूण “अप्पुलोसचा” तर कूण कैफाचा, तर कूण “मसीहान” किथी हि.

¹³ काय मसीहान तुमूह भाग पाडीन आपील हि? काय पौलुस तुमरीकेरता क्रुस पोर चेढाविन गीयो? केव्ही तुमूह पौलुसुसान नावापुर बाप्तिस्मा जुडील?

¹⁴ मी बोगवानान धन्यवाद करने कि क्रिस्पूस एने गयुस न्या सोडीन मी तुमरे मायरीन कुणीहुच बाप्तिस्मा आपील नाहं.

¹⁵ कां इही एणेन मां कि कूण केनार तुमूह मारो नावापुर बाप्तिस्मा जुडील.

¹⁶ एने हा, मी स्तीफणुसाच्या कुटुंब पुण बाप्तिस्मा आपील; न्या सोडीन माहु मालूम नाहं कि मी उंजू कोणीही बाप्तिस्मा आपील.

¹⁷ कारण मसीहाने माहु बाप्तिस्मा आपणे केरता नाहं, तर सुवार्ता केनेनकेरता मोकलील हि, एने हे पुण शब्दान ज्ञानाप्रमाणे नाहं, इही एणेन मां कि मसीहान क्रुस वाया ठेरणार.

मसीह बोगवानान ज्ञान एने सामर्थ हि

¹⁸ कारण क्रुस ची वात नाश केरणारान केरता मूर्खता हि, पुण आपु उद्धार मिलावनेकेरीन बोगवानान सामर्थ्य हि.

¹⁹ कारण लिखील हि, “मी ज्ञानवानांच्या ज्ञानाह नाश केरुहू एने होमजनेपेक्षा समजावे तुच्छ केरीन आपण्यू.”

²⁰ कां रेणू ज्ञानवान? कां रेणू शास्त्री? कां रेणू आवो जगान वातू केरावणार? काय बोगवानान जगाच्या ज्ञानाह मूर्खता ठेरायेल नाहं?

²¹ कारण ताहेरया बोगवानान ज्ञानाप्रमाणे जगान ज्ञानासे परमेश्वाराला ओलखिल नाहं तर बोगवानान हे हाजो लागनो कि आवो पोरचार गांडाहारखो विश्वास केरणारा उद्धार आपण्यू.

²² यहूदी तर चिन्हे मांगताला एने, यूनानी ज्ञानाच्या होदमाय हि,

²³ पुण आमु तर ता क्रुस पोर चेढाविल येतो मसीहान पोरचार करने, जे यहूद्यांसाठी ठोकराचे कारण एने दिहरी जाती केरता मूर्खता हि.

²⁴ पुण जे हादाडील हि ते काय यहूदी, काय यूनानी, ताहेऱ्यो मसीह बोगवानान सामर्थ्य एने बोगवानान ज्ञान हि.

²⁵ कारण बोगवानान मूर्खता माणहान ज्ञानापुररीन ज्ञानवान हि एने बोगवानान लुलोहो माणहान परयापरत जादा बलवान हि.

²⁶ हे बायहो, आपणो हादणेन जाणेन विचार केरू शरीराप्रमाणे तर जादा ज्ञानवान एने जादा सामर्थी नाहं एने कुलीन इही हादाडील.

²⁷ पुण बोगवानान जगाच्या मूर्खानां निवाडीन लीईल म्हणजे ते हुशार माहुउ लज्जीत केरुहू एने बोगवानान जगाच्या मूर्खाह निवाडीन लीईल हि कि जोरावाराह् लज्जीत केरुहू;

²⁸ एने बोगवान जगान गेरीब एने तुच्छ मानीलाह जां नगण्य ताह भी निवाडील ज्यानकेरता का ज्या काय तेभी हेते ताह आतली किरील जात एतो एने ते जे कायीच नाहं बोगवानान ओहलाह निवाडील.

²⁹ म्हणजे बोगवाना ओगाण माणुह गर्व केरूह शकणार नाहं.

³⁰ पुण तुमूह यीशु मसीह ताणुच कारणाने स्थिर हि, तोज बोगवानान वरदानान रुपाम बुद्धी अर्थाम धार्मिकता, एने पवित्रता, एने सुटकारो.

³¹ जोहलो का शास्त्रामाय लिखील हि, “जर कोणीही काही गर्व केरुहू हि तर तो प्रभु माय आपणो स्थितीचा गर्व केरुहू.”