Buka Linge 149 - Na Rongorongo Uto nina Jesus Christ

¹ Holohaba Lord! Kau linge na linge vaolu vania Lord. Linge vaukolu holohaba, ghobudira tara nia kikinima.

² Israel kau nia togotogo agaia, te gonighau. Mi ghau Jerusalem, kau nia rivurivu nimiu na vunaghi haba.

³ Kau nia ghavaighavai na holohabana na ahana, nia na uvete mana ghalevu.

⁴ Gaia Lord te nira togotogo nina vure. Me pitiuluadira tara talumuri nia na pitiulu ni vola.

⁵ Lubatira tara kikinima kara rivurivu na talu habana, gaira kara linge togotogo tana malei ghimedira.

⁶ Na lei nina holohaba God ke kabu tana mangadira, mana ivi te vanga tana limadira.

⁷ Ke matera nia ma kara nia bubuto na lei kema, na deteadira na lei tinoni.

⁸ Kara pitira na lei vunaghi nia na tali, ma didira tinoni uhuhuli nia na tali halo.

⁹ Ge na dete te bosa tua pungisira. Ke dete matera eni [vania] didira na lada nina lei tabu. Holohaba Lord.