Buka Linge 137 - Na Rongorongo Uto nina Jesus Christ

¹ Ighai tai sopou horu lilighina na beti sule Babylon, mai tangitangi, tai ghanaghana oligho Jerusalem.

² Mai talukehai nimami na ghalevu mai, ke tari datoi tana otoni na ghai ni ungaunga.

³ Gaira tara sagu ghita, tara kolughita nia na linge, ma gaira tara dika ta ghita, tara nongia na linge rivurivu itatada: Kau linge vanighai, sakai itadira na linge ni Jerusalem.

⁴ Ivei ka nea na lingeana, na lingeana Lord tana komu keha eni?

⁵ Ke vagha ku nigho ponolio ke Jerusalem, lubatia ghua na lima madologu ge ke nia ponolio nigua na ghalevu.

⁶ Na lapigu te rago dato tana ngongogu, ke vagha ku nigho ponolio, mu ku mua talua Jerusalem ge ke nigua na nagho ni togotogo.

⁷ Lord, ko ghanaghana olia, na hava na vure ni Edom tara gonia, tana bona na vure ni kisumate tara sagua Jerusalem, Kau haurakea tua vaa! Mana ngingili, itaeni ke tao tana pari.

⁸ Babylon geva kara haurakegho, holoutoa gaia te pelu horugho nia na hava to gonia vanighai.

⁹ Holoutoa gaia te holara na lei nimiu meomeo, me nera rabo horu tana vatu.