Buka Linge 101 - Na Rongorongo Uto nina Jesus Christ

Na linge nina David

¹ Lord, nigua na linge ni kabu sasara mana utuni, Mi nau tu lingea vanigho gatu.

² Na nilabugu ke mua palugha. Mi ngiha vaho ko mai tagua. Inau ku kabu marabu tana valegu.

³ Ku mua talana na dika ge ke mai tagua, mu ku nighi sika na gehegehedira tara ririu keha vania God, ku mua ghai haidu olu tua itadira.

⁴ Inau ku mua taonia na volapego, mu ku mua haidu kolura na vure dika.

⁵ Inau ku lavi kehaa a hei te bosadika, polopoloa na ahana siki sakai, mu ku tiva kehaa gaia te magharo me talunagho.

⁶ Inau tu holoutora gaira tara lutu utuni vania God, mu taladira ge kara ghanara lokana na valegu. Gaira te utuni haliu na voladira, tu taladira ge kara ghairau vaniu.

⁷ Gaia te sorisori ke mua ghanaa lokana na valegu, ma gaia te pego ke mua kabu i lilighigu.

⁸ Inau ku durakera tughu bongi rana dika lokana na bonada, mu ku tivara rana tangohahi tana komuna a Lord.