Israelfɔ Ɩlʋ 29 - Bulu Ntam Pɔpwɛ mʋ́a Israel Ɩlʋ

Nana Bulu Ɩda Bʋ Numnyam

Dawid kanfʋ-ɩlʋ.

¹ Ɔsʋsʋ atumipʋ, mlɩkanfʋ Nana Bulu. Mlɩpʋ numnyam mʋ́a ɔwʋnlɩn ha mʋ.

² Nana Bulu ɩda bʋ numnyam, mlɩkanfʋ mʋ. Mlɩda akpawunu ha mʋ, tsufɛ mʋ nkʋlɛ lɔwankɩ.

³ Nana Bulu ɔmɛ lalɩn ɔpʋsʋ. Numnyam Bulu ɔmɛ lapʋtɩ fɛ ɔprada. Nana Bulu ɔmɛ lapʋtɩ ntsu akpɔnkpɔntɩsʋ.

⁴ Mʋ́ ɔnɔ bʋ ɔnlɩn, ɩbʋ numnyam.

⁵ Mʋ ɔmɛ tebiabia Lebanon ndum. Itebiabia Lebanon odum akpɔnkpɔntɩ blublublu.

⁶ Ɔtɛha Lebanon abʋ tofuli kpayi fɛ okufabi. Sirion ɩbʋ ɛ tofuli kpayi fɛ ɔkpalabi.

⁷ Mʋ ɔmɛ ɩpʋtɩ a, ogya tɛdalɩ.

⁸ Mʋ ɔmɛ tɔpʋtɩ kpɩnkɩ adimbi ɔsʋlʋ. Ɩtɛkpɩnkɩ Kades adimbi ɔsʋlʋ ɛ.

⁹ Nana Bulu ɔmɛ tɔpʋtɩ fiala ndum. Ɩtɛkpakpa nyi atɛ. Mʋ ɔtswɛkpa atsiapʋ fɛ́ɛ́ bʋtɔkplʋn blɩ bɛɛ, “Onumnyampʋ!”

¹⁰ Nana Bulu dɛ iwiegyi ntsu bʋlahɛsʋ. Otsie mʋ owie obiasʋ brɛ fɛ́ɛ́.

¹¹ Nana Bulu tɔwa mʋ ɔmá ɔwʋnlɩn, ɔtɔpʋ iwilwii yula amʋ́.