Israelfɔ Ɩlʋ 26 - Bulu Ntam Pɔpwɛ mʋ́a Israel Ɩlʋ

Nana Bulu, Gyi Mɩ Asʋn Ha Mɩ

Dawid ɩlʋ.

¹ Nana Bulu, gyi mɩ asʋn ha mɩ; tsufɛ ɔlala ma mɩ ɩwɩ. Fʋsʋ nɔpʋ ansɩ dɩnka, mmɛkɩ gyɔpɩ ntɛ bɩna.

² Oo Nana Bulu, sɔ mɩ kɩ. Kɩ mɩ klʋntɔ, afʋkɩ mɩ nwuntɔ.

³ Tsufɛ fʋ ɔdwɛá ɩma ɔka igya mɩ nkpa, nna fʋ ɔnɔkwalɩsʋ.

⁴ Mɩa afunupʋ anɩtamanatɩ. Mmobuo apinabwɛbi abwɛpʋ.

⁵ Ntekisi aha lalahɛ ofiakpa yɔ. Mɩa lalahɛ abwɛpʋ anɩtamatsia.

⁶ Nana Bulu, ntɔfwɩ ɩbɩ pʋsuna ánɩ́ lalahɛ kʋkʋ ma mɩ ɩwɩ, asa ntɛba bobomli fʋ afɔdɩɛ-ɔswɩ,

⁷ wa ɩlʋ kanfʋ fʋ kʋklʋkʋʋ, pʋlɛ fʋ ofula fɛ́ɛ́ suna.

⁸ Nana Bulu, fʋ woyitɔ, igyi fʋ numnyam otsiakpa bʋ mɩ ɔdwɛ.

⁹ Mámɔ mɩ manta lalahɛ abwɛpʋsʋ. Mámɔ mɩ manta obugya atsitsapʋsʋ.

¹⁰ Amʋ́gyi aha ánɩ́ bʋtɔgywɩɩn lalahɛ, ŋaintɔ-atɔhɔ labʋla amʋ́ gyɔpɩ.

¹¹ Mɩ mʋ́ ɔlala ma mɩ ɩwɩ. Gyi mɩ bʋalɛ, afʋhɔ mɩ.

¹² Nlɩɩ ɔtantasʋ. Nɛ́kanfʋ Nana Bulu aha tsɔtsɔɔtsɔ ansɩtɔ anɩ ɔpasuatɔ.