Israelfɔ Ɩlʋ 146 - Bulu Ntam Pɔpwɛ mʋ́a Israel Ɩlʋ

Bulu Tɛkɩ Afɔɔsʋ, Kpa Awumbi Mʋ́a Asʋrapʋ

¹ Kanfʋ Nana Bulu! Oo mɩ ɔkla, kanfʋ Nana Bulu!

² Ɩnɩá ntsie nkpa a, nɛ́kanfʋ Nana Bulu. Nɔ́wa ɩlʋ kanfʋ mʋ mɩ nkpatɔ fɛ́ɛ́.

³ Mlɩmápʋ ansɩ dɩnka awie pʋ́ anyankpʋsasʋ. Bʋmɛ́ɛtalɩ hɔ mlɩ nkpa.

⁴ Nɩ anyankpʋsa ɔŋɛ ɩdalɩ amʋ́tɔ a, bʋteyinki yɔ ɩsɩtɔ. Amʋ́ nhɩhɩɛ fɛ́ɛ́ tɔfwɩ ɛkɛ amʋ ɛkɛ amʋ.

⁵ Ansɩ igyi aha ánɩ́ Yakob Bulu gyi amʋ́ bʋalɛ ogyipʋ, bʋdɛ amʋ́ Bulu ɔkpa kɩ.

⁶ Mʋlɔbwɛ ɔsʋ mʋ́a asɩ, ɔpʋ mʋ́a atɔá ɩbʋ mʋ́ fɛ́ɛ́tɔ, ɔdɛ mʋ ɔnɔkwalɩtɔ brɛ fɛ́ɛ́.

⁷ Otegyi asʋn ɔnɔkwalɩsʋ ha aha ánɩ́ bʋdɛ amʋ́ sisi, ɔtɛha aha ánɩ́ akʋn dɛ amʋ́ atogyihɛ. Nana Bulu tɛlɛ obu adɩpʋ obu.

⁸ Mʋtobwii ansibi abwiepʋ ansibi, ototsu aha ánɩ́ baba amʋ́ asɩ kʋsʋ. Otekle yile abwɛpʋ asʋn.

⁹ Ɔtɛkɩ afɔɔsʋ, kpa awumbi mʋ́a asʋrapʋ; tamɛ oteyinta lalahɛ abwɛpʋ nhɩhɩɛ.

¹⁰ Nana Bulu dɛ iwie gyi brɛ fɛ́ɛ́. Sionfɔ, mlɩ Bulu amʋ obégyi iwie otuntufla fɛ́ɛ́. Mlɩkanfʋ Nana Bulu!