Israelfɔ Ɩlʋ 130 - Bulu Ntam Pɔpwɛ mʋ́a Israel ƖlʋIsraelfɔ, Mlɩkɩ Nana Bulu Ɔkpa Yerusalem-yɔ ɩlʋ. 1 Oo Nana Bulu, mbʋ ɩkplan kpɔnkpɔɔnkpɔntɩtɔ, ndɛ fʋ kpoli. 2 Mɩ Wie, nu mɩ ɔmɛ! Yaa asʋ, afʋnu mɩ kokoli. 3 Oo Nana Bulu, nɩ fɔkʋla lalahɛ a, ma obésian? 4 Tamɛ fʋtesikie, mɛnɩ abénya fʋ ifu. 5 Ngyo Nana Bulu, mɩ ɔkla gyo mʋ. Mʋ asʋn ɔkpa ndɛkɩ. 6 Mɩ ɔkla gyo mɩ Wie dʋn onye agyopʋá ɔdɛ ɔyɩkɛhɛ ɔkpa kɩ. Dʋn onye agyopʋá ɔdɛ ɔyɩkɛhɛ ɔkpa kɩ. 7 Israelfɔ, mlɩkɩ Nana Bulu ɔkpa, tsufɛ Nana Bulu ɔdwɛ ɩma ɔka. Ɔtɛhɩɛ ka lɛ aha. 8 Mʋ ɔbɛ́ka lɛ Israelfɔ amʋ́ lalahɛ fɛ́ɛ́tɔ. |
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Wycliffe Bible Translators, Inc.