Israelfɔ Ɩlʋ 126 - Bulu Ntam Pɔpwɛ mʋ́a Israel ƖlʋAha Ánɩ́ Bɔpʋ Isu Du Atɔ A, Bɔ́pʋ Ansigyi-ɩlʋ Kpɔtɩ Mʋ́ Yerusalem-yɔ ɩlʋ. 1 Brɛá Nana Bulu leyinkia mʋ aha tsu ndountɔ ba Sion a, ɩlɔbwɛ anɩ fɛ okudetɔ. 2 Anɩlɔmɔsɩ, wa ɩlʋ ansigyisʋ. Ɩnʋ ɔmá bambasʋfɔ bɛblɩ bɛɛ, “Nana Bulu labwɛ itoyile ha amʋ́.” 3 Lɛlɛ, Nana Bulu labwɛ itoyile ha anɩ, ansɩ ɩdɛ anɩ gyi. 4 Oo Nana Bulu, ha ɩlawa alɛ ha anɩ, abwɛ fɛ ɔsʋlʋ wʋlɩhɛsʋ abʋnkpa. 5 Aha ánɩ́ bɔpʋ isu du atɔ a, bɔ́pʋ ansigyi-ɩlʋ kpɔtɩ mʋ́. 6 Ɔha ánɩ́ ɔlɔpʋ isu yodu atɔ a, ɔbɔ́pʋ ansigyi-ɩlʋ sʋra mʋ atɔ ba woyitɔ kokooko. |
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Wycliffe Bible Translators, Inc.