Nacmiya 7 - NABUWWA KEE MALIKWA

¹ Gasô-xisne gaba kalteeh, gasoh afoofit haan coox kaadu le aracat akak hayne. Sarrak culmah afat dacayrih gacu waa mara kee, Yallih saare abu waa mara kee, gersi Leewih yooboke marah inkih, aboonu waan taama warisne.

² Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

³ Ken nammayak exceemih, «Maaci meqe innah maacissa 'yeh ayro eweqqa 'tam fan, Yarusalaam magaalah afoofa mafakinaay; ayro cultam faxxa waqlay dacayrih qaskar gexxahiyyak duma alifay; adda le kabuk tabtabbih edde alfan coox haysita» keenik exce. Tohuk kalah kaadu keenik exceemih, «Yarusalaam addal buxah yan marih addak dacayrih gacu waa mara dooraay; too marak tu takkem elle taamitan aracal dacayrih gactay, raqtem kaadu isinni qarwah dariifal dacayrih gacoonay» exce.

YUDUURE MARIH MIGAQ AH KAANA

⁴ Yarusalaam kaxxa magaalak tene'mmay mango mari tet addal mananna. Mango qarwa tet addal xise'kal yenen.

⁵ Tonna leemiik Yalli yoo elle yuybulle innal, saqoltih yen mara kee baaxoh abbobti kee raqqa 'ye marak yakkeenimiik mododissa ken heeh, nasab keenik elle yan innih kusaaqisiyya abe. Sarrak seewah ken akak beenih sugen baaxok naharak yuduure marih migaq elle yan kitab gee.

⁶ Duma seewah been marak rade marak, Yarusalaam kee Yuudâ rasu fan yuduureh suge marih migaq ah kaana. Ta mari akak rade mari yakkeemiik inkih Nabkadnessar deqsita Baabelon-malik seewah beeh suge. Too saakuk xabba haanam too baaxol, baaxo caboytiitih sugen. Isinni baaxo gufen waqdi, kulli numuuy isi magaala fan keenik gaceh yen.

⁷ Yuduuren saaku keenik saqoltih tenem, Darabbabel kee Yaasuwa kee Nacmiya kee Qadarya kee Raqmiya kee Nacmani kee Mordakay kee Bilsan kee Misfarat kee Bigwa kee Nacum kee, tonnah kaadu, Baqna deqsita numuk ten.

^8-25 Israayilih yooboke marak gulub-gulubul loowimak, seewah ken elle been baaxok yuduure mari ah kaana. Farqos deqsita gulubuk yuduure mari mangah namma alfi kee bool kee malcina-taban kee namma num akkuk yen. Safatya deqsita gulubuk kaadu sidiica bool kee malcina-taban kee namma num tuduure. Arac deqsita gulubuk tuduurem, lica bool kee kontom kee namma numu. Facat-mooyab deqsita gulubuk namma alfi kee bacra bool kee taban kee bacra num tuduure. Ta gulub akak rade kaxxa abbobti, Yaasuwa kee Yowab deqsita namma numuk ten. Qeelam deqsita gulubuk rade mari alfi kee namma bool kee kontom kee affara num akkuk tuduure. Dattuq deqsita gulubuk bacra bool kee morootom kee koona num tuduure. Dakkay deqsita gulubuk malcina bool kee lactam num tuduure. Binnuy deqsita gulubuk lica bool kee morootom kee bacra num tuduure. Beebay deqsita gulubuk lica bool kee labaatanna kee bacra num tuduure. Qadgad deqsita gulubuk namma alfi kee sidiica bool kee labaatanna kee namma num tuduure. Adonikam deqsita gulubuk lica bool kee lactam kee malcina num tuduure. Bigway deqsita gulubuk namma alfi kee lactam kee malcina num tuduure. Qaadin deqsita gulubuk lica bool kee kontom kee koona num tuduure. Aatar deqsita gulubuk sagla taban kee bacra num tuduure. A gulub a migaaqak kalah Ciskiyyaaha deqsita migaaqal aaxaguk yenen. Casum deqsita gulubuk kaadu sidiica bool kee labaatanna kee bacra num tuduure. Bexay deqsita gulubuk yuduure mari sidiica bool kee labaatanna kee ferey akkuk yen. Carif deqsita gulubuk bool kee taban kee namma num tuduure. Gibqon deqsita gulubuk yuduure mari sagla taban kee koona num akkuk yen.

^26-38 Dumah yan saaku Israayil rasuk mango magaaloolil kaxxa abbobti akak sugte marak, mango mari yuduure. Duma Beetlacam kee Netoofa deqsitta namma magaalal suge marak rade marak, bool kee bacra-taban kee bacra num tuduure. Duma Qanatot deqsitta magaalal suge marak rade marak, bool kee labaatanna kee bacra num tuduure. Duma Beet-Qadmawet deqsitta magaalal suge marak rade marak, morootom kee namma num tuduure. Duma Kiryat-Yaqaarim kee Kafiira kee Beerot akak iyyan magaaloolil suge marak rade marak, malcina bool kee morootom kee sidiica num tuduure. Duma Raama kee Gabaq deqsitta magaaloolil suge marak rade marak, lica bool kee labaatanna kee inki num tuduure. Duma Mikmas deqsitta magaalal suge marak rade marak, bool kee labaatanna kee namma num tuduure. Duma Beetal kee Qaay deqsitta namma magaalal suge marak rade marak, bool kee labaatanna kee sidiica num tuduure. Duma Nabo deqsitta magaalal suge marak rade marak, kontom kee namma num tuduure. A magaalay Nabo deqsittak kalah kaadu gersi magaalay Nabo deqsittahiyya tan. Duma Qeelam deqsitta magaalal suge marak rade marak, alfi kee namma bool kee kontom kee affara num tuduure. A magaalak kalah kaadu gersi magaalay Qeelam deqsittahiyya tan. Duma Caarim deqsitta magaalal suge marak rade marak, sidiica bool kee labaatanni num tuduure. Duma Yeriko deqsitta magaalal suge marak rade marak, sidiica bool kee morootom kee koona num tuduure. Duma Lood kee Caadid kee Oono deqsitta sidooca magaalal suge marak rade marak, malcina bool kee labaatanna kee inki num tuduure. Duma Senaaqa deqsitta magaalal suge marak rade marak, sidiica alfi kee sagla bool kee soddom num tuduure.

^39-42 Seekah aabakuk suge marak tuduurem ah teeti: Yaasuwak rade gulubuy Yadaqya deqsitahiyyak sagla bool kee malcina-taban kee sidiica sek yuduure. Immar deqsita gulubuk tuduurem, alfi kee kontom kee namma seeki. Fascur deqsita gulubuk tuduurem, alfi kee namma bool kee morootom kee malcina seeki. Caarim deqsita gulubuk tuduurem, alfi kee taban kee malcina seeki.

⁴³ Leewih yooboke marak yuduure marih loowo ah teeti: Yaasuwa kee Kadmiyal akak iyyan namma numih durruyyatak tuduurem, malcina-taban kee affara numuk ten. Kaxxa abba keenik Hodawya deqsita numuk ten.

⁴⁴ Yallih Qibaadah-Qarih addal saare abak yen marak bool kee labaatanna kee bacra num tuduure. Too mari Asaf deqsita gulubuk rade marak ten.

⁴⁵ Yallih Qibaadah-Qarit dacayrih yen marak tuduurem, bool kee soddom kee bacra numu. Ta mari akak radem, migaaqah Sallumuuy, Ataraay, Talmoonuuy, Qakkubuuy, Catiit kee Soobay deqsita numuk ten.

^46-56 Yallih Qibaadah-Qarit taamah suge marak rade marak yuduure marih gulubuk migaq ah kaana: Xiica kee Casuufa kee Tabaaqot kee Keeros kee Siiqa kee Fadon kee Labaana kee Cagaaba kee Salmay kee Canaan kee Giddal kee Gacar kee Rayya kee Raaxin kee Nakooda kee Gaddam kee Qudda kee Faseeyac kee Besay kee Maquunim kee Nafussim kee Bakbuk kee Cakuufa kee Carcur kee Baxlit kee Maciida kee Carsa kee Barkus kee Sisra kee Temac kee Naxiya kee Catiifa deqsita gulubuk ten.

^57-59 Suleemanah taamitak yen marih gulubuk yuduure mari akak rade marih migaq ah kaana: Sootay deqsita numuuy, Sofrat deqsita numuuy, Feriida deqsita numuuy, Yaqla deqsita numuuy, Darkon deqsita numuuy, Giddal deqsita numuuy Safatya deqsita numuuy Cattil deqsita numuuy Fokret-Haxxabaayim deqsita num kee Amon deqsita numuk ten.

⁶⁰ Yallih Qibaadah-Qarih addal diini taamat yen mara , Suleeman buxah addal Suleemanah taamitak yen marih nasabak yuduure mari tittat sidiica bool kee sagla taban kee namma num yekken.

^61-62 Dalaaya kee Toobiya kee Nakooda deqsita sidiica gulubuy Tel-Melac kee Tel-Carsa kee Karuub kee Addon kee Immar deqsitta magaaloolik yuduurehiyya, lica bool kee kontom kee namma num akkuk yen. Takkay immay too mari Israayilik rade mara kinnoonumih digga mageytiminna.

^63-64 Seekah yooboke marih addak Cobaaya kee Hakkox kee Bardillay migaq luk yen gulub, seekah gacsaanamih digga mageytiminna. Bardillay deqsita gulubuy seekah gacsahiyya akak rade num, digibe saaku balli gulubul kaa muggaaqiseeniih, Bardillay kaak axcuk yenen. Ta mari inkih akak rade marih migooqa keenik mageytiminnaay; tonna-leemiik taahir ane waa maray seekat gacu duude waahiyyat ken loowen.

⁶⁵ Tohuk gexxaamah Yuudâ-baaxoh abba, «Urim kee Tummim deqsitta duyye qida sek yamaatem fanah Yallih migaaqal sadgatah xayyoosan maaqo takmeenimih idni manton» keenik iyye.

^66-69 Israayil maray marin baaxok yuduurehiyya sittat morootom kee namma alfi kee sidiica bool kee lactam num akkuk yenen. Keenih taamitak yen mari labha kee say marih fanal malcina alfi kee sidiica bool kee soddom kee malcina num akkuk yenen. Saare abak yen marak kaadu, labha kee say marih fanal yuduure mari namma bool kee morootom kee koona num akkuk yenen. Faarisik gabat baaheenim, malcina bool kee soddom kee lica faras akkuk ten. Baakilik kaadu, namma bool kee morootom kee koona bakil gabat baahen. Gaalak kaadu, affara bool kee soddom kee konoy takkem baahen. Danoona kee okaalek kaadu, lica alfi kee malcina bool kee labaatanna takkem gabat baahen.

^70-72 Taama abaana'gidih mango mari lakqo yecee. Baaxol xintoh abbah yen num bacra kiilo dahabak yeceeh, tonnah kaadu qiddi saaku lee kee qabal elle haan sacnittek kontom kee, seeka edde gacta dallaabiyak soddom kee lakqok kaadu namma bool kee kontom kiilo yecee. Gulubwah saqolti dahabak bool kee lactam kee bacra kiilo teceeh, lakqok kaadu alfi kee namma boolih kiilo yeceen. Raqqa 'ye mari dahabak bool kee lactam kee bacra kiilo yecee; lakqok kaadu alfi kee bool kiilo takkem yeceen; seeka edde gacta dallaabiyak lactam kee malciini takkem yeceen.

⁷³ Seeka kee Leewih yooboke maraay, Yallih Qibaadah-Qarit dacayrih yen maraay, Yallih Qibaadah-Qarih addal saare abak yen mara kee, gersi maray Yallih Qibaadah-Qarih taamat yenehiyya kee raqqa iyye mari yakkeemiik isinni magaaloolil nookeeniih, dabaaqah elle gacen. Malcinhaytoh alsat Israayil marak uduurra ye mari yakkeemiik mariiy isi magaalal keenik nookeh yen.