Malaaki 4 - NABUWWA KEE MALIKWA1 «Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta. 2 Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton. 3 Too ayroy anu gaba qidu waahiyya, umeynit gombod innah, kabel gubah gacissa haak, keenit aaqitetton. Tah intam yoo YALLAY Nabaamak Nabahiyya. 4 «Muusay yi naqasuh yanihiyya sin barsem kee, kay gabal Israayil marah Siinâ Qaleh amol ecee xinto kee madqay kataataana'gidih keenih ruubehiyya, isin kassita. 5 «YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo. 6 Anu innih amma exceh baaxo siinik bayse waa'gidih, nabi Eliyyas amma 'yeh wiilih sugte xaleena kee xaylo fan bicsele» iyye. |