Aster 10 - NABUWWA KEE MALIKWA

MALIK EKSERKAS KEE MORDAKAY LUK TEN NABNA

¹ Malik-Ekserkas, rasi addal yan mara kee baddâ-dariifal yan maral gabbara yaceenim faxxintam amrih oobise.

² Malik abba hee kaxxa abtoy qagabak tanihiyya kee Mordakayah kaxxa reeda elle yacee inna yascasse aydaadi, Fursi kee Meediyah Malikwah Aydaada deqsita kitaabal yan.

³ Yahuuduh yooboke Mordakay, Malik-Ekserkasak kalih marak inkih, reedah amol raaqa numuk yen. Yahuud kaxxam kaa assakaxxuk teneeh, kaxxam kaadu kaa kicinuk ten. Usuk kaadu isi marah amqinnan taamah abitto kee ken amo dacrisaanam taamah luk yen.