1 Aydaad 9 - NABUWWA KEE MALIKWA

¹ Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

² Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

YUDUUREN SAAKU YARUSALAAMAL GACE MARA

³ Yuuda kee Benyam kee Efrayim kee Manasse deqsitta kedoodah yooboke mari Yarusalaamal gace.

⁴ Baani Imri xale; Imri Qomri xale; Qomri Qammihud xale; Qammihud Quutay xale. Quutay Yuudâ-baxa-Faresik rade marak abbah yeneeh, dabqih Yarusalaamal gace.

⁵ Yuudah yooboke Siilok rade marak abbah yen num, Qasaaya deqsitak yen. Kaa kee kay xaylo tokkel gacen.

⁶ Yuudá-Darak rade marak kaadu Yaqwel deqsita num wokkel gace. Yuudah yooboke maray Yarusalaamal gacehiyya sittat lica bool kee sagla taban akkuk yen.

⁷ Benyaamah yooboke marak Sallu deqsita num wokkel gace. Sallu Masullam-baxaay, Masullam Hodawyâ-baxaay, Hodawya Hasnuwâ-baxak ten.

⁸ Keenik kaadu Yaroocám-Yibnaya kee Quddí-Eela deqsita mari Yarusalaamal gace. Eelak kaxxa-abba Mikri deqsitak yen. Safatyá-Masullam deqsita num kaadu wokkel gace. Masullamak kaxxa-abba Reqwel deqsitak yeneeh; Reqwel Yibniyâ-baxak ten.

⁹ Ta mari inkih gulubwah saqoltih yen. Benyaamah yooboke maray Yarusalaamal gacehiyya sittat sagla bool kee kontom kee lecey akkuk yenen.

¹⁰ Seekah yooboke maray Yarusalaamal gacehiyyak migooqa ah teeti: Yadaqya kee Yehoyaarib kee Yaakin kee

¹¹ Qadarya. Qadarya Cilkiyyâ-baxaay, Cilkiyya Masullam-baxaay, Masullam Saaduk-baxaay, Saaduk Maraayot-baxaay, Maraayot Aciitub-baxak ten. Aciitub Yallih Qibaadah-Qarih addal seekak abbah yen.

¹² Wohuk kalah kaadu seekah yooboke marak Yaroocám-Qadaaya kee Qadiyél-Maqsay deqsita mari Yarusalaamal gace. Qadaayak kaxxa-abba Fascur deqsitak yeneeh; Fascur Malkiyâ-baxak ten. Maqsayak kaxxa-abba Yacdeera deqsitak yen. Yacdeera Masullam-baxaay, Masullam Masilleemit-baxaay, Masilleemit Immar-baxak ten.

¹³ Seekah yooboke maray gulubwah saqoltih yene sittat alfi kee malcina bool kee lactam akkuk yenen. Oson inkih dudda le maraay; Yallih Qibaadah-Qarih addal aban taama ken gabat ten.

¹⁴ Keenik kalah yan Leewih yooboke maray Yarusalaamal gacehiyyak migooqa ah teeti: Maraari-gulubuk Cassúb-Samaqya deqsite numuk ten. Kay kaxxa-abba Qadrikam deqsitak yeneeh; Qadrikam Casabyâ-baxak ten.

¹⁵ Bakbakkar kee Ceeres kee Galal kee Mattanya deqsita mara. Mattanya Miikâ-baxaay, Miika Dikri-baxaay, Dikri Asaf-baxak ten.

¹⁶ Samaqyâ-Qobadya deqsita numuk ten. Kay kaxxa-abba Galal deqsitak yeneeh, Galal Yedutun baxak ten. Aasâ-Barkiyya deqsita numuk ten. Kay kaxxa-abba Elkaana deqsitak yen. Elkaana Natoofâ-magaala dariifal ten baaxol geytimta gaandoodil daffeyak yen numu.

¹⁷ Yallih Qibaadah-Qarit dacayrih suge maray Yarusalaamal gacehiyyak migooqa ah teeti: Sallumuy keenik abbah yene kee Qakkub kee Talmon kee Aciman kee keenih ramad le mara.

¹⁸ Sallum a saaku fanah, Malik Afa deqsitak ten Culmay ayrô-mawqa le kabul geytimtahiyyat dacayrih yan. Dumah yan dabaanal oson akak raden mari, Leewih yooboke mari elle yinfiddige aroocat dacayrih suge marak ten.

¹⁹ Sallum Koorê-baxaay, Koore Ibiyaasaf-baxaay, Ibiyaasaf Korac-baxak ten. Dumah yan dabaanal Korac akak rade mari, YALLIH mari elle yinfiddigen aracat dacayrih elle yenen innal, Sallum kee kaah ramad le maray Koracak radehiyya YALLIH Nabnah-Siraqih afat dacayrih yen marak ten.

²⁰ Dumah yan dabaanal, Alqedár-Fincas keenik abbah yeneeh; YALLI kaadu kaa'lih yen.

²¹ Maselemyá-Zakariyya kaadu Yallih Nabnah-Siraqih afat dacayrih yen numuk ten.

²² Yallih Qibaadah-Qarih afat dacayrih yan mari sittat namma bool kee taban kee namma num akkuk yen. Ken migooqa kee akak raden marih migooqa, oson elle sugen mandarwal kitaabal tunkuttubeh ten. Malik Dawud kee nabi Samuwel a taamak amo wagtaanam, oson akak raden marih gabal heen.

²³ Tonna leemik, YALLIH Qibaadah-Qarih afat dacayri, adok ado fanah abak sugen.

²⁴ Too mari, Yallih Qibaadah-Qari affara kaalibit inkih dacrisak yen.

²⁵ Ken toobokoy mandarwal sugtehiyya midu-miduh amaatuk yeneeniih, ayyam gide woo taamat ken luk angaluk yenen.

²⁶ Yallih Qibaadah-Qaril duyye elle daanisan golitte kee aki golitteh qaada wagga hayta taama, Yallih Qibaadah-Qarit dacayrih suge marak affara numuy keenik abbobtih yenehiyyah gabal heen. Too mari Leewih yooboke marak ten.

²⁷ Osonuuy bar Qibaadâ-Qari dacrisak xiinak yeneeniih; saaku culma akak fakak yenen. Too qarih maftac ken gabat yen.

LEEWIH YOOBOKE MARI LUK YEN TAAMA

²⁸ Leewih yooboke marak garabah, qibaada elle aban aracal faxxinta taama edde aban mingilwah amo wagtaanamih taama keenih tontocowwe. Edde daanisan golittek beyan waqdi kee addal gacsan waqdi too duyye loowak yenen.

²⁹ Leewih yooboke marak gersi garabah, gersi duyyey taahirik tanihiyya kee, tonnah kaadu, bulul kee kamriiy, faanus-zeyti (saliid) kee sukti-zeyti kee suruy meqe qerto akak bicsen duyyeh amo wagtaanam gabal keenik heen.

³⁰ Takkay immay suruy meqe qerto bicisak sugtem seekak ten.

³¹ Sadgatah tantacawwu wayta gasiitah bicsiyya, Leewih yooboke numuy Mattitya deqsitahiyya gabal heen. Mattityaay Koracak rade marah yooboke Sallum deqsita numuk naharsi-baxak ten.

³² Keenih ramad le maray Kohat gulubuh yoobokehiyya, taahirroysen-gaqamboy kulli sabti qiidih ayrol Qibaadâ-Qaril yen miizih amol haanahiyyah bicsiyya ken gabal heen.

³³ Yallih Qibaadah-Qarih addal saare abak yen mari, Leewih yooboke marak ten. Too marak abbobtih yen mari bar kee saaku too taama luk yeneemih sabbatah, gersi taama keenih maacannon. Too mari Qibaadâ-Qaril ten golitteh addal dabqah gacen.

³⁴ Too mari inkih Leewih yooboke marih samadak yenen. Kaadu saqoltik yenen. Dabaaqah elle yeneenim, Yarusalaamak ten. Ken migooqa akak raden mari yaakumik ciggiilih elle yan innal tunkuttubeh ten.

MALIK SAAWUL AKAK RADE MARA

³⁵ Yaqiiyal Gibqon-magaalak abbah yeneeh; isi barray Maqka deqsittahiyya luk Gibqon-magaalal suge.

³⁶ Naharsi-baxi kaak Qabdon deqsitak yen. Kay lakal Xuur kee Keesiiy, Baqal kee Ner kee Nadabaay,

³⁷ Gador kee Acyooy, Zakariyya kee Miklot deqsitta lab-xaylo xale.

³⁸ Miklot Simam xale. Oson Yarusalaamal isinni ramad le mara lih gacen.

³⁹ Neriiy Kees xaleeh, Keesiiy Saawul xaleeh, Saawuluuy Yonaatan kee Malkisuwaqaay, Abinadab kee Esbaqal xale.

⁴⁰ Yonaatanaay Maribaqal xaleeh, Maribaqalaay Miika xaleeh,

⁴¹ Miikaay Fiton kee Melekiiy, Tacreeyaq kee Acad xale.

⁴² Acadaay Yaqra xaleeh, Yaqraay Qalemet kee Qadmawet kee Dimri xale. Dimriiy Mooxa xaleeh,

⁴³ Mooxaay Binqa xaleeh, Binqaay Raafaya xaleeh, Rafaayaay Elaasa xaleeh, Elaasaay Aaxel xale.

⁴⁴ Aaxel lab-xaylok lecey xaleeh, migaaqah Qadrikam kee Bokruuy, Ismaaqil kee Saqaryaay, Qobadya kee Caanan deqsitak yenen.